ជីវិតកម្សាន្ដ

Lisa បង្ហោះរូបថតជាមួយ Rihanna ជាលើកដំបូង

បានផុស

២ years មុន

នៅ

ថ្ងៃចន្ទ ២៩ មករា ២០២៤

ដោយ

Lisa សមាជិកក្រុម BLACKPINK បានបង្ហោះរូបថតជាមួយតារាចម្រៀងស្រី Rihanna បន្ទាប់ពីចូលរួមកម្មវិធី Gala Des Pièces Jaunes ក្នុងទីក្រុងប៉ារីស ខណៈអ្នកគាំទ្រទាំងសងខាងបានសម្រុកចែករំលែកនៅលើបណ្តាញសង្គមដោយថា រូបភាពនេះកំពុងពេញនិយមលើវេទិកា X យ៉ាងព្រោងព្រេាត។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

តាមរយៈគណនី IG ផ្ទាល់ខ្លួន នាថ្ងៃ២៩ ខែមករា ឆ្នាំ២០២៤ សមាជិកក្រុម BLACKPINK រូបនេះ បានបង្ហោះនូវរូបភាពជាច្រើន ក្រោយសម្តែងក្នុងកម្មវិធីសប្បុរសធម៌មួយនៅ កីឡដ្ឋាន Accor Arena ក្នុងការប្រគំតន្រ្តី Gala des pieces jaunes កាលពីថ្ងៃទី ២៦ ខែមករា ឆ្នាំ ២០២៤ (ម៉ោងក្នុងស្រុក) ប្រទេសបារាំង។ មួយក្នុងចំណោមនោះគឺជារូបភាពរវាង Lisa និង Rihanna ថតកៀកគ្នាយ៉ាងស្និតស្នាលបំផុត។

យ៉ាងណាក៏ដោយ រូបភាពឈរញញឹមកៀកគ្នារបស់ Lisa និង Rihanna បានធ្វើឲ្យបណ្ដាញសង្គមអ៉ិនធើណេតកក្រើកសារជាថ្មីម្ដងទៀត តាមរយៈការបញ្ចេញមតិរបស់អ្នកគាំទ្រទូទាំងពិភពលោក។ ស្របពេលដែលមហាជនជាច្រើនបានដឹងហើយថា កន្លងមកតារាស្រីអាមេរិក Rihanna ក៏បានចូលរួមការសម្ដែងបទចម្រៀង LALISA និង Money របស់ Lisa ផងដែរ។

លើសពីនេះទៀតដែរ ផ្អែកតាមតាមរបាយការណ៍បញ្ជាក់ថា នេះប្រហែលជាមិនមែនជាលើកទីមួយទេដែលអ្នកទាំងពីរបានជួបគ្នាឡើយ។ ដោយសារតែនៅក្នុងខែធ្នូ ឆ្នាំ ២០២៣ Lisa ក៏បានធ្វើដំណើរទៅចូលរួមកម្មវិធីខួបកំណើតរបស់តារាចម្រៀងរ៉េប និងផលិតករដ៏ល្បីល្បាញ Jay-Z ដែលជាពិធីជប់លៀងចូលរួមដោយ Rihanna។

បន្ថែមពីនេះទៀត ការប្រគុំតន្ត្រី Gala Des Pièces Jaunes 2024 ដែលប្រារព្ធឡើងនៅ Accor Arena ទីក្រុងប៉ារីស ប្រទេសបារាំង នាថ្ងៃទី២៧ ខែមករា ឆ្នាំ ២០២៤ ក៏មានវត្តមានសិល្បករជាច្រើនបានចូលរួមក្នុងព្រឹត្តិការណ៍នេះ ដូចជា Rihanna, Marou Five, Farre. Bill Williams, J. Balvin, Stray Kids និងតារាប្រុសស្រីល្បីៗច្រើនទៀត៕