ព័ត៌មានអន្ដរជាតិ
ជប៉ុន និងឥណ្ឌា ច្រានចោលការអត្ថាធិប្បាយរបស់លោក Biden ដែលថា ជាប្រទេសប្រកាន់ពូជសាសន៍
ប្រទេសជប៉ុន និងឥណ្ឌាបានបដិសេធការកត់សម្គាល់របស់ប្រធានាធិបតីសហរដ្ឋអាមេរិកលោក Joe Biden ដែលថា ប្រទេសពួកគេជាប្រទេសប្រកាន់ពូជសាសន៍ ដែលមិនស្វាគមន៍ជនអន្តោប្រវេសន៍ ។ នេះបើយោងតាមការចេញផ្សាយរបស់សារពត៌មាន AP នៅថ្ងៃទី០៥ ខែឧសភានេះ។
![](https://www.kampucheathmey.com/wp-content/uploads/2024/05/download-7.jpg)
លោក Biden បាននិយាយនៅក្នុងសន្និសីទ្ធមួយថា ជប៉ុន និងឥណ្ឌាជាប្រទេស “ប្រកាន់ពូជសាសន៍” រួមជាមួយនឹងរុស្ស៊ី និងចិន ខណៈដែលសហរដ្ឋអាមេរិកគឺជាប្រជាជាតិដែលស្វាគមន៍ជនអន្តោប្រវេសន៍ ។
ប្រទេសជប៉ុនបាននិយាយថា ការវិនិច្ឆ័យរបស់លោក Biden មិនផ្អែកលើការយល់ដឹងត្រឹមត្រូវអំពីគោលនយោបាយរបស់ខ្លួននោះទេ ខណៈដែលឥណ្ឌាបានបដិសេធការអត្ថាធិប្បាយនេះ ដោយការពារខ្លួនថាជាសង្គមបើកចំហបំផុតរបស់ពិភពលោក។
បើទោះបីជាជប៉ុនត្រូវបានគេស្គាល់ថាមានជំហរតឹងរ៉ឹងលើអន្តោប្រវេសន៍ ប៉ុន្តែក្នុងរយៈពេលប៉ុន្មានឆ្នាំចុងក្រោយនេះ ប្រទេសនេះបានបន្ធូរបន្ថយគោលនយោបាយរបស់ខ្លួន ដើម្បីបង្កភាពងាយស្រួលដល់ពលករបរទេសក្នុងការចូលមកស្នាក់នៅក្នុងប្រទេសជប៉ុន ដែលជាមធ្យោបាយមួយដើម្បីកាត់បន្ថយការថយចុះនៃអត្រាកំណើត និងការថយចុះចំនួនប្រជាជនយ៉ាងឆាប់រហ័ស ។
![](https://www.kampucheathmey.com/wp-content/uploads/2024/05/AFP__20230623__33KR2GP__v3__HighRes__TopshotUsIndiaDiplomacyPoliticsModiBiden-1714812702.jpg)
ចំណែកប្រទេសឥណ្ឌាដែលមានចំនួនប្រជាជនច្រើនជាងគេលើពិភពលោកបានអនុម័តច្បាប់សញ្ជាតិថ្មីកាលពីដើមឆ្នាំនេះដោយកំណត់លក្ខណៈវិនិច្ឆ័យសាសនាដែលអនុញ្ញាតឱ្យមានសតិភាវូបនីយកម្មយ៉ាងឆាប់រហ័សសម្រាប់សាសនាហិណ្ឌូ ប៉ារស៊ីស ស៊ីក ពុទ្ធសាសនិក ជេន និងគ្រិស្តសាសនាដែលបានភៀសខ្លួនទៅកាន់ប្រទេសឥណ្ឌាពីអាហ្វហ្គានីស្ថាន បង់ក្លាដែស និងប៉ាគីស្ថាន។
ឆ្លើយតបនឹងបញ្ហានេះដែរ សេតវិមានបាននិយាយថា លោក Biden មិនបានប្រមាថទេ ហើយគ្រាន់តែសង្កត់ធ្ងន់ថា សហរដ្ឋអាមេរិកគឺជាប្រជាជាតិនៃជនអន្តោប្រវេសន៍ ពោលមិនមានចេតនាធ្វើឱ្យខូចទំនាក់ទំនងជាមួយប្រទេសជប៉ុននោះទេ ៕
![](https://www.kampucheathmey.com/wp-content/uploads/2024/05/download-6.jpg)
អត្ថបទ៖ ប៊ុន សុភាព
-
ព័ត៌មានជាតិ៣ ថ្ងៃ ago
មន្ត្រីជំនាញមកពីគ្រប់ស្ថាប័ន ចុះពិនិត្យមើលគល់ស្ពានព្រះមុនីវង្សថ្មីមានស្នាមជ្រុះបេតុង
-
ព័ត៌មានអន្ដរជាតិ៧ ថ្ងៃ ago
ត្រៀមខ្លួន! ឆ្នាំក្រោយ ព្យុះព្រះអាទិត្យ នឹងវាយប្រហារភពផែនដី កាចសាហាវជាងឆ្នាំនេះទៀត
-
សន្តិសុខសង្គម៦ ថ្ងៃ ago
អគ្គិភ័យឆេះហាងលក់កាហ្វេ និងឆេះរាលដល់បន្ទប់ជួល និងអគារមួយខ្នងទៀតនៅសៀមរាប
-
កីឡា៧ ថ្ងៃ ago
អបអរសាទរ! វិសាខា ឈ្នះជើងឯក WSVI ក្រោយបំបាក់ម្ចាស់ផ្ទះ Win Streak ៣-១
-
ព័ត៌មានជាតិ៦ ថ្ងៃ ago
ក្រុមហ៊ុនជប៉ុន MIRARTH Green Tech នឹងសម្ពោធរោងចក្រកែច្នៃគ្រាប់ស្វាយចន្ទីនៅខេត្តកំពង់ធំ នាថ្ងៃស្អែក
-
ព័ត៌មានជាតិ៤ ថ្ងៃ ago
កំពង់ផែតម្លៃ ១៥០០ លានដុល្លារ ក្នុងខេត្តកំពត នឹងសម្ពោធដាក់ឱ្យប្រើប្រាស់នៅថ្ងៃស្អែកនេះ
-
សន្តិសុខសង្គម៦ ថ្ងៃ ago
នាយកកំពង់ចម្លងភ្នំពេញ អរិយក្សត្រ សម្រេចបញ្ឈប់អ្នកបើកបរស្រឡាងម្នាក់ក្រោយបែកធ្លាយកាយវិការយកជើងបញ្ជាចង្កូត
-
សន្តិសុខសង្គម៤ ថ្ងៃ ago
ទទួលបានតម្រុយពីខេត្តព្រះសីហនុ ឆែកឃើញអាវុធជាច្រើននៅផ្ទះមួយកន្លែង ក្នុងខេត្តបាត់ដំបង