ព័ត៌មានអន្ដរជាតិ

ទោះបីចាញ់ឆ្នោត លោកស្រី ហារីស នៅតែបេក្ខភាពខ្លាំងក្នុងបក្សប្រជាធិបតេយ្យសម្រាប់បោះឆ្នោតអាណត្តិបន្ទាប់

បានផុស

២ years មុន

នៅ

ថ្ងៃព្រហស្បតិ៍ ២១ វិច្ឆិកា ២០២៤

ដោយ

ថ្វីត្បិតចាញ់ការបោះឆ្នោតតទាល់នឹងលោកដូណាល់ ត្រាំ កាលពីដើមខែវិច្ឆិកានវ ការស្ទង់មតិថ្មីមួយរកឃើញថា អនុប្រធានាធិបតីសហរដ្ឋអាមេរិក លោកស្រី កាម៉ាឡា ហារីស នៅតែជាបេក្ខភាពពេញចិត្តបំផុតតំណាងគណបក្សប្រជាធិបតេយ្យសម្រាប់ការបោះឆ្នោតនៅឆ្នាំ២០២៨។

លោកស្រី កាម៉ាឡា ហារីស និងបេក្ខជនផ្សេងៗទៀតដែលទំនងប្រកួតប្រជែងក្នុងបក្សប្រជាធិបតេយ្យសម្រាប់ការបោះឆ្នោតអាណត្តិ២០២៨។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ដោយទទួលបានអង្គបោះឆ្នោតត្រឹម២២៦ ទល់លោកដូណាល់ ត្រាំចំនួន៣១២ លោកស្រី កាម៉ាឡា ហារីស នៅតែជាឈរនៅលំដាប់កំពូលនៃបេក្ខជនដែលមានសក្តានុពលនៃគណបក្សប្រជាធិបតេយ្យសម្រាប់ឆ្នាំ២០២៨។ យោងតាមការស្ទង់មតិថ្មីមួយ បានស្នើថា លោកស្រី កាម៉ាឡា ហារីស នៅតែមានការទទួលស្គាល់ខ្ពស់ និងមានសុឆន្ទៈពីគណបក្សនេះ។

លោកស្រី ហារីស បានដឹកមុខក្នុងការស្ទង់មតិ ដោយមាន៤១ភាគរយនៃអ្នកបោះឆ្នោតក្នុងការស្ទង់មតិនោះ។ យោងតាមការស្ទង់មតិរបស់ Puck News/Echelon Insights ខណៈអ្នកនៅក្នុងគណបក្សប្រជាធិបតេយ្យរហូតដល់៥៩ភាគរយ នឹងស្វែងរកបេក្ខជនដទៃទៀត សម្រាប់ការកាន់កាប់បេក្ខភាពប្រធានាធិបតីនេះនៅថ្ងៃអនាគត សូម្បីបេក្ខជនថ្មីៗដែលទើបមានប្រជាប្រិយភាពនៅក្នុងគណបក្សក៏ដោយ។

បេក្ខជនផ្សេងទៀតដែលទំនងប្រកួតប្រជែងសម្រាប់តំណែងបេក្ខភាពប្រធានាធិបតីនៃគណបក្សប្រជាធិបតេយ្យ រួមមាន អភិបាលរដ្ឋកាលីហ្វ័រញ៉ា លោក Gavin Newsom ស្ថិតនៅលំដាប់ទីពីរដោយមានប្រាំបីភាគរយ។

ប៉ុន្តែអភិបាលរដ្ឋផ្សេងៗនៃគណបក្សប្រជាធិបតេយ្យនៅតែស្ថិតក្នុងការសន្ទនាដំបូងនៃអ្នកដែលអាចឈរឈ្មោះក្នុងឆ្នាំ ២០២៨ រួមមាន អភិបាលរដ្ឋ Pennsylvania លោក Josh Shapiro ទទួលបានការគាំទ្រ៧ភាគរយនៅក្នុងការស្ទង់មតិ។

លោក Josh Shapiro ស្ទើរតែត្រូវបានជ្រើសរើសជាអនុប្រធានាធិបតីរបស់លោកស្រី កាម៉ាឡា ហារីសទៅហើយក្នុងការបោះឆ្នោតកន្លងទៅនេះ ប៉ុន្តែចុងក្រោយត្រូវបានបដិសេធដោយ លោកស្រី ហារីស ក្នុងនាមជាមិត្តរួមដំណែង ដើម្បីគាំទ្រអភិបាលក្រុង Tim Walz នៃរដ្ឋ Minnesota ដែលទទួលបាន៦ភាគរយនៅក្នុងការស្ទង់មតិនេះ។

រដ្ឋមន្ត្រីដឹកជញ្ជូន Pete Buttigieg ក៏ស្ថិតនៅក្នុងបញ្ជីបេក្ខជនដែលមានសក្តានុពលផងដែរដោយមាន៦ភាគរយ។ បេក្ខជនដែលអាចធ្វើបានផ្សេងទៀតរួមមាន តំណាងសង្គមនិយមប្រជាធិបតេយ្យនៃក្រុងញូវយ៉ក លោកស្រី Alexandria Ocasio-Cortez មានបួនភាគរយ និងអភិបាលរដ្ឋ Michigan លោក Gretchen Whitmer មានបីភាគរយ៕

ដោយ រ៉ាន់ រើយ