ពេជ្រ សួគ៌លី បកស្រាយរឿងប៉ូលិសចាប់វាស់កំពស់ ក្រោយមានការចុះផ្សាយផ្ទុយពីការពិត (មានវីដេអូ)

កញ្ញា ពេជ្រ សួគ៌លី ដែលគេស្គាល់ជាអ្នកផលិតវីដេអូបែបកំប្លែងនិងអប់រំ នៅលើបណ្តាញទំនាក់ទំនងសង្គម បានចេញមុខបកស្រាយដោយបណ្តាញការហួសចិត្តជាខ្លាំង បន្ទាប់ពីមានការចែករំលែកនិងចុះផ្សាយជុំវិញវីដេអូ ដែលខ្លួនត្រូវប៉ូលិសឃាត់ខ្លួននិងវាស់កំពស់។

ស្របដែលមានការចែករំលែក និងចុះផ្សាយបង្កការយល់ច្រឡំបែបនេះ សាមុីខ្លួនកញ្ញា ពេជ្រ សួគ៌លី បានបញ្ជាក់ថាសកម្មភាពនៅក្នុងវីដេអូដែលត្រូវប៉ូលិសចាប់វាស់កំពស់នោះ ពុំមែនជាការពិតទេ ពោលគឺវាគ្រាន់តែជាការសម្តែងក្នុងន័យអប់រំដែលនាងបានផលិតឡើងតាំងតែពីអំឡុងឆ្នាំ២០២៣ ។

សួគ៌លីបានិយាយបន្តថាការសម្តែងនៅក្នុងវីដេអូនោះនាងត្រូវបា នប៉ូលីសចាប់វាស់កំពស់និងនិយាយសម្តីឈ្លើយទៅកាន់ប៉ូលីសប៉ុន្តែស្រាប់មានសារព័ត៌មានមួ យបានកាត់យកវីដេអូហ្នឹងទៅបង្ហោះបន្តនៅក្នុងផេករបស់ខ្លួនថែមទាំងបញ្ចូលសម្លេងធ្វើឲ្យមហាជនមួយ ចំនួនដែលមិនដឹងរឿងមានការយល់ច្រឡំឈានដល់ការរិះគន់ជេប្រមាថនាងថែមទៀត។

កញ្ញា ពេជ្រ សួគ៌លី បានបន្តថា “ត្រឹមតែឃ្លIបខ្លីបន្តិចហ្នឹង ធ្វើឲ្យគេជេរប្រមាថខ្ញុំមិនតិចទេ..តាមពិតឃ្លីបខ្លីនេះ គឺដកស្រង់ចេញពីសាច់រឿងតែបន្តិចនេះទេដែលរឿងពេញមានរហូតដល់ទៅ ៩នាទី ដែលខ្ញុំសរសេរវាសំដៅលើការអប់រំដល់យុវវ័យដែលគិតផ្លូវខុសនិងរស់នៅក្នុងគ្រួសារដែលខ្វះភាពកក់ក្តៅ”។

កញ្ញា ពេជ្រ សួគ៌លី បានបញ្ជាក់ថា សាច់រឿងនេះខ្លួនសរសេរតាំងពីឆ្នាំ២០២៣ មកម្ល៉េះនិងថតកាលពីថ្ងៃទី០៣ ខែវិច្ឆិកាឆ្នាំ២០២៣ ដែរ។ ចំណែកឯប៉ូលិសនៅក្នុងឃ្លិបសាច់រឿងនេះ ក៏ពុំមែនជាប៉ូលិសពិតដែរ គាត់គឺជាក្រុមការងារថតសម្តែងតែប៉ុណ្ណោះ។ នាងចាត់ទុកថាការបង្ហោះផ្សព្វផ្សាយព័ត៌មានផ្ទុយពីការពិតនេះ អាចធ្វើឲ្យមហាជនមានការយល់ច្រឡំនិងប៉ះពាល់កិត្តិយសនាង ដូច្នេះ ពេជ្រ សួគ៌លី ក៏បានស្នើឲ្យមុននឹងការចុះផ្សាយអ្វីមួយគួរពិនិត្យឲ្យច្បាស់សិនថារឿងពិតឬជាសម្តែង៕ អត្ថបទ៖ ចាន់រ៉ា