ព័ត៌មានជាតិ

ក្រសួងការងារ ប្រកាសពីតម្រូវការកម្លាំងពលកម្មក្នុងស្រុកជាង ៥ ម៉ឺនកន្លែង បម្រើវិស័យធំៗ ៣

បានផុស

១ year មុន

នៅ

ថ្ងៃសៅរ៍ ១ មីនា ២០២៥

ដោយ

ក្រសួងការងារ និង បណ្ដុះបណ្ដាលវិជ្ជាជីវៈ ប្រកាសថា គិតត្រឹមថ្ងៃទី ២៨ ខែកុម្ភៈ ឆ្នាំ ២០២៥ កម្ពុជា មានតម្រូវការកម្លាំងពលកម្មក្នុងស្រុកចំនួន ៥៤ ៧៣៣ កន្លែង នៅទូទាំងប្រទេស សម្រាប់បម្រើទៅលើវិស័យធំៗ ៣ រួមមាន ៖ វិស័យឧស្សាហកម្ម សេវាកម្ម និង កសិកម្ម។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

បើតាម ក្រសួងការងារ និងបណ្ដុះបណ្ដាលវិជ្ជាជីវៈ កម្លាំងពលកម្មក្នុងស្រុកចំនួន ៥៤ ៧៣៣ កន្លែង ក្នុងនោះ វិស័យឧស្សាហកម្មមានតម្រូវការចំនួន ៤៣ ៥៩៤ កន្លែង វិស័យសេវាកម្មមានចំនួន ៦ ៩២១ កន្លែង និង វិស័យកសិកម្មមានចំនួន ៤ ២១៨ កន្លែង។

ជាមួយនេះ នៅខេត្តកំពង់ឆ្នាំងមានតម្រូវការកម្លាំងពលកម្ម ១៦ ៩០៩ កន្លែង ក្នុងនោះ ផ្នែកឧស្សាហកម្ម ១៦ ៩០៨ កន្លែង និង ផ្នែកសេវាកម្ម ១ កន្លែង។ ខេត្តស្វាយរៀងមាន ៩ ៩៥០ កន្លែង ក្នុងនោះ ផ្នែកឧស្សាហកម្ម ៩ ៤២៤ កន្លែង និង ផ្នែកសេវាកម្ម ៥២៦ កន្លែង។ ខេត្តកណ្ដាលមាន ៩ ៦៣១ កន្លែង ក្នុងនោះ ផ្នែកឧស្សាហកម្ម ៩ ៥៦២ កន្លែង និង ផ្នែកសេវាកម្ម ៦៩ កន្លែង។ រាជធានីភ្នំពេញមាន ៥ ៤៥៦ កន្លែង ក្នុងនោះ ផ្នែកឧស្សាហកម្ម ១ ៧០៣ កន្លែង ផ្នែកសេវាកម្ម ៣ ៧៥២ កន្លែង និង ផ្នែកកសិកម្ម ១ កន្លែង។ ខេត្តក្រចេះមាន ៣ ៨០០ កន្លែង ក្នុងនោះ ផ្នែកកសិកម្ម ៣ ៨០០ កន្លែង។

ដោយឡែក ខេត្តកំពង់ស្ពឺមាន ៣ ២២៣ កន្លែង ក្នុងនោះ ផ្នែកឧស្សាហកម្ម ៣ ២១៤ កន្លែង និង ផ្នែកសេវាកម្ម ៩ កន្លែង។ ខេត្តកំពង់ចាមមានតម្រូវការកម្លាំងពលកម្មចំនួន ២ ០០១ កន្លែង ក្នុងនោះ ផ្នែកឧស្សាហកម្ម ១ ៨៧២ កន្លែង និង ផ្នែកសេវាកម្ម ១២៩ កន្លែង។ ខេត្តបន្ទាយមានជ័យមានតម្រូវការកម្លាំងពលកម្មចំនួន ១ ២៦៤ កន្លែង ក្នុងនោះ ផ្នែកឧស្សាហកម្ម ៣៦១ កន្លែង និង ផ្នែកសេវាកម្ម ៩០៣ កន្លែង។ ខេត្តសៀមរាបមានតម្រូវការកម្លាំងពលកម្មចំនួន ៩៦៥ កន្លែង ក្នុងនោះ ផ្នែកឧស្សាហកម្ម ១២៨ កន្លែង ផ្នែកសេវាកម្ម ៨០៦ កន្លែង និង ផ្នែកកសិកម្ម ៣១ កន្លែង។ ខេត្តពោធិ៍សាត់មានតម្រូវការកម្លាំងពលកម្មចំនួន ៣៧៩ កន្លែង ក្នុងនោះ ផ្នែកឧស្សាហកម្ម ២៤៤ កន្លែង និង ផ្នែកសេវាកម្ម ១៣៥ កន្លែង និង ខេត្តផ្សេងៗ មាន ១ ១៥៥ កន្លែង ក្នុងនោះ ផ្នែកឧស្សាហកម្ម ១៧៨ កន្លែង សេវាកម្ម ៥៩១ កន្លែង និង កសិកម្ម ៣៨៦ កន្លែង។

ចំពោះកម្លាំងពលកម្មជាង ៥ ម៉ឺនកន្លែង នឹងត្រូវបែងចែកទៅតាមប្រភេទមុខរបរចំនួន ១០ រួមមាន ៖ អ្នកបញ្ជាម៉ាស៊ីនដេរ កម្មករខ្ចប់វេចដោយដៃ កម្មករចម្ការដំណាំ កម្មករក្នុងផលិតកម្ម វិជ្ជាជីវៈខាងការផ្សព្វផ្សាយ និង ទីផ្សារ យន្តការី និង អ្នកដំឡើងអគ្គិសនី មន្ត្រីឥណទាន និង កម្ចីប្រាក់ អ្នកបញ្ជាម៉ាស៊ីនធ្វើស្បែកជើង អ្នកប្រមូលបំណុល និង អ្នកធ្វើការដែលពាក់ព័ន្ធ អ្នកការពារសន្តិសុខ និង មុខរបរផ្សេងៗ។

សម្រាប់យុវជនទាំងអស់ដែលមានបំណងចង់ស្វែងរកការងារទាំងនេះ សូមទាក់ទងទៅកាន់ទីភ្នាក់ងារជាតិមុខរបរ និង ការងារ (NEA) នៃក្រសួងការងារ និង បណ្ដុះបណ្ដាលវិជ្ជាជីវៈ តាមរយៈលេខទូរស័ព្ទ ១២៩៧ ឬ ១២៨៦ ឬ តេលេក្រាម និង CoolApp លេខ ០៧៧ ២៣ ២៣ ៧៨៕

អត្ថបទ ៖ ពិសី

ព័ត៌មានអន្ដរជាតិ១៧ ម៉ោង ago

អស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ

សេដ្ឋកិច្ច៣ ថ្ងៃ ago

ធនាគារ ARDB ចាក់បញ្ចូលទុនលើស្វាយចន្ទី និងដំឡូងមី

ព័ត៌មានជាតិ១ សប្តាហ៍ ago

រដ្ឋបាលខណ្ឌកំបូល សហការជាមួយក្រុមហ៊ុនមីនេបៀ ប្រើប្រាស់កម្លាំងជាង ៨០០នាក់ សម្អាតអនាម័យនៅតាមដងផ្លូវ

ព័ត៌មានអន្ដរជាតិ៧ ថ្ងៃ ago

អ៊ីរ៉ង់ បើកច្រកចូលរូងភ្នំ ផ្ទុកមីស៊ីលសម្ងាត់របស់ខ្លួនឡើងវិញ ទោះរងការវាយប្រហារយ៉ាងដំណំ

សេចក្ដីជូនដំណឹង២ ថ្ងៃ ago

ក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា