ព័ត៌មានជាតិ

រំលោភក្មេងស្រីអាយុ ១០ឆ្នាំសម្រេច៣ដង ត្រូវសមត្ថកិច្ចឃាត់ខ្លួន

បានផុស

៥ years មុន

នៅ

ថ្ងៃពុធ ៣១ មីនា ២០២១

ដោយ

បុរសល្មោភកាមម្នាក់ ត្រូវបានកម្លាំងសមត្ថកិច្ចឃាត់ខ្លួនកាលពីពេលថ្មីៗនេះ បន្ទាប់ពីបានធ្លាយរឿងករណីចាប់រំលោភក្មេងស្រី ដែលទើបតែមានអាយុ១០ឆ្នាំ ។

យោងតាមរបាយការណ៍របស់សមត្ថកិច្ចបានឲ្យដឹងថា កាលពីថ្ងៃទី៣០ ខែមីនា ឆ្នាំ២០២១ វេលាម៉ោង២រសៀល កម្លាំងអធិការដ្ឋាននគរបាលស្រុកបាណន់ បានឃាត់ខ្លួនជនសង្ស័យម្នាក់ ករណីរំលោភសេពសន្ថវៈលើក្មេងស្រី ដែលជាអនីតិជនអាយុ១០ឆ្នាំ បន្ទាប់ពីក្រុមគ្រួសារក្មេងរងគ្រោះរូបនោះ បានដាក់ពាក្យបណ្តឹងចូលទៅកាន់អធិការដ្ឋានរួចមក ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ហេតុការណ៍នេះ បានកើតឡើង នៅត្រង់ចំណុចបឹងអន្លក់ ស្ថិតក្នុងឃុំស្នឹង ស្រុកបាណន់ ខេត្តបាត់ដំបង ដោយសារតែពេលកន្លងមកជនសង្ស័យឈ្មោះ ម៉ៃ ម៉ាត់ ភេទប្រុស អាយុ៣៩ឆ្នាំ រស់នៅភូមិស្នឹងកើត ឃុំស្នឹង ស្រុកបាណន់ តែងតែដឹកកង់ក្មេងស្រីឈ្មោះ រ.ស.ច.ខ.រ អាយុ១០ឆ្នាំ មានទីលំនៅភូមិឃុំខាងលើ ទៅរាយមង និងសារមកយកមកផ្ទះវិញ ជាមួយគ្នាញឹកញាប់ ។

ទីបំផុតរឿងនេះត្រូវបានបែកការណ៍បើទោះបីជាជនសង្ស័យធ្លាប់បានគំរាមក្មេងស្រីមិនឲ្យនិយាយប្រាប់គេយ៉ាងណាក៏ដោយ ទើបត្រូវសមត្ថកិច្ចចាប់ខ្លួនតែម្តង ។

នៅចំពោះមុខសមត្ថកិច្ចមូលដ្ឋាន បើទោះបីជាជនសង្ស័យមិនបានចាំ អំពីពេលវេលានៃការចាប់រំលោភក៏ដោយ តែក្មេងស្រីបានប្រាប់ប៉ូលិសថា ខ្លួនត្រូវបានបុរសខាងលើ ចាប់រំលោភបានចំនួន៣ លើក រួចមកហើយ ដោយថែមទាំងគំរាមទៀតផង ។

បច្ចុប្បន្នជនសង្ស័យ ត្រូវបានកម្លាំងអធិការស្រុកបាណន់ រៀបចំសំណុំរឿង បញ្ជូនតាមនីតិវិធីច្បាប់ ៕

អត្ថបទ ៖ សោ និយមរដ្ឋ

Related Topics: