ព័ត៌មានជាតិ

អាជ្ញាធរខណ្ឌកំបូល ចុះពិនិត្យការរៀបចំប្រព័ន្ធលូថ្មី និងស្តារប្រឡាយក្នុងមូលដ្ឋាន

បានផុស

១៥ វិនាទី មុន

នៅ

ថ្ងៃពុធ ២៥ មិថុនា ២០២៥

ដោយ

កាលពីព្រឹកថ្ងៃទី ២៥ ខែមិថុនា ឆ្នាំ ២០២៥ នេះ លោក ឃឹម ស៊ុនសូដា អភិបាល នៃគណៈអភិបាលខណ្ឌកំបូល បានដឹកនាំក្រុមការងាររដ្ឋបាលខណ្ឌ ចុះពិនិត្យការងារស្នើសុំដាក់លូ និងស្តារប្រឡាយ ស្ថិតក្នុងភូមិតាសេក និងភូមិតាកេរ្តិ៍ សង្កាត់កំបូល ខណ្ឌកំបូល រាជធានីភ្នំពេញ ដើម្បីសម្រួលដល់ប្រព័ន្ធទឹកហូរបានលឿន បញ្ចៀសការជន់លិចដោយជំនន់ទឹកភ្លៀងនារដូវវស្សា។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

អាជ្ញាធរបានឲ្យដឹងថា ដោយឃើញថានៅក្នុងមូលដ្ឋានសង្កាត់កំបូល ផ្លូវមួយចំនួនមានការជន់លិចលើដងផ្លូវ ពិបាកក្នុងការធ្វើដំណើរសម្រាប់ប្រជាពលរដ្ឋ ក៏ដូចជាកង្វះនូវប្រព័ន្ធលូបង្ហូរទឹក ពេលមេឃភ្លៀងមកម្តងៗ ហៀរចេញពីលូដក់លើផ្លូវ។

ក្រោយពីទទួលបានព័ត៌មាន ភ្លាមៗ លោកអភិបាលខណ្ឌកំបូល បានដឹកនាំក្រុមការងារ មន្ត្រីជំនាញ ចុះទៅពិនិត្យជាក់ស្តែង គូស វាស់ ដើម្បីកាយដាក់ប្រព័ន្ធលូថ្មី និងកាយស្តារប្រឡាយ សម្រួលដល់ចរន្តទឹកហូរបានលឿន បញ្ចៀសការជន់លិចដោយជំនន់ទឹកភ្លៀងនារដូវវស្សា៕

អត្ថបទ ៖ សុខា