បុគ្គលិកលក្ខណៈ និងសញ្ញាសំណាងសម្រាប់មនុស្សឆ្នាំ «ខាល»

បើគិតតាម​ប្រតិទិនចន្ទគតិ អ្នកដែលកើតឆ្នាំ «ខាល» មានជតារាសីជា “សត្វខ្លា” និងពង្សយក្សស្រី។

មនុស្សកើតក្នុងឆ្នាំនេះ រមែងមានចិត្តល្អចេះជួយអ្នកដទៃ មានចិត្តសប្បុរស និងជាមិត្តដែលអាចទុកចិត្តបាន។ ពួកគេឆ្លាតខ្លាំង មានទំនុកចិត្ត មានមហិច្ឆតា និងពោរពេញទៅដោយភាពជាសហគ្រិន។

ទោះយ៉ាងណាក៏ដោយភាគច្រើននៃពួកគេ គឺងាយខឹងហឹង្សា តែក៏ឆាប់បាត់វិញ។ គេមានបំណងប្រាថ្នាខ្ពស់ណាស់ ព្រមទាំងមានភាពក្លាហាន និងឯករាជ្យផង។

មនុស្សកើតក្នុងឆ្នាំខ្លា មានការគោរពខ្លួនឯងខ្ពស់ ហើយចូលចិត្តធ្វើអ្វីតែម្នាក់ឯង។ ពួកគេស្មោះត្រង់ណាស់ ហើយជាធម្មតារក្សាពាក្យសន្យារបស់ពួកគេ។ ពួកគេតែងតែផ្តល់កិច្ចការពារល្អដល់មិត្តភក្តិ និងញាតិផៅ។

យ៉ាងណាមិញ ពួកគេមានភាពអាត្មានិយម មានជំនឿចិត្ត​ពេក ពិបាកសម្រាប់ពួកគេក្នុងការលើកនិយាយ​កោតសរសើរអ្នកដទៃ ហើយពួកគេមិនយកចិត្តទុកដាក់ក្នុងការធ្វើអ្វីជាមួយ​មនុស្ស​ដែលពូកែជាងខ្លួនប៉ុន្មានទេ។

សញ្ញាសំណាងសម្រាប់អ្នករាសីចក្រ​ឆ្នាំ «ខាល» គួរប្រើលេខ​ ២, ៣, ៧, និង៩។ ជាមនុស្សដែលសក្តិសមប្រើពណ៌ បៃតង ខៀវ លឿង និងមាស ទើបជួយលើករាសីឱ្យខ្ពស់ត្រដែតត្រដឹម។

មនុស្ស​កើតឆ្នាំនេះ មិនគួររៀបការជាមួយមនុស្សឆ្នាំ ម្សាញ់ ឬរកា និងកុរទេ។ ប៉ុន្តែគួរតែភ្ជាប់ចំណងអាពាហ៍ពិពាហ៍ជាមួយអ្នកកើតឆ្នាំ ឆ្លូវ វក មមី ឬថោះវិញ។

ចំណែកការរកស៊ីជួញដូរនានា គួរយកដៃគូជាមួយឆ្នាំ កុរ និងរោង និងគួរជ្រើសឆ្នាំរកា ឬកុរជាកូនចៅ ហើយយកចៅហ្វាយឆ្នាំម្សាញ់ និងចរ។

យោងតាមក្បួនហុងស៊ុយជនជាតិចិន មនុស្សឆ្នាំខ្លា គួរមានត្បូងកណ្ដៀងពណ៌ខៀវទុកជាគ្រឿងលម្អកាយ ឬដាក់តាមខ្លួន ដើម្បីបង្កើនយសសក្តិ និងផ្ដល់សំណាងល្អគ្រប់ទិសទី៕

ប្រែសម្រួល៖ សន្យា

ចុចអាន៖ រឿងសំណាងចំពោះមនុស្សកើត “ឆ្នាំជូត”

ចុចអាន៖ មើលវាសនាមនុស្សកើតឆ្នាំ «ឆ្លូវ» អ្វីខ្លះឆុងខ្លាំង ហើយអ្វីខ្លះត្រូវធាតុហុងស៊ុយ?