វប្បធម៌ ជំនឿ

សុបិនឃើញមនុស្សចម្លែកមុខ និងឈប់ទាក់ទងគ្នា ឆ្លុះបញ្ចាំងពីស្ថានភាពអ្នកក្នុងពិភពពិត

បានផុស

៣ years មុន

នៅ

ថ្ងៃសុក្រ ១៣ ឧសភា ២០២២

ដោយ

សុបិនដែលមនុស្សទូទៅធ្លាប់ឆ្លងកាត់ អាចមកពីឥទ្ធិពលអារម្មណ៍ និងអាកប្បកិរិយា អំឡុងពេលបំពេញសកម្មភាព ក្នុងជីវិតប្រចាំថ្ងៃ។ ដោយឡែក ការសុបិនឃើញមនុស្សដែលអ្នកមិនធ្លាប់ស្គាល់ ឬមនុស្សដែលឈប់រាប់អានគ្នា ឆ្លុះបញ្ចាំងពីការគិត និងបុគ្គលិកលក្ខណៈ ក៏ដូចជាការងឿយឆ្ងល់ ទៅកាន់ពិភពលោក អំឡុងពេលដែលអ្នកទទួលទានដំណេក។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

កត្តាសំខាន់ សុបិនឃើញមនុស្សទាំងនោះ មិនមែនកើតឡើង ដើម្បីបង្ហាញពីការទាយទុកមុន ឬពីអនាគតឡើយ។ ថ្ងៃនេះ កម្ពុជាថ្មី នឹងលម្អិតអត្ថន័យបន្ថែមនៅពីក្រោយសុបិនទាំងពីរប្រភេទ។

សុបិនឃើញមនុស្សមិនធ្លាប់ស្គាល់

បើសិនជាមនុស្សចម្លែកមុខលេចឡើងក្នុងសុបិនរបស់អ្នក ដំបូងអ្នកត្រូវព្យាយាមចងចាំមនុស្សម្នាក់នោះ ពីព្រោះសកលលោកចង់ប្រាប់អ្នកអំពីចំណុចដែលអ្នកមិនទាន់ស្គាល់ពីខ្លួនឯងច្បាស់។ ជាពិសេស នៅពេលអ្នកជួបប្រទះហេតុការណ៍ ថ្មី ឬប្លែកនៅក្នុងជីវិត ពេលនោះការគិតរបស់អ្នកនឹងចាប់ផ្ដើមមានប្រតិកម្មដោយសភាវគតិ។ សុបិនប្រភេទនេះ អាចកើតឡើង បន្ទាប់ពីអ្នកមានអារម្មណ៍ភ្ញាក់ផ្អើលចំពោះ ពាក្យសម្ដី ការគិត និង អ្វីដែលអ្នកបានធ្វើដោយមិនបានគិតទុកមុន។ ការពិត មនុស្សដែលអ្នកមិនធ្លាប់ស្គាល់សោះ ដែលលេចឡើងក្នុងសុបិន គឺបង្ហាញពីស្ថានភាពរបស់អ្នកនាពេលបច្ចុប្បន្ន។

សុបិនឃើញមនុស្សដែលឈប់រាប់អានគ្នា

ពេលអ្នកភ្ញាក់ពីគេង បន្ទាប់ពីសុបិនឃើញមនុស្សដែលឈប់រាប់អានគ្នាយូរមកហើយ ចិត្តរបស់អ្នកនឹងប្រាប់ថា តើពួកគេគិតដល់អ្នក ឬអ្នកកំពុងនឹកដល់ពួកគេ។ ប៉ុន្តែទាំងនេះមិនមែនជាការពិតទេ អ្នកត្រូវចងចាំថាសុបិនកើតឡើងដោយសារកត្តាខ្លួនឯងផ្ទាល់ និងមនសិការរបស់អ្នក ដែលវាមិនពាក់ព័ន្ធនឹងអ្នកដទៃនោះទេ។ អតីតមិត្តភក្តិ ឬមនុស្សដែលអ្នកឈប់ទាក់ទងមានក្នុងសុបិននោះ តំណាងឱ្យបុគ្គលិកលក្ខណៈមួយផ្នែករបស់អ្នក។ ជាក់ស្ដែង បើសិនជាអ្នកមានភាពអៀនខ្មាសក្នុងស្ថានភាពណាមួយ អ្នកអាចនឹងយល់សប្ដិឃើញមនុស្សដែលមានអត្តចរិកពូកែអៀនខ្មាសពិតប្រាកដដែលអ្នកធ្លាប់ស្គាល់៕

អត្ថបទ៖ លីលី

ចុចអាន៖គេងយល់សប្ដិឃើញមនុស្សប្រុសគ្មានក្បាល ឬខ្លួនឯង ហេតុភេទបញ្ជាក់យ៉ាងនេះឯង

ចុចអាន៖បកស្រាយអត្ថន័យ យល់សុបិនឃើញមនុស្សដែលចែកឋានយូរហើយ

Related Topics:ទាយសុបិន