ទៅចាក់សាំង​​ឡាន​ម៉ូតូ​មើល​ផង​បងប្អូន ​នេះ​តម្លៃ​សាំង​​​ត្រូវ​លក់​ពី​ថ្ងៃ ១៦ មិថុនានេះទៅ

បើ​យោងសេចក្តីប្រកាស​របស់​ក្រសួង​ពាណិជ្ជកម្ម បាន​កំណត់​តម្លៃ​ប្រេង​ឥន្ធនៈ​សម្រាប់អនុវត្ត ចាប់ពីថ្ងៃទី១៦ ដល់៣០ ខែមិថុនា ឆ្នាំ២០២១។

បើ​ផ្អែក​ការ​ជូន​ដំណឹង តម្លៃ​ប្រេង​ឥន្ធនៈ​ដែល​ដាក់​តម្លៃ​លក់ដូច​តទៅ៖

-សាំង​ធម្មតា តម្លៃ ៣ ៩០០ រៀល/លីត្រ
-ម៉ាសូត តម្លៃ ៣ ៥៥០ រៀល/លីត្រ

យោងតាម​សេចក្តី​ប្រកាសអន្តរក្រសួងចុះថ្ងៃទី២២ ខែមិថុនា ឆ្នាំ២០១៨ របស់ក្រសួងសេដ្ឋកិច្ច និងហិរញ្ញវត្ថុ ក្រសួងពាណិជ្ជកម្ម និងក្រសួងរ៉ែ និងថាមពល ស្តីពីការកំណត់រូបមន្តកំណត់​តម្លៃ​លក់រាយប្រេងឥន្ធនៈនៅកម្ពុជា ផ្អែក​លើការព្រមព្រៀង ជាមួយក្រុមហ៊ុនប្រេងឥន្ធនៈដែលប្រកបអាជីវកម្មនៅកម្ពុជា។

តែ​បើយោង​តាម​ការប្រែប្រួលនៃតម្លៃប្រេងឥន្ធនៈលើទីផ្សារក្នុងតំបន់ និងអន្តរជាតិ តម្លៃមធ្យមប្រេងឥន្ធនៈលើទីផ្សារអន្តរជាតិ ថ្លៃលក់រាយប្រេងឥន្ធនៈពីថ្ងៃទី១៦ ដល់៣០ ខែមិថុនា ឆ្នាំ ២០២១ នឹងត្រូវលក់៤ ០៦០រៀល/១លីត្រ សម្រាប់សាំងធម្មតា និង ៣ ៧១០រៀល/លីត្រ សម្រាប់ប្រេងម៉ាស៊ូត។

ដើម្បីជួយសម្រួលដល់ជីវភាពរបស់ប្រជាជន និងដោយមានការរួមចំណែកពីក្រុមហ៊ុនចែកចាយប្រេងឥន្ធនៈនៅកម្ពុជា បានសម្រេចបញ្ចុះតម្លៃលក់ រាយប្រេងឥន្ធនៈនៅកម្ពុជា ចំនួន៤សែនដុល្លារ/លីត្រ។

ដូច្នេះថ្លៃលក់រាយប្រេងឥន្ធនៈសម្រាប់អនុវត្ត ចាប់ពីថ្ងៃទី១៦ ដល់៣០ ខែមិថុនា ឆ្នាំ២០២១ នឹងចុះមក៣ ៩០០ រៀល/លីត្រ សម្រាប់សាំងធម្មតា EA92 និង ៣ ៥៥០រៀល/លីត្រ សម្រាប់ប្រេងម៉ាស៊ូត៕