Connect with us

សេដ្ឋកិច្ច

អ្នកឧកញ៉ា សុខ គង់ ផ្តើមចេញពីដើមទុនមាស​មួយជីកន្លះ រហូតក្លាយជាមហាសេដ្ឋីនៅកម្ពុជា

បានផុស

នៅ

អ្នកឧកញ៉ា សុខ គង់ ត្រូវបានគេស្គាល់ថា ជាមហាសេដ្ឋីដ៏ល្បីឈ្មោះមួយរូបនៅកម្ពុជា ជាស្ថាបនិកក្រុមហ៊ុនសូគីម៉ិច អ៊ិនវេសមិន គ្រុប និងក្រុមហ៊ុនសុខាអូតែល ដែលបាននិងកំពុងដឹកនាំប្រតិបត្តិគម្រោងវិនិយោគអភិវឌ្ឍលើភ្នំបូកគោ។ អ្នកឧកញ៉ា គឺជាបុគ្គលដែលហ៊ានប្រថុយធ្វើជំនួញ ចិត្តមុត សម្រេចចិត្តលឿន ដោយមិនទុកឱ្យកាសកន្លងផុតនោះទេ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

អ្នកឧកញ៉ា សុខ គង់ មានដើមកំណើតជាអ្នកស្រុកពាមជរ ខេត្តព្រៃវែង ​​ដែលមានឪពុកម្តាយជាអ្នកនេសាទត្រី ក្នុងជីវ​ភាពគ្រួសារជួបការលំបាក ដូចគ្រួសារដទៃទៀតដែរ នៅជំនាន់នោះ។ កើតនៅឆ្នាំ១៩៥៤ អ្នកឧកញ៉ា សុខ គង់ បានរំលឹក​ថា« ពីដើមខ្ញុំរៀននៅសាលារៀនស្ទឹងស្លូត ពួកខ្ញុំនេះរៀនមួយថ្ងៃកាត់មួយថ្ងៃកោរទេ ពេលទឹកឡើងទៅលិចផ្ទះ​លិចសា​លា»។

អ្នកឧកញ៉ាបានបន្តទៀតថា« ពីដើមខ្ញុំមិនចេះរកស៊ីទេ បានម៉ែគាត់ប្រើឱ្យទៅលក់ត្រីសព្វបែបយ៉ាង ប៉ុន្តែចេះតែលក់ តែមិនចេះធ្វើ…ក្រោយមកឪខ្ញុំឃើញអ៊ីចឹង ក៏រុញខ្ញុំឱ្យមកថ្លឹងត្រីយកទៅលក់ ទាំងនៅភ្នំពេញផង និងស្វាយរៀងផង»។

រូបភាពឯកសារ

ឈានចូលដល់ឆ្នាំ ១៩៧០ សុខ គង់ មានវ័យជាង ១០ឆ្នាំ ឪពុកក៏បានចូលបម្រើទ័ព ដើម្បីជួយរំដោះជាតិចេញពីភ្លើង​សង្រ្គាម។​​ ជាបន្តបន្ទាប់មក សង្រ្គាមចេះតែអូសបន្លាយច្រើនខែច្រើនឆ្នាំ លោកឪពុក សុខ គង់ ក៏ត្រូវរបួសទាំងជើង ទាំងដៃ ក៏សម្រាកពីកងទ័ព។

អ្នកឧកញ៉ា សុខ គង់ បានបន្តថា «នៅពេលនោះ ខ្ញុំបានរកស៊ីក្នុងតំបន់រំដោះទិញថ្នាំលក់ថ្នាំពេទ្យ ជួនកាលក៏ជិះកង់ទៅដល់ស្រុកកំចាយមារ នៅជាយៗតំបន់រំដោះ»។

រូបភាពឯកសារ

​ក្រោយមកទៀត នៅអំឡុងឆ្នាំ ១៩៧៣ ប្រទេសមិនទាន់រំដោះបាននោះទេ ពោលគឺស្ថិតនៅក្នុងភ្លើងសង្រ្គាមនៅឡើយ។ ប៉ុន្តែយុវជន សុខ គង់ ជាមនុស្សមួយរូប ដែលមានឈាមជ័រជាអ្នករកស៊ី ក៏បានពង្រីកមុខរបរបន្ថែម ពោលគឺបង្កើត​ឱកាសនៅក្នុងបញ្ហា។

«ខ្ញុំនិយាយឱ្យចំនៅក្នុងឆ្នាំ ១៩៧៣ មិនទាន់បានរំដោះចេញទេ ខ្ញុំរកស៊ីអង្ករ រកស៊ីទិញក្រណាត់ខ្មៅ ប្រេងសាំង ថ្នាំពេទ្យ អំបិល និងជួញដូរជ្រូកជាដើម»។

អ្នកឧកញ៉ា សុខ គង់ បានបង្ហើបប្រាប់ថា ជំនាន់នោះជ្រូកលក់បានថ្លៃ ដោយលោកគិតក្នុងចិត្តថា រកតែមួយជើង​ចុងក្រោយទៀត នឹងឈប់ប្រកបរបរនេះ។ ប៉ុន្តែជាអកុសល មួយជើងចុងក្រោយ ដឹកជ្រូកចំនួន ២០ក្បាលចូល​ទៅវៀតណាម ក៏ត្រូវអាជ្ញាធរវៀតណាមឃាត់ និងឃុំខ្លួនលោកអស់រយៈពេល ៧ខែ ២៣ថ្ងៃ នៅក្នុងគុក។

កំលុងពេលនៅក្នុងគុកនេះ មានលោកតាម្នាក់ដែលជាប់ឃុំជាមួយគ្នា បានចាប់ដៃ សុខ គង់ ទៅមើល និងទស្សទាយថា លោកនឹងក្លាយជាអ្នកមាននៅថ្ងៃអនាគត។ ពេលនោះ យុវជន សុខ គង់ បានលាន់មាត់ថា «មានស្អី បើតាឯងគ្រូទាយ​ពូកែមែន ម្តេចជាប់គុកដែរ»។

រូបភាពឯកសារ

ក្រោយឆ្នាំ ១៩៧៩ ប្រទេសកម្ពុជា ត្រូវបានរំដោះចេញពីរបបអាវខ្មៅ(ប៉ុលពត) យុវជន សុខ គង់ បានចាប់ផ្តើមចេញរក​ស៊ីជាថ្មីម្តងទៀត ដោយមិនមានប្រាក់ធ្វើដើមទុនឡើយ ពោលគឺនៅសល់តែមាស ១ជីកន្លះ ដើម្បីជាដើមទុន។​

ស្នាក់នៅក្នុងផ្ទះតូចចង្អៀតមួយកន្លែងនៅម្តុំផ្សារស៊ីលិប ភ្នំពេញ សុខ គង់ និងភរិយា បានចាប់ផ្តើមប្រកបរបរកិនកៅស៊ូ ធ្វើសម្បកកង់ឡានលក់ទៅប្រទេសវៀតណាម ដោយដឹងថា ប្រទេសវៀតណាមកំពុងមានតម្រូវការខ្ពស់។ មុខរបរអ្នក​ទាំង​ពីរចេះ​តែពង្រីកខ្លួនពីមួយថ្ងៃទៅមួយថ្ងៃ ទិញអស់ដើមទុន១ជី លក់បាន ១តម្លឹង មានការបញ្ជាទិញពីអតិថិជនកាន់​តែច្រើនឡើងៗ។ ជាមួយគ្នានេះ លោក សុខ គង់ ក៏បានផលិតស្បែកជើងកង់ឡាន ​តបតាមការកម្មង់រាប់ម៉ឺនគូសម្រាប់​កងទ័ពផងដែរ។

រូបភាពឯកសារ

អ្នកឧកញ៉ា សុខ គង់ បានផ្តល់ជាទស្សនថា« យើងប្រកបមុខរបរអ្វីក៏ដោយ ត្រូវចុះជាប់វាជានិច្ច ដើម្បីរៀនសូត្រពីវាផង ធ្វើឱ្យវាទៅមុខផង។ ការងារណាដែលខ្ញុំធ្វើវាហើយ ខ្ញុំមិនបោះបង់វាទេ ត្រូវតែប្រឹងធ្វើឱ្យបាន ជូនកាលខ្ញុំនឹកឃើញម៉ោង​បីទាប​ភ្លឺ ក៏ខ្ញុំឡើងធ្វើដែរ ខ្ញុំប្រឹងប្រែងតស៊ូណាស់ ធ្វើអានេះ មិនបាន ខ្ញុំទៅធ្វើអានោះ ធ្វើទាល់តែបាន »។

អ្នកឧកញ៉ា សុខ គង់ សង្កត់ធ្ងន់ថា ពីដើមឡើយគ្រូទាយក៏មិនជឿ ស្អីក៏មិនជឿ គឺជឿជាក់លើខ្លួនឯង គិតខ្លួនឯង ដើម្បីការងារអភិវឌ្ឍ។ ជាមួយគ្នានេះ អ្នកឧកញ៉ា បានផ្តាំផ្ញើដល់យុវជនជំនាន់ក្រោយ ត្រូវខិតខំធ្វើយ៉ាងណា ប្រឹងប្រែងទាំងអស់គ្នា បាន១រៀល យើងចាយតែ ៥កាក់ ៥កាក់ទៀត ទុកពេលមានតម្រូវផ្សេងៗ ចាំបាច់ត្រូវចេះ​សន្សំសំចៃ ដើម្បីអនាគតគ្រួសារដ៏យូរអង្វែង។

អ្នកឧកញ៉ា សុខ គង់ មានបុត្រចំនួន ៦នាក់ ស្រី០៣នាក់ និងប្រុស ០៣នាក់។ អ្នកឧកញ៉ា បានបញ្ជាក់ថា ទោះពេលវេលាកន្លងផុតទៅជាច្រើនឆ្នាំហើយក្តី តែសេចក្តីស្នេហាចំពោះភរិយានៅតែមានភាពផ្អែមល្ហែម ពុំមានការប្រែប្រួលឡើយ។

បច្ចុប្បន្នអ្នកឧកញ៉ា សុខ គង់ គ្រប់គ្រងអាជីវកម្មធំៗក្នុងដៃ ដូចជា ក្រុមហ៊ុនសូគីម៉ិច អ៊ិនវេសមិន គ្រុប ក្រុមហ៊ុនសុខាអូតែល ដែលបាននិងកំពុងដឹកនាំប្រតិបត្តិគម្រោងវិនិយោគអភិវឌ្ឍលើភ្នំបូកគោ ឋានសួគ៌បូកគោ សណ្ឋាគាររេស៊ីដង់ភ្នំពេញ សណ្ឋាគារឆ្នេរសុខា និងសណ្ឋាគារសុខាសៀមរាប ជាដើម៕ អត្ថបទ៖ ទូន សុផល

​​​

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ២ ម៉ោង មុន

កម្មករ​នៃ​រោងចក្រ Y & W ជិត​២០០០​នាក់ បាន​បើកប្រាក់​ឈ្នួល និង​ប្រាក់​បំណាច់ ដោយ​ពេញចិត្ត និង​មាន​ជំនឿ​លើ​រាជរដ្ឋាភិបាល

ព័ត៌មានជាតិ៣ ម៉ោង មុន

ឯកអគ្គរដ្ឋទូត​សាធារណរដ្ឋ​សហភាព​មី​យ៉ាន់​ម៉ា បេ្ត​ជ្ញា​ចិត្ត​ក្នុង​ការជំរុញ​ទំនាក់ទំនង និង​កិច្ចសហប្រតិបត្តិការ​រ​វាង​មី​យ៉ាន់​ម៉ា​-​កម្ពុជា​ឱ្យ​កាន់តែ​រឹងមាំ

ព័ត៌មានអន្ដរជាតិ៦ ម៉ោង មុន

ការសិក្សា ៖ ស្រ្តីដែលមានផ្ទៃពោះខំប្រឹងធ្វើការក្រោមកម្ដៅខ្លាំង ប្រឈមហានិភ័យកូនស្លាប់ក្នុងពោះ

ព័ត៌មានជាតិ៦ ម៉ោង មុន

ស្ថានីយប្រព្រឹត្តកម្មទឹកកខ្វក់ទី ៣ នៅ​ខេត្តព្រះសីហនុដាក់សម្ពោធ​ឲ្យដំណើការជា​ផ្លូវការ

ព័ត៌មានអន្ដរជាតិ៦ ម៉ោង មុន

ជនចំណាកស្រុកជាង ៥០០ នាក់ចូលចតនៅ អង់គ្លេស តាមទូកតូចៗ

ព័ត៌មានជាតិ៦ ថ្ងៃ មុន

ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅ​តែរឹងទទឹងមិនព្រមវាយកម្ទេចរបងចេញ

ព័ត៌មានអន្ដរជាតិ២ ថ្ងៃ មុន

Breaking News! បណ្ដាញសង្គម Facebook មានបញ្ហានៅទូទាំងពិភព​លោកជាថ្មី

ព័ត៌មានអន្ដរជាតិ៦ ថ្ងៃ មុន

អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ

ព័ត៌មានជាតិ៥ ថ្ងៃ មុន

សម្តេច​​​ ហ៊ុន សែន ​៖​ ហេតុ​អ្វី​បាន​ជា​មក​ដល់​ពេល​នេះ​ហើយ​មាន​មន្ត្រី​យើង​ប្រព្រឹត្ត​បែប​នេះ​ ដោយ​ពាក់​ស្បែក​ជើង​ចូល​ក្នុង​ព្រះ​វិហារ?

ជីវិតកម្សាន្ដ១ ថ្ងៃ មុន

ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»

Sokha Hotels

ព័ត៌មានពេញនិយម