សេដ្ឋកិច្ច
ប្រទេសមួយតែងមានបំណុល ដោយសារមូលហេតុអ្វី?
នៅក្នុងសេដ្ឋកិច្ច នៅពេលដែលរដ្ឋកំពុងជួបឱនភាពថវិកា ឬចំណាយច្រើនជាងចំណូល នោះរដ្ឋាភិបាលចាំបាច់ត្រូវរកប្រាក់បន្ថែម ដើម្បីបំពេញឱនភាពនោះ។ ដោយហេតុថា ឱនភាពថវិកាបានបង្ហាញពីការផ្គត់ផ្គង់ហិរញ្ញវត្ថុច្រើនជ្រុលនៅក្នុងសេដ្ឋកិច្ច ដែលអាចធ្វើឱ្យមានអតិផរណា ឬអត្រាការប្រាក់ធ្លាក់ទាប អាចធ្វើឱ្យតម្លៃនៃការនាំចេញសុទ្ធមានការធ្លាក់ចុះ និងអាចប៉ះពាល់ដល់តម្លៃផ្សារភាគហ៊ុនទៀតផង។
តាមពិតទៅ មានវិធីសាស្រ្តជាច្រើន ដែលរាជរដ្ឋាភិបាលអាចប្រើដើម្បីបំពេញឱនភាពនេះ មានដូចជា ការខ្ចីបំណុល កាត់បន្ថយការចំណាយ និងដំឡើងពន្ធជាដើម។ នៅមានចំណុចមួយចំនួនទៀត រដ្ឋអាចប្រើបាន តែមានការប្រុងប្រយ័ត្នខ្ពស់នោះគឺ ការបោះពុម្ពក្រដាសប្រាក់បន្ថែម។
ការខ្ចីបំណុលវាជារឿងមួយដែលមិនអាចជៀសផុតបានឡើយ នៅក្នុងការអភិវឌ្ឍប្រទេស ជាពិសេសប្រទេសដែលកំពុងអភិវឌ្ឍ។
ជាទូទៅបំណុលជាតិ ត្រូវបានបែងចែកជាពីរ គឺទី១ បំណុលក្នុងប្រទេស ជាបំណុលដែលរដ្ឋាភិបាលខ្ចីពីប្រជាជនខ្លួនឯង តាមរយៈការបោះបណ្ណបំណុលលក់ និងទី២ បំណុលក្រៅប្រទេស ជាបំណុលដែលរដ្ឋាភិបាលប្រទេសមួយ បានខ្ចីរដ្ឋាភិបាលប្រទេសមួយផ្សេងទៀត ឬខ្ចីពីអង្គការជាតិ ដៃគូអភវិឌ្ឍ និងស្ថាប័នហិរញ្ញវត្ថុផ្សេងៗ។
ដោយសារតែប្រទេសកំពុងអភិវឌ្ឍត្រូវការចំណាយច្រើន លើការសាងសង់ហេដ្ឋារចនាសម្ព័ន្ធ ត្រូវចំណាយលើការអភិវឌ្ឍ លើគម្រោងជាច្រើន។ ម្យ៉ាងភាគច្រើន នៃប្រទេសក្រីក្រ គឺតែងតែទទួលបានជំនួយ និងការអនុគ្រោះក្នុងការខ្ចីប្រាក់ ដូច្នេះ វាអាចជាឱកាសល្អមួយក្នុងការខ្ចីប្រាក់យកមកអភិវឌ្ឍប្រទេស។ ប្រសិនបើចាំតែប្រាក់រកបានខ្លួនឯង នោះមិនងាយនឹងសាងសង់សាលារៀន ស្ពាន ថ្នល់ មន្ទីរពេទ្យ បាននោះទេ។ លើសពីនេះ ប្រជាពលរដ្ឋក៏អាចទទួលបានការងារធ្វើ បង្កើតប្រាក់ចំណូល តាមរយៈការចំណាយរបស់រដ្ឋាភិបាល ដែលបានមកពីការខ្ចីបំណុលនេះដែរ។
ទោះជាយ៉ាងណាក៏ដោយ ការខ្ចីបំណុលត្រូវតែខ្ចីដោយមានការទទួលខុសត្រូវ ដោយត្រូវគិតគូពីផលប៉ះពាល់ឱ្យបានច្បាស់លាស់ និងលទ្ធភាពនៃការសងត្រឡប់ទៅវិញ រួមទាំងត្រូវប្រើឱ្យចំគោលដៅ អភិវឌ្ឍប្រកបដោយប្រសិទ្ធភាពខ្ពស់៕
-
កីឡា១ សប្តាហ៍ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៧ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ២ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ១ សប្តាហ៍ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៦ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ១ សប្តាហ៍ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានជាតិ៦ ថ្ងៃ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
ជីវិតកម្សាន្ដ២ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»