ព័ត៌មានអន្ដរជាតិ
ការនាំចេញកាហ្វេរបស់វៀតណាម រំពឹងកើនដល់ ៥,៦ ប៊ីលានដុល្លារ នៅឆ្នាំនេះ
ការនាំចេញកាហ្វេរបស់វៀតណាម រំពឹងថានឹងកើនដល់ ៥,៦ ប៊ីលានដុល្លារ នៅឆ្នាំនេះ ដោយសារតែកំណើនតម្លៃទូទាំងសកល ចំពេលដែលការផ្គត់ផ្គង់ចុះខ្សោយ។ នេះបើតាមការចុះផ្សាយរបស់កាសែត VnExpress កាលពីថ្ងៃសុក្រ។
ប្រធានសមាគមកាហ្វេ និងកាកាវវៀតណាម លោក Nguyen Nam Hai បានកត់សម្គាល់ថា ការកើនឡើងតម្លៃកាហ្វេពិភពលោកនាពេលថ្មីៗនេះ ក៏បានជំរុញឱ្យតម្លៃក្នុងស្រុកកើនឡើងផងដែរ។
លោកបានពន្យល់ថា ខណៈដែលតម្លៃអាចនឹងប្រែប្រួលនៅពេលរដូវប្រមូលផលធំរបស់វៀតណាមចាប់ផ្ដើមនៅខែក្រោយ។ យ៉ាងណាមិញ តម្លៃកាហ្វេរំពឹងថានឹងនៅតែបន្តខ្ពស់ជាងឆ្នាំមុន ដោយសារតែប្រទេសដែលផលិតកាហ្វេធំៗផ្សេងទៀត មិនទាន់ឈានចូលដល់រដូវប្រមូលផលរបស់ពួកគេ។
បើតាម VnExpress អាជីវករបានរាយការណ៍ថា តម្លៃបាននឹងកំពុងឡើងថ្លៃមុនរដូវប្រមូលផលឆ្នាំ ២០២៤-២០២៥ ដែលធ្វើឱ្យកសិករថ្លឹងថ្លែងការសម្រេចចិត្តលក់គ្រាប់កាហ្វេរបស់ពួកគេភ្លាមៗ ឬរក្សាស្កុករបស់ខ្លួន ដោយសង្ឃឹមថាវានឹងឡើងថ្លៃបន្ថែមទៀត។
គួរគូសបញ្ជាក់ថា ក្នុងរយៈពេល ១១ ខែដំបូងនៃឆ្នាំ ២០២៤ វៀតណាមបាននាំចេញកាហ្វេប្រមាណ ១,២ លានតោនដោយទាញយកចំណូលបានប្រមាណ ៥ ប៊ីលានដុល្លារ។ បើគិតពីបរិមាណ ការនាំចេញកាហ្វេរបស់វៀតណាមធ្លាក់ចុះ ១៣,៥ ភាគរយ ប៉ុន្តែតម្លៃវិញ កើនកប់ពពករហូតដល់ ៣៨,១ ភាគរយ ធៀបនឹងរយៈពេលដូចគ្នាកាលពីឆ្នាំមុន៕
-
ព័ត៌មានជាតិ៥ ថ្ងៃ agoត្រីជាង ២ តោន ងាប់នៅតំបន់អភិរក្សតាមោក ខេត្តសៀមរាប ដោយសារទឹករាក់ និង អាកាសធាតុក្តៅខ្លាំង
-
ព័ត៌មានជាតិ៥ ថ្ងៃ agoក្រសួងមហាផ្ទៃទាត់ចោលការផ្សាយថា កម្ពុជាឲ្យជនជាតិអាហ្វ្រិកដែលផុតកំណត់ ត្រូវចាកចេញមុនថ្ងៃទី៣១ ខែឧសភា ឆ្នាំ២០២៦
-
ព័ត៌មានអន្ដរជាតិ៥ ថ្ងៃ agoនាវាចម្បាំងថ្មីរបស់ចិន នឹងដាក់ឱ្យធ្វើសមយុទ្ធ លើកដំបូង នៅក្បែរកោះជប៉ុន
-
ព័ត៌មានជាតិ៥ ថ្ងៃ agoរដូវវស្សាប្រុងប្រយ័ត្ន! គ្រោះរន្ទះបាញ់សម្លាប់គោ ១៩ក្បាល នៅស្រុកលំផាត់ ខេត្តរតនគិរី
-
ព័ត៌មានអន្ដរជាតិ២ ថ្ងៃ agoអ៊ីរ៉ង់ បើកច្រកចូលរូងភ្នំ ផ្ទុកមីស៊ីលសម្ងាត់របស់ខ្លួនឡើងវិញ ទោះរងការវាយប្រហារយ៉ាងដំណំ
-
សន្តិសុខសង្គម៤ ថ្ងៃ agoឆ្លងចរន្តអគ្គិសនីឆេះរោងចក្រផលិតស័ង្កសី គាបស្នោ ១ កន្លែង រងការខូចខាត នៅសង្កាត់ត្រពាំងក្រសាំង
-
ព័ត៌មានអន្ដរជាតិ៦ ថ្ងៃ agoអាមេរិក យល់ព្រមឱ្យប៉ូឡូញផ្តើមផលិតមីស៊ីលក្នុងស្រុក ដើម្បីការពារដែនអាកាស
-
សេដ្ឋកិច្ច១៨ ម៉ោង agoតម្លៃប្រេងលក់រាយធ្លាក់ចុះក្រោម ៥០០០ រៀល មួយលីត្រ