អ្នកវិទ្យាសាស្ត្រអូស្រ្តាលី ផលិតថ្នាំ២ប្រភេទ ដែលអាចទប់ស្កាត់ការឆ្លងកូវីដ និងបញ្ឈប់ការរាលដាល

ក្រុមអ្នកវិទ្យាសាស្ត្រនៅរដ្ឋ Queensland បានអភិវឌ្ឍថ្នាំពីរប្រភេទ ដែលមិនត្រឹមតែអាចទប់ស្កាត់ការឆ្លងវីរុសកូវីដ-១៩បានប៉ុណ្ណោះទេ ប៉ុន្តែថែមទាំងអាចបញ្ឈប់ការឆ្លងរាលដាលមេរោគក្នុងខ្លួនអ្នកធ្វើតេស្តវិជ្ជមានផងដែរ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

អ្នកជំនាញនៅវិទ្យាស្ថានស្រាវជ្រាវវេជ្ជសាស្រ្ត QIMR Berghofer បានរកឃើញថ្នាំនេះ ដែលពួកគេជឿថា អាចធ្វើបដិវត្តទៅជាការព្យាបាលជំងឺកូវីដ-១៩។

ថ្នាំនេះអាចប្រើប្រាស់បានក្នុងរយៈពេល១៨ខែ ប្រសិនបើវាទទួលបានជោគជ័យក្នុងការសាកល្បង។ ថ្នាំនេះ ធ្វើដំណើរការកំណត់គោលដៅទៅលើ ថាតើកោសិការបស់មនុស្សមានប្រតិកម្មយ៉ាងណាចំពោះវីរុស ជាជាងការបង្កើតអង់ទីគ័រប្រឆាំងនឹងវីរុស។

ក្រុមអ្នកស្រាវជ្រាវបានរកឃើញវិធីថ្មីមួយ ដែលវីរុសចូលក្នុងកោសិកាតាមរយៈសរសៃរប្រសាទ AC2 របស់ពួកគេ។ អ្នកស្រាវជ្រាវជឿថា វានឹងមានសារៈសំខាន់ណាស់ ក្នុងការអភិវឌ្ឍថ្នាំបន្ថែមទៀតដើម្បីការពារការឆ្លងមេរោគ។

ទស្សនាវដ្តី Nature Cell Discovery បានចុះបញ្ជីការរកឃើញនេះកាលពីយប់ថ្ងៃចន្ទ។

លោកស្រីសាស្រ្តាចារ្យ Sudha Rao អ្នកស្រាវជ្រាវជាន់ខ្ពស់នៃ QIMR Berghofer បានប្រាប់ ABC ថា ថ្នាំនេះគឺជា “ថ្នាំបង្ការដំបូង” ដែលធ្វើការជាមួយគ្នាក្នុងតួនាទីដ៏សំខាន់ចំនួនពីរ។

លោកស្រីនិយាយថា “ថ្នាំទី១គឺមានប្រសិទ្ធភាព ដោយរារាំងវីរុសពីការចូលក្នុងខ្លួន ព្រោះវាមានសកម្មភាពដូចជាមេសោរលើកោសិកាមនុស្ស។ ហើយថ្នាំទី២ ប្រសិនបើវីរុសចូលក្នុងខ្លួន វាការពារមេរោគពីការពង្រីករាលដាល”៕

ប្រែសម្រួល៖ Vann Vann

ប្រភព៖ Daily Mail

ចុចអាន៖ អ្នកវិទ្យាសាស្រ្តរុស្ស៊ីជំនាញខាងសារធាតុគីមីបំផ្លាញសរសៃប្រសាទដ៏សាហាវ កំពុងផលិតថ្នាំកម្ចាត់កូវីដ