កូវីដ-១៩
រដ្ឋបាលស្រុកវ៉ារិន បិទផ្សារចំនួន០២ ក្រោយរកឃើញអ្នកមានវិជ្ជមានកូវីដ ១១នាក់
ខេត្តសៀមរាប៖ លោក ធិននី វិធូរ អភិបាលស្រុកវ៉ារិន បានប្រាប់ “កម្ពុជាថ្មី” ថានៅថ្ងៃទី១៩ ខែកក្កដា ឆ្នាំ២០២១នេះ រដ្ឋបាលស្រុកវ៉ារិន សម្រេចបិទផ្សារចំនួន០២ក្នុងឃុំស្រែណូយជាបណ្តោះអាសន្ន គឺផ្សារស្រែណូយ និងផ្សារឯកជនដែលនៅទល់មុខគ្នា។ ការបិទផ្សារទាំង២នេះបន្ទាប់ពីរកឃើញអ្នកមានវិជ្ជមានកូវីដ-១៩ ចំនួន១១នាក់ ដែលពួកគាត់ជាអាជីវករ និងអ្នករស់នៅខាងមុខផ្សារទាំងពីរនេះ ដោយសារពួកគាត់បានជាប់ពាក់ព័ន្ធជាមួយអ្នកវិជ្ជមានកូវីដ-១៩ ចំនួនម្នាក់ ជាអ្នកលក់ផ្លែឈើមកពីទីរួមខេត្ដសៀមរាប ប្រហែលជិត១០ថ្ងៃមុន។

លោក ធិននី វិធូរ បានឱ្យដឹងទៀតថា ដោយមានការសង្ស័យ ក្រុមគ្រូពេទ្យបានធ្វើការយកសំណាកធ្វើតេស្តរកមេរោគកូវីដ-១៩ លើមនុស្សចំនួន២១នាក់ ក្នុងនោះបានរកឃើញអ្នកមានវិជ្ជមានកូវីដ-១៩ ចំនួន១១នាក់។ ហេតុនេះក្នុងករណីនេះ អាចជាប់ពាក់ព័ន្ធជាមួយបងប្អូនអាជីវករ និងបងប្អូនប្រជាពលរដ្ឋនៅក្នុងឃុំជាច្រើនរូបទៀតផងដែរ។
ជាមួយគ្នានេះលោកបានអំពាវនាវដល់បងប្អូនប្រជាពលរដ្ឋ និងអាជីវករនៅផ្សារទាំង២ ដែលមានជាប់ពាក់ព័ន្ធជាមួយអ្នកវិជ្ជមានទាំង១១នាក់នេះ និងមានការសង្ស័យពីអាការៈមិនស្រួល សូមមកផ្ដល់សំណាកធ្វើតេស្តរកមេរោគកូវីដ-១៩ ជាមួយអាជ្ញាធរ ពិសេសត្រូវធ្វើចត្ដាឡីស័កដោយខ្លួនឲ្យបាន១៤ថ្ងៃ តាមការណែនាំរបស់ក្រសួងសុខភិបាល ក៏ដូចជាអាជ្ញាធរ។

លោកអភិបាលស្រុកវ៉ារិន មានប្រសាសន៍បន្ថែមថា ក្នុងព្រឹត្ដិការណ៍សហគមន៍២០កុម្ភៈនេះ គិតមកដល់ថ្ងៃទី១៩ ខែកក្កដា ឆ្នាំ២០២១ ក្នុងទូទាំងស្រុក មានអ្នកឆ្លងជំងឺកូវីដ-១៩ ចំនួន១៧នាក់កំពុងសម្រាកព្យាបាលនៅវិទ្យាល័យស្រែណូយ និង២នាក់បានជាសះស្បើយត្រឡប់ទៅផ្ទះវិញ បន្តធ្វើចត្តាឡីស័កនៅផ្ទះ១៤ថ្ងៃបន្តទៀត៕
អត្ថបទ៖ គឿនវេត



-
ព័ត៌មានអន្ដរជាតិ៣ ថ្ងៃ ago
ព្រះអង្គម្ចាស់អារ៉ាប៊ីសាអូឌីត ដែលសន្លប់២០ឆ្នាំ ពេលនេះ សោយទិវង្គតហើយ
-
ព័ត៌មានអន្ដរជាតិ២ ថ្ងៃ ago
រដ្ឋមន្ត្រីអប់រំថៃ ស្លៀកខោខូវប៊យរហែកជង្គង់ ពេលធ្វើគណអធិបតីអង្គប្រជុំ ត្រូវគេរិះគន់ពេញប្រទេស
-
ព័ត៌មានជាតិ៤ ថ្ងៃ ago
អគ្គនាយកស៊ីម៉ាក់បង្ហាញរូបភាពទ័ពថៃជីកដីដាក់មីនខណៈនៅឡាំប៉ាចោទកម្ពុជា
-
បច្ចេកវិទ្យា១ សប្តាហ៍ ago
OPPO Reno14 Series 5G សម្ពោធផ្លូវការហើយ ជាមួយស្ទីលរចនាបថកន្ទុយទេពមច្ឆា និងមុខងារ AI សំខាន់ៗ
-
ព័ត៌មានអន្ដរជាតិ៣ ថ្ងៃ ago
មេភូមិភាគ២ថៃ ប្រកាសលែងចាំស្តាប់បញ្ជារដ្ឋាភិបាលក្រុងបាងកកទៀតហើយ រឿងឆ្លើយតបជាមួយកម្ពុជា
-
ព័ត៌មានអន្ដរជាតិ១២ ម៉ោង ago
ថៃ បាក់មុខមិនស្ទើរ ក្នុងកិច្ចប្រជុំជាមួយអនុព័ន្ធយោធាអន្តរជាតិ ស្តីពីបញ្ហាទាហានខ្លួនជាន់មីន
-
ព័ត៌មានជាតិ១ ថ្ងៃ ago
កម្ពុជាប្រាប់ថៃឱ្យបញ្ឈប់រាល់សកម្មភាពឯកតោភាគីនៅក្នុងតំបន់ជម្លោះ
-
ព័ត៌មានជាតិ២ ថ្ងៃ ago
អាជ្ញាធរស្នើអ្នកបត់ជើងតូចនៅជិតច្រកចេញមុខប្រលានយន្តហោះ ចូលខ្លួនសុំទោសជាសាធារណៈ