ជីវិតកម្សាន្ដ

ម៉ៃ សុគន្ធ ត្រូវមេការសំណង់ប្ដឹងពីបទឆបោកលុយជិត១ម៉ឺនដុល្លារ

បានផុស

៦ ខែ មុន

នៅ

ថ្ងៃសុក្រ ៥ វិច្ឆិកា ២០២១

ដោយ

លោក ម៉ៃ សុគន្ធ ដែលជាតារាចម្រៀងមួយរូប និងល្បីខាងពូកែទើសសឹងតែគ្រប់រឿងកន្លងមកនោះ ត្រូវបានមេការជាងសំណង់រួមទាំងកូនជាងជាច្រើននាក់ ប្តឹងពីបទ រំលោភលើទំនុកចិត្តទឹកប្រាក់ជិត១ម៉ឺនដុល្លារ ចូលលោកស្នងការនគរបាលខេត្តកណ្តាល ដើម្បីអោយជួយរកយុត្តិធម៌ ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

យោងតាមពាក្យបណ្តឹងរបស់ជនរងគ្រោះបានរៀបរាប់ថា កាលពីថ្ងៃទី២៥ ខែកញ្ញា ឆ្នាំ២០២០ លោក ម៉ៃ សុគន្ធ បានទាក់ទងលោកអោយធ្វើការសាងសង់ រីសត មួយកន្លែងស្ថិតនៅចំណុចក្រោយប៉ុស្តិ៍នគរបាលកំពង់សំណាញ់ ក្រុងតាខ្មៅ ខេត្តកណ្តាល ។ ក្រោយមក នៅថ្ងៃទី២៧ ខែធ្នូ ឆ្នាំ២០២០ លោក ម៉ៃ សុគន្ធ បានប្រគល់ប្រាក់អោយលោកចំនួន៤០% ស្មើនឹង៦,២០០ដុល្លារ និងបានព្រមព្រៀងគ្នាបញ្ចប់ការសាងសង់និងប្រគល់ប្រាក់បញ្ចប់ការងារ ។ ក្រោយមក ក្រុមជាងធ្វើសម្រុកធ្វើការងារ រួចរាល់មុនកាលកំណត់៥ថ្ងៃ ក៏បានទៅទាមទារប្រាក់ពីលោក ម៉ៃ សុគន្ធ ចំនួន៦០%បន្ថែម ស្មើនឹងជាង៩,៣២០ដុល្លារទៀត តែលោក ម៉ៃ សុគន្ធ មិនបានប្រគល់ឲ្យទេ ដោយព្យាពេលថ្ងៃនេះ ថ្ងៃនោះ រហូតដល់បច្ចុប្បន្ន។

ដោយឡែក លោក ម៉ៃ សុគន្ធ វិញ កាលពីថ្ងៃទី២៤ ខែតុលា ឆ្នាំ២០២១ បានធ្វើលិខិតជូនដំណឹងមួយ ជម្រាបមក លោក ខាំ ប៉ុណ្ណារិន ផងដែរ អំពីការរំលាយកិច្ចសន្យាសាងសង់ ដោយលោក ម៉ៃ សុគន្ធ ចោទប្រកាន់ លោក ខាំ ប៉ុណ្ណារិន ថា មិនបានអនុវត្តអោយបានត្រឹមត្រូវតាមកិច្ចសន្យាសាងសង់ ៕