ជីវិតកម្សាន្ដ

ភោជនីយដ្ឋានខេស៊ី និងស្កាយបារ រៀបចំពិធីជប់លៀង Pool Party ដ៏កក្រើក នៅថ្ងៃបុណ្យណូអែល!

បានផុស

៤ years មុន

នៅ

ថ្ងៃពុធ ១៥ ធ្នូ ២០២១

ដោយ

នៅថ្ងៃទី ២៥ ខែធ្នូ ឆ្នាំ ២០២១ នេះ ភោជនីយដ្ឋានខេស៊ី និងស្កាយបារ នឹងរៀបចំពិធីជប់លៀង Pool Party នៅមាត់អាងទឹកដ៏ធំទូលាយរបស់ខ្លួន ដើម្បីឱ្យយុវជន មករាំលេងកម្សាន្ត និងហែលទឹកលេង នៅក្នុងអាងហែលទឹករបស់ខេស៊ី ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

នៅក្នុងពិធីជប់លៀង Pool Party នោះផងដែរ អតិថិជននឹងទទួលបានការញ៉ាំអាហារ ៥ មុខ និងស្រាបៀរ Tiger ដោយសេរីរយៈពេល ៣ ម៉ោង និងមានការកំដរអារម្មណ៍អតិថិជនឱ្យសប្បាយរីករាយដោយ DJs ដ៏មានប្រជាប្រិយភាពរបស់យើងជាច្រើនរូប ក្នុងតម្លៃសំបុត្រត្រឹមតែ ២០ ដុល្លារ/ម្នាក់ ប៉ុណ្ណោះ។ មិនតែប៉ុណ្ណោះ ខេស៊ី មានរៀបចំកម្មវិធីចាប់រង្វាន់ ដែលអតិថិជន អាចមានឱកាសឈ្នះនាឡិកាឆ្លាតវៃ Samsung Galaxy Active 2 កង្ហារ ឆ្នាំងដាំបាយអគ្គិសនី និងរង្វាន់ជាច្រើនទៀត។

ខេស៊ីស្កាយបារ រៀបចំកម្មវិធីជប់លៀងនេះឡើង ដើម្បីបង្កើតភាពរីករាយជូនដល់អតិថិជន និងអបអរសាទរ ចំពោះការបើកដំណើរការជាផ្លូវការនៃភោជនីយដ្ឋានខេស៊ី និងស្កាយបារ និងដើម្បីអបអរសាទរឆ្នាំថ្មី ឆ្នាំសកល ឆ្នាំ ២០២២។

សូមជម្រាបជូនផងដែរថា KC Restaurant & Sky Bar គឺស្ថិតនៅក្រោមរចនាសម្ព័ន្ធនៃក្រុមហ៊ុន KC Group Co., LTD ។ ភោជនីយដ្ឋាន ខេស៊ី និងស្កាយបារ មានផ្ដល់ជូនសេវាម្ហូបអាហារ និងភេសជ្ជៈឆ្ងាញ់ៗជាច្រើនមុខស្របតាមតម្រូវការរបស់អតិថិជន និងទទួលរៀបចំកម្មវិធីជប់លៀងសំខាន់ៗរបស់អតិថិជនដូចជា ពិធីខួបកំណើត ខួបអាពាហ៍ពិពាហ៍ កាត់ចំណងដៃ ជប់លៀងបុគ្គលិកប្រចាំឆ្នាំ និងពិធីជប់លៀងសំខាន់ៗជាច្រើនទៀត។

ភោជនីយដ្ឋានខេស៊ី និងស្កាយបារស្ថិតនៅលើដំបូលនៃអគារផ្សារខេស៊ី ដែលមានទីតាំងស្ថិតនៅទល់មុខព្រលានយន្ដហោះពោធិ៍ចិនតុង ភូមិចម្ការឪឡឹក ២ សង្កាត់កាកាបទី២ ខណ្ឌពោធិ៍សែនជ័យ រាជធានីភ្នំពេញ។ នៅលើអាគារផ្សារខេស៊ី មានផ្ដល់ជូនសេវាសំខាន់ៗជាច្រើនដូចជា ក្លឹបហាត់ប្រាណ អាងហែលទឹក ម៉ាស្សា ស្ទីម & សូណា សាលប្រជុំ ការិយាល័យជួល និងស្កាយបារនៅលើដំបូល។