អាចម៍ផ្កាយប៉ុនអគារកម្ពស់១០ជាន់ ហោះកាត់ផែនដី មុនថ្ងៃបុណ្យណូអែល

អង្គការណាសាបានប្រកាសកាលពីចុងសប្តាហ៍កន្លងទៅថា មុនថ្ងៃបុណ្យណូអែល នឹងមានអាចម៍ផ្កាយទំហំប៉ុនអគារកម្ពស់១០ជាន់ ធ្វើដំណើរឆ្លងកាត់ផែនដីក្នុងល្បឿន ១៤ ៧៤៣គីឡូម៉ែត្រក្នុងមួយម៉ោង។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

យោងតាមក្រុមឃ្លាំមើលអាចម៍ផ្កាយរបស់ណាសា, អាចម៍ផ្កាយ 2024 XN1 នឹងហោះកាត់ផែនដីនៅថ្ងៃអង្គារទី២៤ខែធ្នូឆ្នាំ២០២៤ ប៉ុន្តែវានឹងមិនបង្កគ្រោះថ្នាក់ដល់ភពរបស់យើងឡើយ ព្រោះវាស្ថិតនៅចម្ងាយ ៧.២១លានគីឡូម៉ែត្រ ពីផែនដី។

ទោះបីជាយ៉ាងណាក៏ដោយ 2024 XN1 ត្រូវបានក្រុមអ្នកវិទ្យាសាស្រ្ត ចាត់ថ្នាក់ចូលជាវត្ថុហោះកៀកផែនដី ដោយសារតែរយៈចម្ងាយរបស់វា។

តាមពិតទៅ ណាសា និងទីភ្នាក់ងារអវកាសអឺរ៉ុប (ESA) ប្រទះឃើញអាចម៍ផ្កាយនេះ តាំងតែពីថ្ងៃទី១២ខែធ្នូមកម្ល៉េះ ហើយគេសន្មត់ថា វានឹងឈានចូលចំណុចជិតផែនដីបំផុតនៅម៉ោង ២:២៥ ទាបភ្លឺថ្ងៃទី២៤ខែធ្នូ។

តាមការគណនា ក្រុមអ្នកវិទ្យាសាស្រ្តរកឃើញថា ប្រសិនបើ 2024 XN1 ហោះបុកផែនដីមែន វានឹងមានកម្លាំងផ្ទុះស្មើនឹងគ្រាប់បែក TNT ១២លានតោន ហើយអាចកម្ទេចគ្រប់យ៉ាងនៅផ្ទៃដី ២ ០០០គីឡូម៉ែត្រការ៉េ ឲ្យក្លាយទៅជាផេះ៕

អត្ថបទ៖ សុខ សុវណ្ណ 

ចុចអាន៖ អាចម៍ផ្កាយ ហោះបុកបរិយាកាសផែនដីនៅរុស្ស៊ី បង្កការភ្ញាក់ផ្អើល