ជីវិតកម្សាន្ដ

មើលសឹងមិនស្គាល់ តារាម៉ូដែល មីយ៉ាន់ម៉ា Paing Takhon ក្រោយចេញពីពន្ធនាគារម្សិលមិញ (មានវីដេអូ )

បានផុស

៤ years មុន

នៅ

ថ្ងៃព្រហស្បតិ៍ ៣ មីនា ២០២២

ដោយ

តារាសម្ដែងមីយ៉ាន់ម៉ា លោក Kyaw Taad Wei បានបង្ហោះវីដេអូនៃការសន្ទនារបស់លោកជាមួយ Paing Takhon នៅលើបណ្ដាញសង្គម Facebook កាលពីថ្ងៃពុធ បន្ទាប់ពីតារាសម្ដែង និងម៉ូដែលវ័យ ២៥ ឆ្នាំរូបនេះ ត្រូវបានលើកលែងទោស និងដោះលែងចេញពីពន្ធនាគារកាលពីម្សិលមិញ។

ការចេញឃ្លិបសន្ទនានេះ ជាលើកទីមួយហើយ ដែលអ្នកប្រើអ៊ីនធឺណិតមានឱកាសបានឃើញ Paing Takhon ។ ក្នុងវីដេអូនោះ គេឃើញតារាល្បីនេះមានសក់ខ្លី និងមានពុកចង្កា ហើយពាក់អាវខ្មៅ មើលសឹងមិនស្គាល់សោះ។ ក្រោយបង្ហោះឃ្លិបនេះបានតែ ៥ ម៉ោង មានអ្នកចូលមើលជាង ៧៩០.០០០ ដង និងចែករំលែកជាង ៣៤.០០០ ដង។

គួរបញ្ជាក់ថា Paing Takhon បានបាត់បង់សេរីភាពរបស់លោក ក្រោយការប្រមូលផ្ដុំប្រឆាំងរដ្ឋប្រហារ ដែលបានកើតឡើងនៅដើមឆ្នាំ ២០២១ ហើយបានប្រើប្រាស់ប្រព័ន្ធផ្សព្វផ្សាយសង្គម ដើម្បីបង្ហាញពីជំហររបស់គាត់។ ដូចអ្នកឧស្សាហកម្មកម្សាន្តផ្សេងទៀត ក្នុងប្រទេសមីយ៉ាន់ម៉ា សមាគមជំនួយសម្រាប់អ្នកទោសនយោបាយ (AAPP) បាននិយាយថា ចាប់តាំងពីរដ្ឋប្រហាររហូតដល់ថ្ងៃទី ២០ ខែមករា អ្នកតវ៉ាចំនួន ១.៤៨៨ នាក់នៅក្នុងប្រទេសមីយ៉ាន់ម៉ា ត្រូវបានសម្លាប់ ហើយកុមារ និងយុវជនរាប់រយនាក់ត្រូវបានចាប់ខ្លួន៕

សូមទស្សនាវីដេអូរបស់លោក៖

ប្រែសម្រួល៖ សាង ស្រីល័ក្ខ

ចុចអាន៖មីយ៉ាន់ម៉ា ដោះលែងតារាម៉ូដែល Paing Takhon ចេញពីពន្ធនាគារហើយ