ហ្សូណូ ទម្លាយរូបស្និទ្ធស្នាលនិងប្រកាសថា សុខ ស្រីនាង ជាគូជីវិត

អ្នកគាំទ្រនិងមហាជនមានការភ្ញាក់ផ្អើល ខណ:ដែលសុខៗស្រាប់តែតារាចម្រៀងរូបសង្ហាលោក ហ្សូណូ បានប្រកាសថាតារាចម្រៀងមេម៉ាយរូបស្រស់ សុខ ស្រីនាង ជាគូគាប់ភ្ជាប់ជីវិត។

ដំណឹងនេះបានធ្វើឲ្យមហាជនជាច្រើនកាន់តែចាប់អារម្មណ៍ដោយហេតុថា កន្លងមកលោក ហ្សូណូ និង សុខ ស្រីនាង តែងបង្ហាញកាយវិការស្និទ្ធស្នាល និងបង្ហោះរូបភាពមានលក្ខណ:ជិតដិតជាមួយគ្នាបំផុត។ យ៉ាងណាមិញថ្មីៗនេះលោក ហ្សូណូ ក៏បានបង្ហោះរូបភាពចំនួន២សន្លឹកអមដោយពាក្យលើកឡើងថា គូរគាប់ជីវិត ។

តាមរយ:ដំណឹងនេះ មានការលើកឡើងពីអ្នកគាំទ្រថា បេីពិតមែន​ ខ្ញុំអរជាងបានចូលរួមថ្ងៃការម្ដាយខ្ញុំទៀត។ ពិតជាចង់អោយបងទាំងពីរក្លាយជាគូជីវិតខ្លាំងណាស់ ស្រលាញបងទាំងពីរពេញបេះដូង។ ឯខ្លះទៀតនិយាយថា សមគ្នាណាស់​អាយដល។ បោកគេទៀតហើយអាយដល។

ជុំវិញដំណឹងនេះដែរ កម្ពុជាថ្មី នៅរសៀលថ្ងៃទី២៨ ខែមេសា ឆ្នាំ២០២២នេះ មិនទាន់អាចទាក់ទងដើម្បីសូមការសួរនាំពីតារាចម្រៀងលោក ហ្សូណូ បាននៅឡើយទេ ខណ:អ្នកនាង សុខ ស្រីនាង ក៏មិនទាន់អាចស្វែងរកការបកស្រាយបានដែរ។ ដោយឡែកនៅពេលមហាជនសួរនាំច្រើនគេឃើញលោក ជុំ លីណូ បាននិយាយដោយខ្លីថា គេថតMVសោះ ចឹងហា ចឹងហា៕

អត្ថបទ៖ ចាន់រ៉ា