ហ្សូណូ បង្ហោះសារពីដំណឹងធ្វើតេស្តរកកូវីដ កាលពី៣ថ្ងៃមុន

​លោក ហ្សូណូ តារាចម្រៀងប្រចាំផលិតកម្មហង្សមាសបង្ហោះសារលើបណ្ដាញសង្គមរបស់ខ្លួននារសៀលនេះថា លោកបានធ្វេីតេស្តរកមេរោគកូវីដ- ១៩ រយ:ពេល៣ថ្ងៃមកហើយ តែពុំទាន់មានខាងគ្រូពេទ្យទូសព្ទមកប្រាប់លទ្ធផលនៅឡើយ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

នៅថ្ងៃទី ១១ ខែមីនា ឆ្នាំ ២០២១ នេះ តារាចម្រៀងប្រុស​ ហ្សូណូ បានបញ្ជាក់ពីការធ្វេីតេស្តថាមិនទាន់បានដំណឹងអ្វី ​រីឯអាការជំងឺនិងសុខភាពគឺមាំទាំធម្មតាទេ។ លោកបញ្ជាក់បន្ថែមថា ខ្លួនបានចាក់វ៉ាក់សាំងរួចរាល់ហេីយដែរ តាំងតែពីថ្ងៃទី៣ ខែមីនាមកម្ល៉េះ។

ភ្ជាប់ជាមួយការទន្ទឹងរង់ចាំលទ្ធផលធ្វើតេស្ត លោក ហ្សូណូ សង្ឃឹមថាលោកនឹងមិនឆ្លងកូវីដនោះទេ​ ហើយលោកបានអរគុណដល់ហ្វេនៗដែលបានបារម្ភ សួរសុខទុក្ខលោក​រហូតមក។

តារាចម្រៀងរូបនេះ ក៏អំពាវនាវដល់មហាជន សូមប្រុងប្រយ័ត្នទាំងអស់គ្នា​ បេីអាចគួរតែផ្អាកមានការជួបជុំជាលក្ខណ:ទ្រង់ទ្រាយធំ​ នៅផ្ទះបានគួរតែនៅ ព្រោះខាងពេទ្យនិងខាងក្រុមជំនាញដែលពាក់ព័ន្ធប្រហែលជាហត់នឿយខ្លាំងហើយ។ បេីស្រលាញ់ខ្លួន​ ក្រុមគ្រួសារ និងសង្គមជាតិទាំងមូលគួរតែស្តាប់តាមការណែនាំរបស់ក្រសួងសុខាភិបាលនិងរាជរដ្ឋាភិបាល ទេីបអ្វីៗនឹងប្រសេីរឡើង៕

អត្ថបទ៖ សន្យា

ចុចអាន៖ ឱក សុគន្ធកញ្ញា និង ក្រុម​គ្រួសារ បន្ត​ធ្វើ​ចត្តាឡីស័ក ១៤ ថ្ងៃ​នៅ​ផ្ទះ ​រង់ចាំ​តេស្ត​កូវីដ-១៩ លើក​ទី ២​