ជីវិតកម្សាន្ដ

សកម្មភាពសិល្បករ-សិល្បការិនីច្រើនកុះករហែរឃោសនាគាំទ្រគណបក្សប្រជាជនកម្ពុជាថ្ងៃបិទបញ្ចប់

បានផុស

២ years មុន

នៅ

ថ្ងៃសុក្រ ៣ មិថុនា ២០២២

ដោយ

ភ្នំពេញ ៖ តាមការកត់សម្គាល់គេថា នៅក្នុងថ្ងៃបិទបញ្ចប់នៃយុទ្ធនាការណ៍ឃោសនារកសំឡេងឆ្នោតសម្រាប់ក្រុមប្រឹក្សាឃុំ-សង្កាត់អាណត្តិទី៥នាថ្ងៃនេះគឺគេឃើញមានប្រជាពលរដ្ឋនិងសិល្បករ-សិល្បការិនីល្បីៗយ៉ាងច្រើនកុះករចូលរួមហែឃោសនាគាំទ្រគណបក្សប្រជាជនកម្ពុជា។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ក្នុងសកម្មភាពនេះគឺប្រជាពលរដ្ឋនិងសិល្បករ-សិល្បការិនីដែលបានចូលរួមទាំងអស់សុទ្ធតែសម្តែងក្តីរីករាយផុសចេញពីក្រអៅបេះដូងនិងគាំទ្រដោយស្មោះស្ម័គ្រជូនគណបក្សប្រជាជនកម្ពុជាដែលដឹក នាំប្រទេសដោយសម្តេចតេជោ ហ៊ុន សែនជានាយ ករដ្ឋមន្ត្រីនៃប្រទេសកម្ពុជា។

ជាក់ស្តែងនៅលើគណនីហ្វេសប៊ុករបស់លោក ហេង ឡុង ដែលទើបទទួលបានងារជាឧកញ៉ានិងជាប្រធានសមាគមន៍មិត្តសិល្បៈស្ម័គ្រចិត្តជួយសង្គមបានបង្ហោះរូបភាពជាច្រើនដោយភ្ជាប់ការលើកឡើងថា សកម្មភាពបងប្អូនសិល្បករ-សិល្បការិនីហែឃោសនាគណបក្សប្រជាជនកម្ពុជាថ្ងៃបិទឃោសនាឆ្នាំ2022។

សូមបញ្ជាក់ដែរថា នៅថ្ងៃទី០៣ខែមិថុនា ឆ្នាំ២០២២ នេះគឺជាថ្ងៃបិទបញ្ចប់នៃយុទ្ធនាការណ៍ឃោសនា រកសំឡេងឆ្នោតសម្រាប់ក្រុមប្រឹក្សាឃុំ-សង្កាត់អាណត្តិទី៥។ យ៉ាងណាមិញគេក៏សង្កេតឃើញថាបង ប្អូនប្រជាពលរដ្ឋគ្រប់រូបបានត្រៀមលក្ខណៈសម្បត្តិគ្រប់អស់ហើយដើម្បីបោះឆ្នោតជូនគណបក្សប្រជា ជនកម្ពុជានៅថ្ងៃទី០៥ ខែមិថុនា ឆ្នាំ២០២២ខាងមុខនេះ។ បោះឆ្នោតជូនគណបក្សប្រជាជនកម្ពុជាគឺដើម្បីខ្លួនយើងក្រុមគ្រួសារយើងនិងសង្គមជាតិយើង៕

ដោយ ៖ ចាន់រ៉ា