ជីវិតកម្សាន្ដ

សួស វីហ្សា ប្រតិកម្មក្រោយស្ត្រីម្នាក់ចោទថា ខ្លួនជាចោរប្លន់ខោអាវ

បានផុស

៤ years មុន

នៅ

ថ្ងៃព្រហស្បតិ៍ ១៥ កញ្ញា ២០២២

ដោយ

តារាចម្រៀងអ្នកនាង សួស វីហ្សា បានផ្ទុះប្រតិកម្ម និងសម្តែងការហួសចិត្តខ្លាំង ខណៈសុខៗស្រាប់តែមានស្ត្រីម្ចាស់ Account Facebook មួយចូលទៅខមមិនពីរូបភាពនៃការផុសរបស់នាងដោយថា វីហ្សា ជាចោរប្លន់ខោអាវទៅវិញ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

បើតាមការបង្ហោះរបស់តារាចម្រៀង សួស វីហ្សា បានបង្ហាញឲ្យឃើញថា កាលពីអំឡុងចុងខែកក្កដា ឆ្នាំ ២០២២ កន្លងទៅនាង និងស្វាមីបានស្កាត់ទៅជួបលោកយាយកម្សត់អាយុ ៨០ ឆ្នាំម្នាក់ដូចការសន្យា ដើម្បីសួរសុខទុក្ខ និងចែកនូវអំណោយរួមទាំងថវិកាមួយចំនួនផងដែរ។ ក្នុងដំណើរនេះ វីហ្សា ក៏បានបង្ហោះរូបភាពច្រើនសន្លឹកបង្ហាញពីសកម្មភាពការ ងារសប្បុរសធម៌របស់ខ្លួននៅលើបណ្តាញសង្គម ដោយទទួលបានការសរសើរពីមហាជនគ្រប់គ្នា។

ប៉ុន្តែផ្ទុយពីនេះ រឿងដែលហួសចិត្តនោះស្រាប់តែមានស្ត្រីម្នាក់ប្រើគណនីហ្វេសប៊ុកឈ្មោះ Patha Na បានចូលទៅខមមិនជេរប្រមាថ និងថែមទាំងចោទអ្នកនាង សួស វីហ្សា ថាជាចោរប្លន់ខោអាវទៀតផង។ តាមរយៈសំណេរនោះស្ត្រីខាងលើបានលើកឡើងថា រ៉ូបហ្នឹងទិញនៅហាងណាហង។ភ្លាមៗនោះ សួស វីហ្សា បានឆ្លើយថាខ្ញុំទិញនៅថៃអ៊ំកើតអីមែន?។

គណនីហ្វេសប៊ុកឈ្មោះ Patha Na ដដែលនេះបាននិយាយទៅកាន់ សួស វីហ្សា ដោយចោទប្រកាន់ទៀតថា មីចោរប្លន់ខោអាវអញ។ តបទៅស្ត្រីរូបនោះអ្នកនាង សួស វីហ្សា បានបញ្ជាក់ថាហើយអ្ន កណាប្លន់ខោអាវលោកអ៊ំ។ សុំទោសផងលោកអ៊ំជាចាស់ទុំ សូមនិយាយស្តីឲ្យមានសីលធម៌ជាងនេះបន្តិច។ មួយវិញទៀតសូមលោកអ៊ំជួយបញ្ជាក់ផងថា មីចោរប្លន់ដែលលោកអ៊ំបាននិយាយនោះជាអ្នកណា? អ៊ំចង់សំដៅលើអ្នកណាដែរ?។

បន្ថែមពីនេះនៅយប់ថ្ងៃទី ១៤ ខែកញ្ញា ឆ្នាំ ២០២២ តារាចម្រៀង សួស វីហ្សា ក៏បានបង្ហោះសួរនាំអ្នកគាំទ្រទៀតថា សុំរំខានបងប្អូនបន្តិចជួយពិនិត្យខ្ញុំបន្តិចបានទេ? តើ Account ដែលចូលមកComments ខាងក្រោមនេះជា Account ពិត ឬ Fake ? ហ៊ឹមកំពុងតែមិនសប្បាយចិត្តផង…។ កំពុងតែសេដផង មានគេមកចោទថាជាចោរប្លន់ទាំងកណ្តាលយប់ទៀត ហើយវាធ្ងន់ត្រង់អាប្លន់រ៉ូបនឹងតែម្តង៕