ជីវិតកម្សាន្ដ

ហ្វី យ៉ាតា ប្រកាសជំហរដាច់ខាតមិនយកពាក្យថា ស្រលាញ់ និងខ្លួនប្រាណ ទៅប្ដូរលុយទេ

បានផុស

៤ years មុន

នៅ

ថ្ងៃអង្គារ ២៥ តុលា ២០២២

ដោយ

តារាសម្ដែងសិចស៊ី ហ្វី យ៉ាតា ចេញមកប្រកាសក្តែងៗនៅលើបណ្ដាញសង្គមជាសាធារណៈ ដោយប្រាប់ថា ទោះបីក្រលំបាកយ៉ាងណា ដាច់ខាតនាងមិនយកពាក្យថា ”ស្រលាញ់” និងខ្លួនប្រាណ ទៅប្តូរ ឬបោកប្រាស់ចិត្តមនុស្សប្រុស ដើម្បីតែលុយ និងទ្រព្យសម្បត្តិរបស់គេទេ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ការប្រកាសរបស់តារាស្រី ហ្វី យ៉ាតា នេះ បានធ្វើឡើងក្រោយសង្កេតឃើញថា មានបុគ្គលខ្លះតែងប្រើវិធីនេះដើម្បីបំពេញតម្រូវការរបស់ខ្លួន ដោយខ្វះការពិចារណា។ កញ្ញា ហ្វី យ៉ាតា បានលើកជាសំណេរយ៉ាងវែងអន្លាយថា ដំបូងខ្ញុំចង់និយាយពីខ្លួនខ្ញុំបន្តិចថា ទោះជាខ្ញុំអត់ក្រលំបាកយ៉ាងណាដាច់ខាតខ្ញុំមិនយកពាក្យថា “ស្រលាញ់” និងខ្លួនប្រាណខ្ញុំទៅដូរ និងបោកប្រាស់ចិត្តមនុស្សប្រុសម្នាក់ ដើម្បីតែលុយ និងទ្រព្យសម្បត្តិរបស់គេទេ។

ហ្វី យ៉ាតា និយាយបន្តថា ត្បិតតែខ្ញុំជាមនុស្សមិនចេះនិយាយផ្អែម ឬទ្រអ្នកណា ប៉ុន្តែខ្ញុំក៏ច្បាស់ចិត្តណាស់ថា ខ្ញុំមិនអាចលេងខ្សែលើ និងបោកប្រាស់ទឹកចិត្តរបស់នរណាម្នាក់បានឡើយ ខ្ញុំមិនមានអំនួតនៅលើសម្រស់ និងចំណេះដឹងរបស់ខ្ញុំទេ ប៉ុន្តែខ្ញុំជឿថា បើសិនជាខ្ញុំដាច់ចិត្តចង់បោកប្រាស់បុរសណាម្នាក់ដើម្បីតែលុយ និងសម្លឹងឃើញតែទ្រព្យសម្បត្តិរបស់គេ ខ្ញុំជឿថា ខ្ញុំមិនបាច់លំបាកខំប្រឹងរកស៊ីដោយញើសឈាមខ្លួនឯងឡើយ។

ស្រីស្អាត ហ្វី យ៉ាតា លើកឡើងទៀតថា វាពិតជាទើសភ្នែក និងពិបាកទទួលយក ហើយខ្ញុំមានអារម្មណ៍ថា រអើមនៅពេលដែលក្មេងស្រីម្នាក់អាយុមិនទាន់ ២០ ឆ្នាំផង ទៅបោកប្រាស់ចិត្តបុរសម្នាក់ អាយុស្មើនឹងឪ ឬក៏តារបស់ខ្លួន ដើម្បីតែសម្ភារៈក្រៅខ្លួន និងលុយកាក់ បើនាងក្មេងនេះពិតជាស្រឡាញ់គាត់មែន បើបានសមល្មមពីគេហើយ មិនគួរណាជាន់.ក គេចង់បានបន្ថែម។ នេះបានបញ្ជាក់ឲ្យឃើញថា កាលណាដែលនាងបានគ្រប់គ្រាន់នូវអ្វីដែលនាងគ្រោងនឹងបានហើយ bye bye my love ហ្មង។ អ្វីដែលខ្ញុំកាន់តែឆ្ងល់ គឺឪពុកម្ដាយរបស់នាងតូចនោះហេតុអ្វីបណ្ដោយឲ្យកូនមកធ្វើរឿងបែបនេះទាំងដែលអនាគតកូនអាចវែងឆ្ងាយជាងនេះ ដោយមិនបាច់យកពេលវេលា និងខ្លួន មកប្ដូរដើម្បីតែលុយកាក់ប៉ុណ្ណឹង។

តារាស្រី ហ្វី យ៉ាតា បន្ថែមថា សូមបញ្ជាក់ថា រឿងនេះមិនពាក់ព័ន្ធនឹងសមាជិកគ្រួសាររបស់នាងទេមិនបានពាក់ព័ន្ធនឹងលោកឪពុករបស់នាង តែវាពាក់ព័ន្ធទៅលើមនុស្សជិតដិតរបស់នាង ហើយការសរសេរនេះ ព្រោះនាងតឹងទ្រូងជំនួសគាត់ពេក៕

អត្ថបទ ៖ ចាន់រ៉ា