ថៃ នារីសុជាតា ៖ គូប្រកួតមិនមែនជាគូសត្រូវ យើងខំ ធ្វើសុទ្ធតែដើម្បីតំណាងប្រទេសជាតិ

បេក្ខភាពបវរកញ្ញា ថៃ នារីសុជាតា ហៅ ហ្វី យ៉ាតា ដែលកំពុងទទួលបានការគាំទ្រនិងលេចធ្លោនៅក្នុងការប្រកួតសម្រស់ Miss Universe Cambodia 2025 បានបញ្ជាក់ជំហរច្បាស់ៗថា គូប្រកួតមិនមែនជាគូសត្រូវទេ ព្រោះយើងខំធ្វើសុទ្ធ តែដើម្បីតំណាងប្រទេសជាតិ។

ស្រីស្អាត ហ្វី យ៉ាតា បាននិយាយបន្តថា នាងនឹងធ្វើគ្រប់ campaigns ឱ្យអស់ពីកម្លាំងកាយចិត្តក្នុងចំណោមបេក្ខភាព ទាំង ២០រូប អ្នកណាក៏បានឱ្យតែអាចតំណាងប្រទេសទៅលើឆាកអន្តរជាតិ លុបបំបាត់នូវចំណុចដែលខ្វះខាតនិងជួយបំពេញតាមមាតិកា ដែលបេក្ខភាពបវរកញ្ញាគ្រប់រូបគួរតែមាន ដើម្បីឱ្យពិភពលោកមើលមកក្នុងក្រសែភ្នែកថ្មីថា នារីកម្ពុជាអាចធ្វើបានគ្រប់យ៉ាង។

បេក្ខភាពរូបនេះបន្ថែមថា “ម្យ៉ាងទៀតឆ្លើយតបទៅនឹងអ្វីដែលចក្រវាឡហុចមកដោយមិនរារែក ហើយជួយបើកទ្វារពន្លឺថ្មីនៃចក្រវាឡ International បានពួកយើងជាខ្មែរទាំងអស់គ្នាប្រាកដណាស់ និងចាំទះដៃសាទររួមគ្នាព្រោះគ្រប់យ៉ាង ដើម្បីកម្ពុជានិងអនាគតថ្មីរបស់យើង”។

ហ្វី យ៉ាតា និយាយទៀតថា “វិស័យបវកញ្ញាថ្មីសម្រាប់ខ្ញុំ តែការប្រយុទ្ធដើម្បីក្ដីស្រមៃក្នុងជីវិតមិនមែនជារឿងថ្មីសម្រាប់ខ្ញុំទេព្រោះខ្ញុំឈរនៅទីនេះបានគឺខ្ញុំសាងឡើងពីកំហុស, ការកែប្រែ, ក្ដីទុក្ខ, ក្ដីសុខ,បរាជ័យ, ជោគ ជ័យមិនថារឿងការងាររកស៉ី ឬការរស់នៅ”។

មិនតែប៉ុណ្ណោះ បេក្ខភាពរូបនេះបានលើកឡើងដែរថា មេរៀនជាច្រើនទំព័រនោះនាងជាគ្រូ រួចក៏ជាសិស្សខ្លួនឯងដូចគ្នាអ៊ីចឹងគ្មានអ្វីដែលនាងធ្វើមិនបានទេ ហើយក៏អរគុណការស្រលាញ់ដែលផ្ដល់មកនាង។

តារាសម្តែងអ្នកនា ងហ្វី យ៉ាតា ពេលនេះបា ក្លាយជាបេក្ខភាពមួយរូបក្នុងចំណោមបេក្ខភាពជា ច្រើនទៀតសម្រាប់ការប្រឡងសម្រស់ Miss Universe Cambodia 2025 ដែលបាននឹងកំពុងចាប់ផ្តើមដំណើរកម្មវិធីរបស់ខ្លួន៕ អត្ថបទ៖ ចាន់រ៉ា