ជីវិតកម្សាន្ដ

រំលឹកស្នាដៃរឿងផ្កាស្រពោន សម្តែងពីរថ្ងៃជាប់គ្នានៅសាលសន្និសីទចតុម្មុខ

បានផុស

៤ years មុន

នៅ

ថ្ងៃអង្គារ ១៥ វិច្ឆិកា ២០២២

ដោយ

រឿងផ្កាស្រពោនដែលជាស្នាដៃរបស់អ្នកកវីនិពន្ធ នូ ហាច នឹងចូលរួមសម្តែងជាថ្មីម្តងទៀតចំនួន ២ ថ្ងៃជាប់គ្នាចាប់ពីថ្ងៃទី១៥-១៦ ខែវិច្ឆិកា ឆ្នាំ២០២២ វេលាម៉ោង៦:០០ នាទីល្ងាច នៅសាលសន្និសទីចតុម្មុខ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

នាយកដ្ឋានសិល្បៈទស្សនីយភាព បានសម្រេចរៀបចំដំឡើងនូវរឿងផ្កាស្រពោនឡើងវិញ ជាទស្សនីយភាពទម្រង់ល្ខោននិយាយ នៅក្នុងគោលបំណងដើម្បីរំលឹកដល់ស្នាដៃដ៏ល្អឯក ដែលជាទីមោទនភាពរបស់កូនខ្មែរជំនាន់ក្រោយ ពិសេសធ្វើឱ្យទម្រង់សិល្បៈមួយនេះមានសកម្មភាពផុលផុសឡើងវិញ។ រឿងនេះផងដែរ ជារឿងបែបមនោសញ្ចេតនា ស្នេហា ជីវិតកំសត់ អាចទាញអារម្មណ៍ធ្វើឱ្យអ្នកអានមានភាពអណ្តែតអណ្តូង និងក្ដុកក្ដួលទៅតាមដំណើរនៃសាច់រឿង ពិសេសក្នុងស្រទាប់យុវវ័យ។

គួររំលឹកផងថា រឿងផ្កាស្រពោន ជាប្រភេទអក្សរសិល្ប៍បែបប្រលោមលោក មនោសញ្ចេតនា និពន្ធឡើងដោយស្នាដៃរបស់អ្នកកវី នូ ហាច តាក់តែងនៅក្នុងឆ្នាំ១៩៤៧ នឹងបានបោះពុម្ពផ្សាយនៅក្នុងឆ្នាំ ១៩៤៩ ដែលតថៈភាពនៃរឿងនេះ ស្ថិតនៅក្នុងសម័យអាណានិគមនិយមបារាំង៕