Connect with us

KPT+

ប្រយ័ត្នអស់សំបុត្រ! លើកទី១ ល្ខោននិយាយរឿង “ផ្កាស្រពោន” នឹងអង្រួនចិត្តភ្នំពេញ ចាប់ពីល្ងាចនេះ

បានផុស

នៅ

“ផ្កាស្រពោន” ជាចំណងជើង នៃប្រលោមលោកមួយ ដែលមានភាពល្បីល្បាញ និងទទួលការគាំទ្រខ្លាំងពីមហាជន តាំងពីទសវត្សរ៍ឆ្នាំ៥០ ដែលបង្ហាញ​គូស្នេហ៍​យុវវ័យ​ស្ម័គ្រស្មោះកម្សត់​ គឺតួអង្គ ប៊ុនធឿន និងនាង​វិធា​វី។ ស្នាដៃអក្សរសិល្ប៍បែបទំនើបដ៏ល្បីមួយនេះ ត្រូវបានបញ្ចូលក្នុងកម្មវិធីសិក្សារបស់ក្រសួងអប់រំ យុវជន និងកីឡា ក៏ដូចជាសម្ដែងជាល្ខោនវិទ្យុ និងភាពយន្តផងដែរ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

នៅពេលនេះ “ផ្កាស្រពោន” ត្រូវបាន នាយកដ្ឋានសិល្បៈទស្សនីយភាព រៀបចំដំឡើងជាទស្សនីយភាពទម្រង់ ល្ខោននិយាយ ជាលើកដំបូង ដែលមហាជនអាចទស្សនាការសម្ដែងផ្ទាល់ រយៈពេល ២ថ្ងៃ នៅសាលសន្និសីទចតុម្មុខ ភ្នំពេញ។

កម្មវិធីសម្ដែង ចាប់ផ្ដើមសម្ដែងពីថ្ងៃនេះ​ ថ្ងៃទី១៥ ខែវិច្ឆិកា ឆ្នាំ២០២២ នៅវេលាម៉ោង ៦ ល្ងាច។ ចំណែកថ្ងៃទី១៦ ខែឆ្នាំដដែល នឹងសម្ដែងចំនួន ២លើក លើកទី១ នៅវេលាម៉ោង ៣រសៀល និងលើកទី២ នៅវេលាម៉ោង ៦ ល្ងាច។

នាយកដ្ឋានសិល្បៈទស្សនីយភាព ខិតខំដំឡើងទស្សនីយភាពនេះ គឺមានបំណងដើម្បីថែរក្សា អភិរក្ស អភិវឌ្ឍ និងផ្សព្វផ្សាយឱ្យកាន់តែទូលំទូលាយបន្ថែមទៀតនូវស្នាដៃសិល្បៈវប្បធម៌ខ្មែរដែលជាដួងព្រលឹងដូនតាឱ្យបានគង់វង្ស។

ប្រជាពលរដ្ឋខ្មែរ ពិសេសសិស្សនិស្សិតទាំងអស់អាចអញ្ជើញទៅទស្សនា ក៏ដូចជាចូលរួមគាំទ្រ និងផ្តល់កម្លាំងចិត្តដល់សិល្បករ-សិល្បការិនីឱ្យបានច្រើនកុះករ នៅសាលសន្និសីទចតុម្មុខ ទីតាំងស្ថិតតាមបណ្ដោយ​ មហាវិថីព្រះសុីសុវត្ថិ​ សង្កាត់ចតុម្មុខ​ ខណ្ឌដូនពេញ​ រាជធានីភ្នំពេញ​។

កន្លែងមានកំណត់ សូមរួសរាន់ ប្រយ័ត្នអស់សំបុត្រ។ ព័ត៌មានបន្ថែម ឬចង់កក់សំបុត្រ លោកអ្នកអាចទាក់ទង​ក្រុមការងារ​លក់សំបុត្រតាមទូរសព្ទលេខ៖ 096 394 39 48, 070 882 498 ឬ 089 570 777 ។

ប្រលោមលោក រឿង “ផ្កាស្រពោន” ជាស្នាដៃនិពន្ធ របស់លោក នូ ហាច បានតាក់តែងក្នុងឆ្នាំ១៩៤៧ បោះពុម្ពក្នុងឆ្នាំ១៩៤៩ ក្នុងសម័យអាណានិគមបារាំង។ រឿងនេះបានបង្ហាញពីជីវិតស្នេហាព្រាត់ប្រាស់របស់យុវជនយុវតីពីររូប នៅខេត្តបាត់ដំបង បណ្តាលមកពីការរើសអើងវណ្ណៈ ឱ្យតម្លៃលើទ្រព្យសម្បត្តិធំជាងកិត្តិយស។ មានការលើកឡើងថា រឿងនេះ គឺយកតាមលំនាំរឿងពិត នៃអ្នកនិពន្ធផ្ទាល់។

គួររំលឹកថា ល្ខោននិយាយ​មាន​លំហូរ​ចូលមក​ពី​ប្រទេស​បារាំង​នៅ​សម័យ​អាណានិគម​បារាំង​នៅ​ចន្លោះ​ឆ្នាំ​១៩៤០ តាមរយៈ​ជនជាតិ​បារាំង​ម្នាក់ ដោយ​ជនជាតិ​បារាំង​នោះបាន​បង្រៀន​នៅក្នុង​សាលា​គរុកោសល្យ​របស់​គ្រូ​ដើម្បី​ជួយ​សម្ដែង​រឿង​ខ្លី​ពាក់ព័ន្ធ​នឹង​ប្រទេស​បារាំង។ បន្ទាប់មក​បន្តិច​ម្ដងៗ​ល្ខោននិយាយ​ក៏បាន​អភិវឌ្ឍន៍​ទៅមុខ​ល្អប្រសើរ​ ទទួលការ​ចាប់អារម្មណ៍​ខ្លាំងពី​ប្រជាជន​នៅ​ក្នុងសម័យ​សង្គមរាស្ត្រនិយម​។ ល្ខោននិយាយ​មានការ​អភិវឌ្ឍ​ជាខ្លាំង ​ដោយសារ​មាន​ព្រឹទ្ធាចារ្យ​ល្បី​ដូចជា ព្រឹ​ទ្ធា​ចា​រ្យ ហុង គឹម​ហាក់​ បានធ្វើការ​ជាខ្លាំង​ទៅលើ​ល្ខោននិយាយ​នេះ និង​សម្ដេច​ សីហនុ​ ជា​ប្រមុខ​ក៏បាន​គាំទ្រ​ល្ខោននិយាយ​នេះ​ខ្លាំង​ដែរ។

​នៅក្នុង​សម័យ​សា​រណៈ​រដ្ឋ​កម្ពុជា​ឆ្នាំ​១៩៨០ និង​ឆ្នាំ​១៩៨១ ក៏បានចាប់ផ្ដើម​ប្រមូល​អ្នកចេះដឹង​ផ្នែក​ល្ខោននិយាយ​នេះ មក​ជុំគ្នា​វិញ​ បន្ទាប់ពី​សម័យ​ខ្មែរក្រហម​បាន​ដួលរលំ ដោយ​ក្នុងពេលនោះ​មាន​គ្នា​តែ​ ៣​ទៅ​ ៤​នាក់​ប៉ុណ្ណោះ។ ដូច្នោះ​នៅ​ឆ្នាំ​១៩៨១ ក៏​ចាប់ផ្ដើម​បើក​សាលា​ថ្នាក់​ល្ខោននៅក្នុង​ប្រទេស​កម្ពុជា​ឡើងវិញ​ ដោយ​ជ្រើសរើស​សិស្ស​ចូលរៀន ដែលមាន​លោកគ្រូ​ ហួត ស៊ីថន​ ជា​សិស្ស​ជំនាន់​ទី១ ​ក្នុង​សាលា​ល្ខោន​ប្រទេស​កម្ពុជា​​។​ ​ល្ខោននិយាយ​នៅក្នុង​ប្រទេស​កម្ពុ​ជាប​ច្ចុ​ប្ប​ន្ន មាន​សាលា​មធ្យម​វិចិត្រសិល្បៈ និង​សាកលវិទ្យាល័យ​ភូមិន្ទ​វិចិត្រសិល្បៈ​ទទួល​សិស្ស​រៀន​ជា​រៀងរាល់ឆ្នាំ៕

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានអន្ដរជាតិ១៩ នាទី មុន

សហរដ្ឋអាមេរិកនិយាយថា ករណីវាយប្រហារនៅសាលប្រគំតន្ត្រី Crocus City Hall គឺជាការអាម៉ាស់របស់រុស្ស៊ី

ព័ត៌មានជាតិ២ ម៉ោង មុន

អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា

ព័ត៌មានជាតិ៣ ម៉ោង មុន

ក្រសួង​ការងារ​នាំ​យក​ប្រាក់​ឈ្នួល និង​ប្រាក់​បំណាច់​ជូន​កម្មករ​រោងចក្រ Y&W ដែល​កំពុង​សម្រាលកូន​ដល់​មន្ទីរពេទ្យ

ព័ត៌មានជាតិ៤ ម៉ោង មុន

ទីតាំងចែកចាយនំបាយក្តាំង និងគ្រឿងសមុទ្របង្កក៣ទីតាំង ត្រូវបានរកឃើញថា គ្មានស្តង់ដារបច្ចេកទេសត្រឹមត្រូវ

ព័ត៌មានជាតិ៥ ម៉ោង មុន

ប្រាង្គអាយុកាលពាន់ឆ្នាំ លើកំពូលភ្នំដងរែក កំពុងចែងចាំង អួតអ្នកទេសចរ អំឡុងព្រឹត្តិការណ៍សមរាត្រី

ព័ត៌មានអន្ដរជាតិ៣ ថ្ងៃ មុន

Breaking News! បណ្ដាញសង្គម Facebook មានបញ្ហានៅទូទាំងពិភព​លោកជាថ្មី

កីឡា៤ ថ្ងៃ មុន

ជើងឯកម៉ុងហ្គោលី Erdene​ អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត

ជីវិតកម្សាន្ដ២ ថ្ងៃ មុន

ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»

ព័ត៌មានជាតិ៦ ថ្ងៃ មុន

សម្តេច​​​ ហ៊ុន សែន ​៖​ ហេតុ​អ្វី​បាន​ជា​មក​ដល់​ពេល​នេះ​ហើយ​មាន​មន្ត្រី​យើង​ប្រព្រឹត្ត​បែប​នេះ​ ដោយ​ពាក់​ស្បែក​ជើង​ចូល​ក្នុង​ព្រះ​វិហារ?

សន្តិសុខសង្គម៥ ថ្ងៃ មុន

បឋម៖ អគ្គិភ័យកំពុងឆេះរោងចក្រជិតផ្សារបែកចាន (មានវីដេអូ)

Sokha Hotels

ព័ត៌មានពេញនិយម