ជីវិតកម្សាន្ដ
អ្នកនាង កាឆយ ស្រណោះរឿងមួយជាមួយ ខាត់ ចំរើន ខណ:ពិធីបុណ្យសពក៏មិនបានចូលរួម
តារាកំប្លែងរួមអាជីពដែលជារៀមច្បងសិល្ប:អ្នកនាង កាឆយ បានសម្តែងការសោកស្តាយ និងរន្ធត់ចិត្តជាខ្លាំងក្រោយពីទទួលដំណឹងមរណ:ភាពរបស់តារាកំប្លែងលោក ខាត់ ចំរើន ទាំងវ័យក្មេងបន្សល់ទុកកូនកំព្រាឪពុក។
អ្នកនាង កាឆយ គឺជាតារាសិល្ប:ជើងចាស់ដែលចូលប្រឡូកក្នុងវិថីសិល្ប:មានរយ:ពេលយូឆ្នាំ និងក្រាសក្រែលមកហើយដែលធ្វើឲ្យប្រជាប្រិយភាព និងការគាំទ្រនៅតែរក្សាបានពីសំណាក់ទស្សនិកជនគ្រប់ស្រទាប់វណ្ណ:ទាំងក្នុង និងក្រៅប្រទេស។ មិនតែប៉ុណ្ណោះកាលពីថ្មីៗនេះអ្នកនាង កាឆយ ក៏ត្រូវបានអញ្ជើញចេញទៅច្រៀងនៅក្រៅប្រទេសទៀតផង។
ងាកមកចាប់អារម្មណ៍រឿងមួយដែលតារាកំប្លែងអ្នកនាង កាឆយ បង្ហាញការសោកស្តាយដោយមិនបានចូលរួមពិធីបុណ្យសពតារាកំប្លែងលោក ខាត់ ចំរើន នោះក៏ព្រោះតែអ្នកនាងកំពុងមានជំងឺ។ អ្វីដែលស្រណោះទៀត គឺអ្នកនាង កាឆយ ធ្លាប់មានអនុស្សាវរីយ៍ជាច្រើនធ្លាប់ចាប់ដៃគូកំប្លែងជាមួយលោក ខាត់ ចំរើន ជាបន្តបន្ទាប់ទៀតផង។
តារាកំប្លែងអ្នកនាង កាឆយ បានសរសេរសំណេរយ៉ាងក្តុកក្តួលដូច្នេះថា «បងសោកស្តាយណាស់បងមិនបានចូលរួមពិធីបុណ្យប្អូន ចំរើន មើលហើយស្រណោះណាស់ធ្លាប់កាត់សក់ជាមួយគ្នា បងសុំទោសពេលនេះបងឈឺ តែបុណ្យគម្រប់៧ថ្ងៃបងនឹងចូលរួម។ ខ្លឹមសារនេះបានធ្វើឲ្យអ្នកគាំទ្រកាន់តែស្រណោះ និងក្តុកក្តួលថែមទៀតចំពោះមរណភាព ខាត់ ចំរើន ។
តារាកំប្លែង និងចម្រៀងលោក ខាត់ ចំរើន ដែលជាប្អូនប្រុសបង្កើតអ្នកនាង ខាត់ សុឃីម បានទទួលមរណភាពកាលពីព្រឹកថ្ងៃទី២០ ខែវិច្ឆិកា ឆ្នាំ២០២២ ក្នុងវ័យ៤០ឆ្នាំដោយសារជំងឺក្រិនថ្លើម បេះដូង និងក្រលៀន។ តាមរយ:ដំណឹងមរណភាពតារាកំប្លែងលោក ខាត់ ចំរើន នេះគេឃើញមានអ្នកគាំទ្រព្រមទាំងសិល្បករ-សិល្បការិនីជាច្រើនបានសម្តែងការសោកស្តាយចំពោះការបាត់បង់ធន់ធានសិល្បករដ៏មានប្រជាប្រិយភាពនិងទេពកោសល្យផ្នែកសិល្ប: ស្ទើរគ្រប់ជំនាញ៕
អត្ថបទ៖ ចាន់រ៉ា
-
សន្តិសុខសង្គម១ សប្តាហ៍ ago
ជនដៃដល់ បាញ់មនុស្ស២នាក់ស្លាប់ នៅបុរីប៉េងហួត មានគោរម្យងារជា ឧកញ៉ា
-
សន្តិសុខសង្គម១ សប្តាហ៍ ago
សមត្ថកិច្ច ចាប់បានបុរសដែលបាញ់មនុស្ស២នាក់ឱ្យស្លាប់ និងរបួស នៅបុរីប៉េងហ៊ួតបឹងស្នោ
-
សន្តិសុខសង្គម១ សប្តាហ៍ ago
Update៖ សមត្ថកិច្ចចាប់ខ្លួនជនសង្ស័យម្នាក់ ក្នុងហេតុការណ៍ផ្ទុះអាវុធ នៅក្នុងបុរីប៉េងហួតបឹងស្នោ
-
ព័ត៌មានជាតិ១ សប្តាហ៍ ago
សមាគមឧកញ៉ា នឹងស្នើបញ្ចប់ងារឧកញ៉ាពីឈ្មោះ ស្រី ស៊ីណា ក្រោយបាញ់ឱ្យមនុស្សស្លាប់
-
អត្ថាធិប្បាយ១ សប្តាហ៍ ago
សមត្ថកិច្ចប្រើពេល៣ម៉ោង ក្របួចកឧកញ៉ាប្រើកាំភ្លើងផ្ដាច់ជីវិតគូរស្នេហ៍មួយគូរ
-
សេដ្ឋកិច្ច៤ ថ្ងៃ ago
ការវិនិយោគរបស់ក្រុមហ៊ុនជប៉ុន កំពុងជួយរុញឱ្យកំណើនសេដ្ឋកិច្ចកម្ពុជាកាន់តែងើបឡើងបន្ថែមទៀត
-
KPT+៥ ថ្ងៃ ago
១០ ប្រទេស កំពូលគ្រោះថ្នាក់ខ្លាំង ចំពោះស្រ្តី
-
ព័ត៌មានជាតិ២ ថ្ងៃ ago
អ្នកនាំពាក្យទទូចដល់អ្នកប្រើបណ្តាញសង្គមបញ្ឈប់ចែកចាយជាបន្ទាន់ និងលុបចេញរាល់មាតិកាដែលពាក់ព័ន្ធឃាតកម្មឃោរឃៅ