ជីវិតកម្សាន្ដ

អ៊ឹម សុគន្ធា ប្ដេជ្ញារៀបចំកម្មវិធី MGC ប្រព្រឹត្តទៅប្រកបដោយភាពថ្លៃថ្នូរ កិត្តិយសសិល្បៈ និងវប្បធម៌

បានផុស

៣ years មុន

នៅ

ថ្ងៃចន្ទ ១៩ ធ្នូ ២០២២

ដោយ

បន្ទាប់ពីការប្រកាសលាឈប់របស់លោក អ៊ិន សុភិន កាលពីថ្មីៗនេះ ទីបំផុតអ្នកនាង អ៊ឹម សុគន្ធា ត្រូវបានប្រកាសជាផ្លូវការក្លាយជានាយកគ្រប់គ្រងថ្មីរបស់កម្មវិធីកញ្ញាឯកដ៏អស្ចារ្យ នៃកម្ពុជា ឆ្នាំ ២០២៣ ឬ Miss Grand Cambodia 2023 ដើម្បីបន្តរៀបចំការប្រកួតនេះពីលោក អ៊ិន សុភិន។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ជាក់ស្ដែងបើតាមការអះអាងពីសំណាក់អ្នកនាង អ៊ឹម សុគន្ធា បានលើកឡើងថា «នាងខ្ញុំពិតជាមានកិត្តិយស និងមោទកភាពបំផុតដែលបាននាំមកជូននូវកម្មវិធីប្រកួតកញ្ញាឯកដ៏អស្ចារ្យ នៃកម្ពុជា ឆ្នាំ ២០២២ នាងខ្ញុំពិតជាមានសេចក្ដីរំភើបក្រៃលែងឥតឧបមា។

អ្នកនាងបន្តថា នាងខ្ញុំ នឹងប្ដេជ្ញាចិត្តសម្រាប់កម្មវិធីកញ្ញាឯកដ៏អស្ចារ្យ នៃកម្ពុជា នឹងប្រព្រឹត្តទៅប្រកប ដោយភាពថ្លៃថ្នូរ កិត្តិយស សិល្បៈ វប្បធម៌។

អ្នកនាង អ៊ឹម សុគន្ធា និយាយទៀតថា ជាពិសេសនឹងនាំយកទំនៀមទម្លាប់ដ៏ស្រស់ផូរផង់របស់ប្រទេសកម្ពុជាទៅកាន់ពិភពលោក។ «នាងខ្ញុំជាថ្នាក់ដឹកនាំម្នាក់ព្យាយាមកែប្រែរាល់ចន្លោះខ្វះខាតឲ្យអស់លទ្ធភាព ហើយយល់ស្របតាមមតិអ្នកគាំទ្រជាផ្នែកមួយដ៏សំខាន់ នៃកម្មវិធីផងដែរ»។

ចំណែកឯស្វាមីរបស់នាង គឺ លោក គង់ រ៉ាយុទ្ធ ក៏បានបង្ហាញក្ដីអបអរសាទរដល់ភរិយាបង្ហោះនៅលើគណនីហ្វេសប៊ុករបស់ខ្លួនបែបនេះថា «អបអរសាទរអូន បានសម្រេចគោលបំណងដែលស្រឡាញ់វិស័យមួយនេះ អូនពិតជាអស្ចារ្យ»។ តាមរយៈដំណឹងនេះ បានធ្វើឲ្យទស្សនិកជនជាច្រើនបានបង្ហាញការគាំទ្រ និងអបអរគ្រប់គ្នា៕

អត្ថបទ ៖ ចាន់រ៉ា

Related Topics:អ៊ឹម សុគន្ធា Miss Grand Cambodia

ព័ត៌មានអន្ដរជាតិ២ ថ្ងៃ ago

អស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ

សេចក្ដីជូនដំណឹង៣ ថ្ងៃ ago

ក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា