ជីវិតកម្សាន្ដ

អ្នកស្រី អ៊ឹម សុគន្ធា បញ្ជាក់ថា ព្រោះតែងរឿងចង់ចាញ់ឈ្នះ មានអ្នកខ្លះចង់ទិញសិទ្ធិ Miss Grand 2025

បានផុស

២ years មុន

នៅ

ថ្ងៃពុធ ៦ វិច្ឆិកា ២០២៤

ដោយ

ជាថ្មីម្ដងទៀត អ្នកស្រី អ៊ឹម សុគន្ធា ដែលជាអគ្គនាយិកា Miss Grand Cambodia បានចេញមកបញ្ជាក់ដោយហួសចិត្តថា ព្រោះតែរឿងចង់ចាញ់ឈ្នះរវាងបុគ្គលខ្លះមកលើអ្នកនាងគឺបានជំរុញឲ្យអ្នកខ្លះក្បត់ឆន្ទៈនឹងអ្នកគាំទ្រចង់ទិញសិទ្ធិ Miss Grand 2025 មកធ្វើនៅប្រទេសកម្ពុជា។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ជាការពិតកន្លងមកអ្នកស្រី អ៊ឹម សុគន្ធា អ្នកគ្រប់គ្រងកម្មវិធី Miss Grand Cambodia 2024 ធ្លាប់បានប្រកាសប្ដេជ្ញា និងអះអាងថា អ្នកនាង នឹងធ្វើគ្រប់យ៉ាងដើម្បីបិទ Miss Grand មិនឲ្យមាននៅកម្ពុជានាឆ្នាំក្រោយៗ បន្តទៀតឡើយ។

ទោះបីជាយ៉ាងណាស្របពេលមានការវែកញែកជាថ្មីថាមានអ្នកចង់ទិញសិទ្ធិបន្ត Miss Grand Cambodia 2025 សម្រាប់រៀបចំធ្វើនៅប្រទេសកម្ពុជានោះ ស្រាប់តែអ្នកស្រី អ៊ឹម សុគន្ធា ចេញមកប្រតិកម្មថា គិតទៅមិនដឹងបេះដូងសាងអំពីអ្វីទេ ចង់ឈ្នះនាង ហើយចង់បានម្ល៉េះកម្មវិធីមួយហ្នឹង? តើហេតុអ្វីអ្នកមិនស្រលាញ់មុខមាត់ប្រទេស និងប្រជាជនខ្មែរអ៊ីចឹង?។

អ្នកស្រី អ៊ឹម សុគន្ធា បញ្ជាក់ទៀតថា ហេតុអ្វីកម្មវិធីបវរកញ្ញាច្រើនណាស់មិនទៅទិញ ឥឡូវមកឲ្យនាងរវល់ជាមួយមេធាវីទៀតហើយ។

អ្នកស្រី អ៊ឹម សុគន្ធា បានចេញមុខអះអាងថា ខ្លួនមិននៅស្ងៀមជាដាច់ខាត បើសិនជាមានអ្នកណាដែលហ៊ានទិញសិទ្ធិ MGI មកធ្វើជាថ្មីនៅលើទឹកដីប្រទេសកម្ពុជាម្តងទៀតនោះ។

គួររម្លឹកថា កាលពីថ្មីៗ កន្លងទៅ អ្នកនាង អ៊ឹម សុគន្ធា និងក្រុមការងារ បានសម្តែងការខកចិត្តយ៉ាងខ្លាំង បន្ទាប់ពីផេកផ្លូវការរបស់ MGI បានប្រកាសកាលពីយប់ថ្ងៃទី ០៦ ខែតុលា ថា កម្ពុជា មិនអាចបន្តធ្វើជាម្ចាស់ផ្ទះ នៃកម្មវិធី Miss Grand International 2024 ទៀតទេ៕

អត្ថបទ ៖ ចាន់រ៉ា