ជីវិតកម្សាន្ដ

រូបកាល ១៦ ឆ្នាំមុនរបស់ Dilraba ទស្សនិកជនលាន់មាត់មិនចង់ជឿថាជានាង

បានផុស

៣ years មុន

នៅ

ថ្ងៃព្រហស្បតិ៍ ៣០ មីនា ២០២៣

ដោយ

រូបភាពប៉ុន្មានសន្លឹកកាលពី១៦ឆ្នាំមុនរបស់តារាសម្ដែងចិន Dilraba Dilmurat ត្រូវគេទម្លាយខ្ទេចគ្មានសល់ពីសម្រស់របស់នាងកាលនៅវ័យក្មេង ខណៈអ្នកលេងបណ្ដាញសង្គមចិនហាក់មិនចង់ជឿថាជានាងនោះទេ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

នៅថ្ងៃទី ៣០ ខែមីនានេះ ទំព័រហ្វេសបុកព័ត៌មានកម្សាន្តចិនបានចែករំលែករូបភាពរបស់ Dilraba Dilmurat កាលពី១៦ ឆ្នាំមុន ដែលពេលនោះនាងមានអាយុត្រឹមតែ ១៥ ឆ្នាំប៉ុណ្ណោះ ហើយមិនទាន់បានចូលប្រឡូកក្នុងវិស័យសិល្បៈនៅឡើយ។ ប៉ុន្តែសម្រស់របស់នាងបានទាក់ទាញអ្នកថតរូបរហូតដល់នាងត្រូវថតរូបនាងទុកថែមទៀតផង។ រហូតមកដល់នាងចូលប្រឡូកក្នុងវិស័យសិល្បៈ ហើយក្លាយជាតារាស្រីដែលមានស្នាដៃជាច្រើនបង្ហាញដល់ទស្សនិកជន ទើបជាងថតទម្លាយចេញមកតែម្ដង។

រូបថតកុមារភាពរបស់នាង ត្រូវបានចែករំលែកពាសពេញបណ្ដាញសង្គម ដោយបង្ហាញពីភាពស្រស់ស្អាតក្នុងសម្រស់មិនផាត់មុខនិងមានវ័យក្មេងខ្លាំង។ យ៉ាងណាមិញនេះមិនមែនជាលើកទីមួយទេ ដែលមានសារព័ត៌មានឬអ្នកលេងអ៊ីនធឺណិតទម្លាយរូបភាពចាស់ៗពីមុនរបស់ Dilraba។ នេះដោយសារតែមានមហាជនខ្លះបាននិយាយថានាងកែសម្ឆស្សមិនមិនមែនមានមុខធម្មជាតិឡើយ។ ក្រោយមកមានអ្នកគាំទ្រជាច្រើនបញ្ចេញរូបភាពនាងក្នុងវ័យកុមារភាព ទើបពួកគេជឿជាក់ថាសម្រស់ Dilraba ពិតជាស្អាតពិតប្រាកដមែន៕