ជីវិតកម្សាន្ដ
ករុណា ពេជ្រ ទម្លាយអារម្មណ៍បែបនេះ ពាក់ព័ន្ធសំបុត្រទស្សនាពិធីបិទស៊ីហ្គេម
ព្រឹត្តិការណ៍កីឡាស៊ីហ្គេមលើកទី ៣២ ឆ្នាំ ២០២៣ ដែលកម្ពុជាធ្វើជាម្ចាស់ផ្ទះ នឹងត្រូវបិទបញ្ចប់នាល្ងាចថ្ងៃទី ១៧ ខែឧសភា ឆ្នាំ ២០២៣ នេះ។ យ៉ាងណាមិញសម្រាប់កម្មវិធីបិទព្រឹត្តិការណ៍កីឡាស៊ីហ្គេមលើកទី ៣២ នឹងអស្ចារ្យមិនចាញ់កម្មវិធីបើកផ្លូវការទេ។
ជាមួយគ្នា នៃការបិទព្រឹត្តិការណ៍កីឡាស៊ីហ្គេមលើកទី ៣២ ឆ្នាំ ២០២៣ នេះដែរ គេសង្កេតឃើញថា កាលពីថ្ងៃទី ១៦ ខែឧសភាម្សិលមិញ មានសិល្បករ-សិល្បការិនីខ្មែរមួយចំនួន បានវែកញែកពាក់ព័ន្ធសំបុត្រចូលទស្សនាការបិទព្រឹត្តិការណ៍កីឡាស៊ីហ្គេម។ ក្នុងនោះក៏មានអ្នកនាង ចន ច័ន្ទលក្ខិណា ប្រធានសមាគមសិល្បករខ្មែរ និងតារាសម្ដែងស្រីអ្នកនាង នៅ សូនីតា បានចេញមកនិយាយពាក់ព័ន្ធនឹងរឿងនេះដែរ។
ដោយឡែកសម្រាប់តារាប្រុសលោក ករុណា ពេជ្រ ក៏បង្ហាញអារម្មណ៍ផ្ទាល់ខ្លួនជុំវិញបញ្ហានេះដែរ។ លោកលើកឡើងថា «បងប្អូនអើយ កាលបើក Sea Games ទោះបីខ្ញុំមានឈ្មោះចូលសម្ដែង ក៏ខ្ញុំមានតែកាតមួយសម្រាប់ចូលខ្លួនឯងតែប៉ុណ្ណោះ មិនអាចសូម្បីតែយកមិត្តភ័ក្ដិបងប្អូនតែម្នាក់ចូលផង។ ដូច្នេះដល់ថ្ងៃទី ១៧ ខែឧសភា ឆ្នាំ ២០២៣ ថ្ងៃបិទ Sea Games ខ្ញុំក៏រឹតតែមិនមានទៀត ដោយសារខ្ញុំមានការងារចាកចេញទៅក្រៅប្រទេសមិនបានចូលរួមសម្ដែងបិទ Sea Gam es ជាមួយក្រុមការងារនាថ្ងៃបើកដូចមុននោះទេ»។
លោកបន្តថា «ដូច្នេះសុំអភ័យទោសបងប្អូនមិត្តភ័ក្ដិដែលឆាតមករកកាតចូលទស្សនាជាខ្លាំង..ប៉ុន្តែទោះជាយើងមិនបានចូលបើក ឬចូលមើលបិទដោយផ្ទាល់ ក៏យើងនៅតែជាខ្មែរ គាំទ្រពីចិត្ត និងពីចម្ងាយដូចគ្នាណាបងប្អូន គួរគិតដែរថា ស្តាតតេជោ ផ្ទុកបានភ្ញៀវតែជាង ៦០ ០០០ នាក់ទេ ទោះយ៉ាងណាក៏មិនអាចបំពេញឲ្យតាមការចង់បានបងប្អូនប្រជាពលរដ្ឋខ្មែរយើងបានទស្សនាផ្ទាល់ទាំងអស់យ៉ាងច្រើនពន់ពេកនាពេលនេះទេ»។
តារាចម្រៀងលោក ករុណា ពេជ្រ បាននិយាយទៀតថា «សង្ឃឹមថាបងប្អូនខ្មែរយោគយល់អធ្យាស្រ័យ ហើយបើកចិត្តឲ្យទូលាយដូចពាក្យស្លោកយើងថា ប្រទេសតូចតែបេះដូងធំ ហើយរួបរួម សាមគ្គីគ្នាក្នុងនាមជាខ្មែរដើម្បីខ្មែរ មោទនភាពអ្វីៗដែលកម្ពុជាយើងកំពុងមាននាថ្ងៃនេះ»។
សូមជម្រាបថា ព្រឹត្តិការណ៍ប្រកួតកីឡាអាស៊ីអាគ្នេយ៍លើកទី ៣២ ឆ្នាំ ២០២៣ ដែលកម្ពុជាទទួលធ្វើជាម្ចាស់ផ្ទះ បានប្រារព្ធពិធីបើកជាផ្លូវការកាលពីថ្ងៃទី ០៥ ខែឧសភា នៅក្នុងពហុកីឡដ្ឋានជាតិមរតកតេជោ។ ចំពោះពិធីបិទព្រឹត្តិការណ៍ប្រកួតកីឡាអាស៊ីអាគ្នេយ៍លើកទី ៣២ នេះ នឹងត្រូវរៀបចំកម្មវិធីនៅថ្ងៃទី ១៧ ខែឧសភា ឆ្នាំ ២០២៣ នេះ។
ព្រឹត្តិការណ៍ស៊ីហ្គេមនាពេលនេះ គឺជាព្រឹត្តិការណ៍ប្រវត្តិសាស្ត្ររបស់កម្ពុជា ដែលពលរដ្ឋកម្ពុជា បានរង់ចាំអស់រយៈពេល ៦៤ ឆ្នាំមក។ ប្រជាពលរដ្ឋកម្ពុជាគ្រប់រូប ពិតជាមានមោទនភាព និងក្ដីរំភើបបំផុតនៅពេលឃើញទិដ្ឋភាពដ៏អស្ចារ្យជាប្រវត្តិសាស្ត្រមិនដែលមានពីមុនមកនេះ៕
អត្ថបទ ៖ ចាន់រ៉ា
-
ព័ត៌មានអន្ដរជាតិ១៣ ម៉ោង agoអស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ
-
សេដ្ឋកិច្ច២ ថ្ងៃ agoធនាគារ ARDB ចាក់បញ្ចូលទុនលើស្វាយចន្ទី និងដំឡូងមី
-
ព័ត៌មានជាតិ១ សប្តាហ៍ agoរដ្ឋបាលខណ្ឌកំបូល សហការជាមួយក្រុមហ៊ុនមីនេបៀ ប្រើប្រាស់កម្លាំងជាង ៨០០នាក់ សម្អាតអនាម័យនៅតាមដងផ្លូវ
-
កីឡា៤ ថ្ងៃ agoមូលហេតុកីឡាករអាមេរិ Penrose ធ្វើមិនបានល្អជាមួយក្រុមស្នងការខេត្តស្វាយរៀង
-
ព័ត៌មានអន្ដរជាតិ៦ ថ្ងៃ agoអ៊ីរ៉ង់ បើកច្រកចូលរូងភ្នំ ផ្ទុកមីស៊ីលសម្ងាត់របស់ខ្លួនឡើងវិញ ទោះរងការវាយប្រហារយ៉ាងដំណំ
-
សេចក្ដីជូនដំណឹង២ ថ្ងៃ agoក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា
-
ព័ត៌មានអន្ដរជាតិ១ សប្តាហ៍ agoរដ្ឋមន្ត្រីការពារជាតិជប៉ុន បដិសេធការចោទប្រកាន់របស់ចិន អំពីការវិលទៅរកយោធានិយម
-
សេដ្ឋកិច្ច៥ ថ្ងៃ agoតម្លៃប្រេងលក់រាយធ្លាក់ចុះក្រោម ៥០០០ រៀល មួយលីត្រ