ជីវិតកម្សាន្ដ
ម្ចាស់បទ “អូនអ៊ូកគួរឲ្យស្រលាញ់” អេមមី បង្ហាញតម្រុយធំៗ២ត្រៀមបើកអាជីវកម្មនៅស្រុកខ្មែរ
អតីតតារាចម្រៀងផលិតកម្មអ៊ឹម(M)អ្នកនាង អេមមី បានឃ្លាតឆ្ងាយពីសិល្ប:មានរយ:ពេលច្រើនឆ្នាំមកហើយបន្ទាប់ពីតារាស្រីរូបនេះបានសាងកេរ្តិ៍ឈ្មោះល្បី និងប្រជាប្រិយភាពមួយសន្ទុះធំ។ អេមមី ត្រូវបានអ្នកគាំទ្រពិសេសមិត្តៗយុវវ័យស្គាល់ច្រើនតាមរយ:បទ “អូនអ៊ូកគួរឲ្យស្រលាញ់”។
ជាការពិតអ្នកនាង អេមមី គឺជាអតីតតារាចម្រៀងស្រីល្បីឈ្មោះកាលពីអំឡុង៥ឬ៦ឆ្នាំមុន ខណ:បទចម្រៀងរបស់នាងមួយចំនួនទទួលបានការគាំទ្រយ៉ាងច្រើនក្រាស់ក្រែលពីសំណាក់មហាជនជាពិសេសស្រទាប់មិត្តៗយុវវ័យតែម្តង។ប៉ុន្តែក្រោយមកនាងក៏ឈប់ពីអាជីពមួយនេះចេញទៅរស់នៅទឹកដីប្រទេសអូស្រ្តាលី និងបានបើកមុខជំនួញរកស៊ីនៅទីនោះយ៉ាងកក់ក្តៅជាមួយកូនប្រុសជាទីស្រលាញ់។
តារាស្រី អេមមី បានប្រាប់តាមសារអេឡិចត្រូនិចពីប្រទេសអូស្រ្តាលីថា នាងមានគម្រោងមកលេងស្រុកខ្មែរនៅឆ្នាំក្រោយ(២០២៤)ខាងមុខនេះ។ អំឡុងពេលមកស្រុកខ្មែរនេះដែរ អេមមី ក៏បានបង្ហើបពីគម្រោងបើកអាជីពវកម្មធំៗ២នៅទឹកដីប្រទេសកំណើតផងដែរ។ អេមមី បញ្ជាក់ថា សម្រាប់អាជីវកម្មដែលនាងចង់បើកនៅពេលខាងមុខ គឺការនាំចូលផ្តាច់មុខផលិតផលសម្រស់មកពីប្រទេសកូរ៉េដែលមានដៃគូសហការនៅទីនេះស្រាប់។
តារាចម្រៀងអ្នកនាង អេមមី បាននិយាយបន្ថែមទៀតថា ចំណែកគោលដៅមួយទៀតគឺបើកហាងអាហារនៅឯទឹកដីខេត្តកំពង់ចាមដែលជាទីកន្លែងកំណើតរបស់ខ្លួនផ្ទាល់។ អេមមី បន្ថែមថា បច្ចុប្បន្ននាងកំពុងខំប្រឹងសន្សំលុយឲ្យច្រើនសិនដើម្បីបំពេញបំណងរបស់ខ្លួនបើកអាជីវកម្មនៅស្រុកខ្មែរ។
គេកត់សម្គាល់ថា ទោះបីឃ្លាតឆ្ងាយពីអ្នកគាំទ្រជាច្រើនឆ្នាំមកនោះ ស្រីស្អាត អេមមី ជារឿយៗតែងនឹករលឹកដល់អ្នកគាំទ្រ និងចង់វិលរកវិថីសិល្ប:វិញផងដែ តែទាស់កូននៅតូចពេកទើបនាងមិនទាន់ពេលគ្រាប់គ្រាន់។ តាមរយ:ជំនួបសំណេះសំណាលជាមួយកម្ពុជាថ្មីតាមសារអេឡិចត្រូនិចពីប្រទេសអូស្រ្តាលី អេមមី បានបញ្ជាក់ថា “ខ្ញុំនៅតែស្រលាញ់ពេញចិត្តលើវិស័យមួយនេះនឹងចង់ចូលវិញតែដោយសារកូននៅតូចពេកគ្មានអ្នកមើល” ៕
អត្ថបទ៖ ចាន់រ៉ា
-
កីឡា៧ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៥ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ២១ ម៉ោង ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
សន្តិសុខសង្គម១ សប្តាហ៍ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ព័ត៌មានជាតិ៦ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៥ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៦ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ១ សប្តាហ៍ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង