ជីវិតកម្សាន្ដ

(មានវីដេអូ) លីវ ជីលី ហាត់និយាយភាសាប៉ូឡូញ ត្រៀមប្រកួតលើឆាកអន្តរជាតិ លើកចុងក្រោយ

បានផុស

៣ ខែ មុន

នៅ

ថ្ងៃពុធ ៧ មិថុនា ២០២៣

ដោយ

កញ្ញា លីវ ជីលី ម្ចាស់មកុដ Miss Grand Cambodia២០២០ កំពុងហ្វឹកហាត់ត្រៀមប្រកួតលើឆាកអន្តរជាតិលើកចុងក្រោយ ដោយពង្រឹងទាំងការដើរ និងសមត្ថភាពផ្សេងៗ ពិសេសថ្មីៗនេះ នាង ហាត់រៀននិយាយភាសាប៉ូឡូញយ៉ាងស្វាហាប់ទៀតផង។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ការប្រកួតតំណាងឲ្យកម្ពុជាក្នុងកម្មវិធី Miss Supranational Cambodia២០២៣ នៅឯប្រទេសប៉ូឡូញខាងមុខនេះ កញ្ញា លីវ ជីលី បញ្ជាក់ឲ្យដឹងថា ជាការប្រកួតលើកចុងក្រោយរបស់នាងហើយ លើវិស័យបវរកញ្ញានេះ។

អ្នកគាំទ្របានដឹងហើយថា កន្លងទៅ បវរកញ្ញា លីវ ជីលី ប្រកាសចូលរួមប្រកួតកម្មវិធី Miss Supranational Cambodia២០២៣ ដោយនាងដណ្ដើមបានជ័យជំនះឈ្នះមកុដនៅក្នុងការប្រកួតមួយនេះ។

ក្រោយដណ្ដើមបានមកុដថ្មីបន្ថែមនេះ ម្ចាស់មកុដ Miss Grand Cambodia២០២០ កញ្ញា លីវ ជីលី ក៏បានសម្ដែងក្ដីរំភើប និងត្រេកអរចំពោះអ្វីដែលខ្លួនកំពុងទទួលបាននាពេលនោះ។ បន្ថែមនោះ កញ្ញា លីវ ជីលី ក៏បានធ្វើការអរគុណទៅកាន់អ្នកគាំទ្រផងដែរ ដែលតែងផ្ដល់ការលើកទឹកចិត្ត គាំទ្រនាងតាំងពីដើមមក។

ទន្ទឹមក្ដីរំភើប បវរកញ្ញា លីវ ជីលី ហាក់មានអារម្មណ៍មិនសប្បាយចិត្តចំពោះរឿងខ្លះៗ រហូតនាងចេញមកត្អូញត្អែរថា ហត់ចិត្ត និងចង់បាក់ទឹកចិត្តម្តងៗ ទៅហើយ។ បវរកញ្ញារូបនេះ បញ្ជាក់ថា នាងប្រកួតតែម្ដងនេះទៀតទេ មានន័យថា នេះជាការត្រៀមប្រកួតលើឆាកអន្តរជាតិលើកចុងក្រោយហើយ។

យ៉ាងណាមិញម្ចាស់មកុដ Miss Grand Cambodia២០២០ កញ្ញា លីវ ជីលី បាននិងកំពុងហ្វឹកហាត់ត្រៀមខ្លួនយ៉ាងមុតមាំប្រកួតលើឆាកអន្តរជាតិលើកចុងក្រោយនៅឯប្រទេសប៉ូឡូញ ដោយពង្រឹងទាំងការដើរ និងសមត្ថភាពផ្សេងៗ ពិសេសថ្មីៗនេះ នាង ហាត់រៀននិយាយភាសាប៉ូឡូញយ៉ាងស្វាហាប់ទៀតផង ដើម្បីងាយស្រួលប្រកួត៕

អត្ថបទ ៖ ពិសី

ខាងក្រោមនេះជាវីដេអូការហ្វឹកហាត់និយាយភាសាប៉ូឡូញរបស់ បវរកញ្ញា លីវ ជីលី ៖