ជីវិតកម្សាន្ដ

ម្ដាយទើបចែកឋាន ! ឥឡូវ សឿ សុធារ៉ា ទម្លាយស្ថានភាពជំងឺឪពុកគួរឲ្យបារម្ភ

បានផុស

៥ ខែ មុន

នៅ

ថ្ងៃពុធ ៧ មិថុនា ២០២៣

ដោយ

ក្រោយធ្លាក់ខ្លួនកម្សត់បែបនេះ តារាស្រី សឿ សុធារ៉ា កន្លងមកតែងបង្ហាញអារម្មណ៍សោកសៅមិនសប្បាយចិត្ត។ យ៉ាងណាមិញក្រោយអាការជំងឺជាសះស្បើយមួយរយៈខ្លីនេះដែរ សឿ សុធារ៉ា ក៏ចាប់ផ្ដើមសាងជីវិតថ្មី ដើម្បីរស់នៅផ្ដល់ក្ដីសង្ឃឹមចំពោះកូនៗទាំងពីរ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ដោយឡែកបើចាប់អារម្មណ៍ថ្ងៃខួបកំណើតរបស់តារាស្រីរូបនេះនាងបានបញ្ចេញខ្លឹមសារជូនពរឪពុកដែលកំពុងធ្លាក់ខ្លួនឈឺ។ អ្នកនាង សឿ សុធារ៉ា បានរៀបរាប់ថា «Tomorrow is my birthday,I have not thing to show of,but I have one sing a song called for all my dears »។

តារាសម្ដែង សឿ សុធារ៉ា បាននិយាយថា «“ អូនបានរូបថតគេបានបង“ក្នុងថ្ងៃដែលម៉ែហើយពេ”ឳពុក”បានផ្ដល់កំណើតឲ្យកូនបានឃើញពិភពលោកមួយនេះ កូនសូមឲ្យពេ ដែលកំពុងឈឺជំងឺបាក់ទឹកចិត្ត សូមឲ្យពេឈប់គិតច្រើន ហើយសូមពេអាយុវែង ហើយមានកម្លាំងមាំ ដើម្បីឲ្យកូនៗបានមើលថែពេឲ្យបានយូរៗៗ សាធុសាធុសាធុ។ ម៉ែ ពេ ជាទីអាណិតរបស់កូន»។ តាមរយៈនេះ អ្នកគាំទ្របានផ្ញើសារជូនពរគ្រប់គ្នា។

តារាសម្ដែងអ្នកនាង សឿ សុធារ៉ា កត់សម្គាល់អំឡុងពេលមួយរយៈចុងក្រោយនេះ អ្នកគាំទ្រសង្កេតឃើញស្ថានភាពផ្លូវចិត្តរបស់នាងបានជួបរឿងរ៉ាវចាក់ស្រេះជាច្រើន រហូតធ្វើឲ្យកើតវិបត្តិផ្លូវចិត្ត ពោលគឺចាប់តាំងពីធ្លាយដំណឹងជំពាក់បំណុលរឿងលេងតុងទីន និងក្រោយមកទៀត ដំណឹងបែកបាក់ស្វាមី ខណៈថ្មីៗនេះ អ្នកម្ដាយក៏បានចែកឋានទៅចោល។

គួររម្លឹកថា អ្នកម្ដាយតារាស្រីអ្នកនាង សឿ សុធារ៉ា បានទទួលមរណភាពកាលពីអំឡុងចុងខែតុលា ឆ្នាំ ២០២២។ ខណៈដំណឹងមរណទុក្ខនេះដែរ គេឃើញមានអ្នកគាំទ្រ និងទស្សនិកជន ព្រមទាំងអ្នកសិល្បៈជាច្រើន បានសម្ដែងការចូលរួមរំលែកទុក្ខដ៏ក្រៀមក្រំសោកសៅនេះ ជាមួយតារាសម្ដែងអ្នកនាង សឿ សុធារ៉ា និងក្រុមគ្រួសារផងដែរ៕

អត្ថបទ ៖ ចាន់រ៉ា