ជីវិតកម្សាន្ដ

រ៉ូស ចេញសារ ក្រោយផ្ទុះរឿង កក្កដា សោភ័ណ្ឌ ត្រូវដកតំណែង

បានផុស

២ years មុន

នៅ

ថ្ងៃពុធ ២១ មិថុនា ២០២៣

ដោយ

តារាសម្ដែងសិចស៊ីកញ្ញា រ៉ូស បានចេញសារបែបសើចចំអកឡកឡឺយ ក្រោយផ្ទុះរឿង កក្កដា សោភ័ណ្ឌ ត្រូវគេដកតំណែងពី Miss Fabulous Cambodia។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ជាការពិតចំពោះអ្នកគាំទ្រ និងនិយមតាមដានវិស័យបវរកញ្ញានៅកម្ពុជាមានការភ្ញាក់ផ្អើល ខណៈ កក្កដា សោភ័ណ្ឌ ដែលជាបេក្ខភាពក្នុងការប្រកួត Miss Fabulous Cambodia ត្រូវបានស្ថាប័ន Jack ProInternational Model ប្រកាសដកតំណែងពី Miss Fabulous Cambodia ជាផ្លូវការកាលពីថ្មីៗនេះ។

ចំណែកតារាសិចស៊ី រ៉ូស ដែលធ្លាប់ជាមិត្តភ័ក្ដិល្អនឹងគ្នានោះ បានចេញសារចំអក ដោយលើកថា «គេដកក្បាលចេញដោយសារបាបកម្ម ធ្វើអាក្រក់បានអាក្រក់ ទេវតាមានភ្នែក កម្មពៀរមិនចាំជាតិក្រោយ ជាតិនេះស្ដែងស្ដែង បើគេធ្លាប់ល្អមួយយើង បើមិនបានសងគុណគេវិញទេ សុំកុំបកខាំគេ លទ្ធផលស្ដែងស្ដែង ក្រពើរមិលគុណ ឲ្យលុយវាចាយ ឲ្យបាយវាស៊ី ចុងក្រោយវាទៅឡាយជេរឯង ដៀលក្បាលឯងទៀត ស្បថពីថ្ងៃនេះតទៅឈប់ធ្វើល្អជាមួយអ្នកណាទៀតហើយ»។

គួរបញ្ជាក់ថា ស្ថាប័ន Jack ProInternational Model បានបញ្ជាក់យ៉ាងច្បាស់នូវមូលហេតុដែលស្ថាប័ន សម្រេចដកតំណែង កក្កដា សោភ័ណ្ឌ ដោយសារតែមិនអាចបំពេញតាមគោលការណ៍របស់ក្រុមហ៊ុនបាន។ ក្រុមហ៊ុន ក៏តម្រូវឲ្យ កក្កដា សោភ័ណ្ឌ ត្រូវប្រគល់មកុដពាន និងឆៀង ជូនមកខាងក្រុមហ៊ុន។

យ៉ាងណាមិញ បន្ទាប់ពីមានការប្រកាសដូចខាងលើ ភ្លាមៗនោះ កក្កដា សោភ័ណ្ឌ បានប្រតិកម្មតបថា ខ្លួនជាអ្នកលាលែងតំណែងដោយខ្លួនឯង។ កក្កដា សោភ័ណ្ឌ បានបញ្ជាក់ថា «នាងខ្ញុំ Miss Fabulous Cambodia2023 សុំលាតំណែងដោយសារ…មិនមែនដក កុំមានដៃចេះតែសរសេរទេ»៕

អត្ថបទ ៖ ចាន់រ៉ា