ជីវិតកម្សាន្ដ

រ៉ូស ផ្ទុះកំហឹង ក្រោយមានអ្នកឆាតប្រមាថកិត្តិយស

បានផុស

៤ years មុន

នៅ

ថ្ងៃពុធ ២១ ធ្នូ ២០២២

ដោយ

តារាសម្ដែងសិចស៊ី អាណារ៉ូស ហៅចែ រ៉ូស បានបញ្ចេញប្រតិកម្មភ្លាមៗ បន្ទាប់ពីសុខៗស្រាប់តែមានអ្នកឆាតមកប្រមាថកិត្តិយសខ្លួនជាស្ត្រី ដោយប្រើពាក្យសម្ដីមិនសមរម្យ នាំឲ្យប៉ះពាល់សេចក្ដីថ្លៃថ្នូររបស់នាង។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

បើតាមរយៈសារក្ដៅចិត្តរបស់តារាស្រីកញ្ញា រ៉ូស បាននិយាយថា ខ្ញុំមិនមែនស្រីសំផឹង ឬស្រីខូច ឬស្រីលក់ខ្លួនទេ ហើយខ្ញុំមិនដែលស្គាល់អ្នកឯងទេ សុខៗឆាតមកញ៉ែខ្ញុំតាម telegram ហើយនិយាយប្រើពាក្យមិនសមរម្យដាក់ខ្ញុំ មនុស្សម្នាក់ៗកើតមកមានតម្លៃ និងកិត្តិយសរៀងៗខ្លួន អ្នកឯងមានកូនស្រីទេ បើគេឆាតអ៊ីចឹងទៅកូនស្រីអ្នកឯង តើអ្នកឯងមានអារម្មណ៍បែបណា? ថោកទាបគ្មានលេខដាក់ ហេតុអ្វីក៏មើលងាយគេបែបនេះ?។

រ៉ូស បានបន្តទៀតថា សំខាន់អ្នកឯងឆាតមកបែបមើលងាយជាន់ឈ្លីកិត្តិយសខ្ញុំហើយក៏ខ្ញុំមិនខ្វល់ថាអ្នកឯងជាអ្នកណាដែរ ព្រោះខ្ញុំមិនដែលស្គាល់អ្នកឯង សំខាន់ខ្ញុំគឺជាមនុស្សស្រី ខ្ញុំក៏មានតម្លៃ និងកិត្តិយសរបស់ខ្ញុំដែរ។ ហេតុអ្វីក៏មើលងាយខ្ញុំដល់ថ្នាក់នេះ ខ្ញុំឈឺចាប់ណាស់ ជីវិតមួយនេះគេចាំតែមើលងាយជាន់ពន្លិច ខ្ញុំហត់ណាស់។

ទាក់ទងនឹងរឿងរ៉ាវខាងលើនេះដែរ កម្ពុជាថ្មី នៅមិនទាន់អាចទាក់ទងដើម្បីសួរនាំបន្ថែមពីតារាស្រីសិចស៊ីកញ្ញា អាណារ៉ូស បាននៅឡើយទេ ជុំវិញដំណឹងដ៏រសើប និងភ្ញាក់ផ្អើលខាងលើនេះ៕

អត្ថបទ ៖ ចាន់រ៉ា