ជីវិតកម្សាន្ដ

បវរកញ្ញាតំណាងកម្ពុជា សំណាង អេលីណា ទម្លាយប្រវត្តិការងារ និងសង្គមតាំងពីអាយុ ១៩ ឆ្នាំ

បានផុស

១ year មុន

នៅ

ថ្ងៃអង្គារ ៣ តុលា ២០២៣

ដោយ

Miss International Cambodia តំណាងកម្ពុជាលើឆាកអន្តរជាតិ កញ្ញា សំណាង អេលីណា ខណៈបច្ចុប្បន្នកំពុងហ្វឹកហាត់ត្រៀមចេញទៅប្រកួតដណ្ដើមមកុដនៅលើឆាកអន្តរជាតិនាពេលឆាប់ៗ ខាងមុខ ស្រាប់តែនាងបានទម្លាយនូវប្រវត្តិការងារ និងសង្គម តាំងពីអាយុ ១៩ ឆ្នាំ មកម្ល៉េះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

កញ្ញា សំណាង អេលីណា បានរៀបរាប់នៅលើផេក Miss International បែបនេះថា «នៅពេលនាងមានអាយុ ១៩ ឆ្នាំ នាងមានកិត្តិយសក្នុងការតំណាងប្រទេសរបស់ខ្ញុំនៅក្នុងកម្មវិធីប្រកួតអន្តរជាតិ។ ជាមួយពេលវេលានេះនាងបានធ្វើការជាមួយ NagaWorld ទៅលើគម្រោង CSR របស់ខ្លួន ដែលនឹងទៅទស្សនកិច្ចសាលាបឋមសិក្សាចំនួន ៥០ ដើម្បីលើកទឹកចិត្តសិស្សក្មេងៗ ឲ្យខិតខំប្រឹងលើការសិក្សា»។

កញ្ញា សំណាង អេលីណា បានបញ្ជាក់ថា «នៅពេលនោះខ្ញុំជានិស្សិតសាកលវិទ្យាល័យដែលតម្រូវឲ្យខ្ញុំតស៊ូក្នុងការគ្រប់គ្រងពេលវេលារបស់ខ្ញុំលើការសិក្សាផង និងកាន់មុខតំណែងផង ព្រមទាំងមតិតស៊ូមតិរបស់ខ្ញុំផងដែរ។ យ៉ាងណាពេលនេះខ្ញុំក៏បានបញ្ចប់ថ្នាក់បរិញ្ញាបត្រ និងកំពុងបន្តការសិក្សាថ្នាក់អនុបណ្ឌិតផ្នែកទំនាក់ទំនងអន្តរជាតិ ខ្ញុំបានរកឃើញខ្លួនឯងនៅលើវិថីមួយជាមួយនឹងភារកិច្ច និងការទទួលខុសត្រូវថ្មីជាបវរកញ្ញាអន្តរជាតិកម្ពុជាឆ្នាំ ២០២៣»។

ស្រីស្អាត អេលីណា និយាយទៀតថា «ដូចដែលខ្ញុំបានបណ្ដុះគំនិតនៅក្នុងចិត្តរបស់ខ្ញុំ និងការតស៊ូមតិពិតរបស់ខ្ញុំ គឺការអប់រំយុវជន។ ខ្ញុំបានកាន់តួនាទីថ្មីជាទូតសុឆន្ទៈ នៃសេចក្ដីស្រឡាញ់គ្មានព្រំដែន ដែលវាជាគម្រោងរបស់អង្គការក្រៅរដ្ឋាភិបាលនៅក្នុងប្រទេសកម្ពុជាដែលមានឈ្មោះថា“ក្តីសុបិនធំសម្រាប់ការអប់រំ ៖ កុមារគ្រប់រូបសមនឹងទទួលបានឱកាសដើម្បីរៀន និងរីកចម្រើន”ដែលមានគោលដៅនៅតាមតំបន់ជនបទ នៃប្រទេសកម្ពុជាជាប់ព្រំដែនថៃ ករណីភាពក្រីក្រជាបន្ទុក នៃការតស៊ូប្រចាំថ្ងៃ»។

កញ្ញា អេលីណា បន្ថែមថា «ក្នុងរយៈពេល ៥ ឆ្នាំ កន្លងមកនេះ កម្មវិធីអប់រំ នៃសេចក្ដីស្រឡាញ់គ្មានព្រំដែនកំណត់បានរីកចម្រើនលើសលប់សម្រាប់បំពេញតម្រូវការរបស់កុមារនៅតាមភូមិជនបទ នៃភាគខាងលិច នៃប្រទេសកម្ពុជា។ សព្វថ្ងៃនេះ សិស្សជាង ៧០០ នាក់ បានចុះឈ្មោះចូលរៀននៅក្នុងកម្មវិធីសិក្សារបស់យើងដែលពួកគេទទួលបានការអប់រំប្រកបដោយគុណភាព និងការគាំទ្រផ្សេងៗ ជាដើម»។

សូមបញ្ជាក់ដែរថា កញ្ញា សំណាង អេលីណា ដែលជាកញ្ញាឯកចក្រវាលឆ្នាំ ២០១៩ (Miss Universe Cambodia 2019) ត្រូវបានជ្រើសរើសឲ្យក្លាយជា Miss International Cambodia 2023 តំណាងឲ្យប្រទេសកម្ពុជាចូលរួមប្រកួតនៅលើឆាកអន្តរជាតិនាពេលឆាប់ៗ ខាងមុខ៕

អត្ថបទ ៖ ចាន់រ៉ា