សូរ ពេជ្រវលក្ខណ៍ សុំការផ្តល់កម្លាំងចិត្ត ខណៈកំពុងតំណាងកម្ពុជាទៅកាន់ឆាក Miss International 2025

ខណ:ពេលដែលត្រូវចេញដំណើរទៅប្រកួតសម្រស់នៅប្រទេសជប៉ុន ម្ចាស់មកុដ Miss Cambodia 2025 កញ្ញាសូរ ពេជ្រវលក្ខណ៍ បានស្នើសុំមហាជន និងអ្នកស្នេហាវិស័យបវរកញ្ញាជួយផ្តល់ការគាំទ្រ និងកម្លាំងចិត្ត ដើម្បីនាំយកទង់ជាតិកម្ពុជាទៅកាន់ឆាកអន្តរជាតិ ក្នុងការប្រកួត Miss International 2025។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

បវរកញ្ញាតំណាងឱ្យកម្ពុជា សូរ ពេជ្រវលក្ខណ៍ ចេញដំណើរពីប្រទេសកម្ពុជាទៅប្រកួតលើឆាកអន្តរជាតិ Miss International 2025 នៅយប់ថ្ងៃទី១១ ខែវិច្ឆិកា ឆ្នាំ២០២៥នេះ ជាមួយការត្រៀមខ្លួនរួចជាស្រេច ដើម្បីបញ្ចេញសមត្ថភាពប្រកួតប្រជែងជាមួយបវរកញ្ញាមកពីបណ្តាប្រទេសផ្សេងៗទៀត។

សូរ ពេជ្រវលក្ខណ៍ បានបញ្ជាក់ឱ្យដឹងថា “នាងខ្ញុំជាកញ្ញាឯកអន្តរជាតិកម្ពុជា២០២៥ នឹងធ្វើដំណើរពីអាកាសយានដ្ឋានអន្តរជាតិតេជោនៃប្រទេសកម្ពុជា ដើម្បីឆ្ពោះទៅកាន់ទីក្រុងតូក្យូ នៃប្រទេសជប៉ុនសម្រាប់ការប្រកួត Miss International 2025″។

កញ្ញា សូរ ពេជ្រវលក្ខណ៍ បាននិយាយថា “សូមផ្ដល់នូវក្ដីស្រឡាញ់ និងការគាំទ្រយ៉ាងពេញទំហឹងមកកាន់រូបនាង ដើម្បីនាំយកទង់ជាតិប្រទេសកម្ពុជាទៅកាន់ឆាកអន្តរជាតិមួយនេះ។ បេសកកម្មត្រូវបានចាប់ផ្តើមដំណើរឆ្ពោះទៅកាន់ការប្រកួតបវរកញ្ញាអន្តរជាតិឆ្នាំ២០២៥ មួយជំហានជាមួយនឹងក្តីសង្ឃឹមនិងមោទនភាព”។

សូមរម្លឹកថា កាលពីរាត្រីថ្ងៃទី២៣ខែតុលាឆ្នាំ២០២៥ កន្លងទៅក្រុមហ៊ុនCIMបានរៀបចំពិធីបំពាក់ឈៀង និងគ្រងមកុដ Miss Cambodia 2025 ជាផ្លូវការដោយម្ចាស់តំណែង គឺជាបវរកញ្ញាឆ្នើម សូរ ពេជ្រវល័ក្ខ ដែលតំណាងកម្ពុជាទៅប្រកួតលើឆាកអន្តរជាតិ៕ អត្ថបទ៖ ចាន់រ៉ា