ជីវិតកម្សាន្ដ

មាន សូនីតា សម្រេចក្តីស្រមៃគ្រងឈុតបុរាណ “នារីសម័យនគរភ្នំ” អបអរពិធីបុណ្យអុំទូក

បានផុស

៣ years មុន

នៅ

ថ្ងៃសុក្រ ២៤ វិច្ឆិកា ២០២៣

ដោយ

តារាសម្ដែងកញ្ញា មាន សូនីតា មុននេះបានបញ្ចេញរូបភាពជាច្រើនសន្លឹកក្នុងទម្រង់ប្រពៃណីបុរាណខ្មែរយ៉ាងស្រស់ស្អាត ដើម្បីត្រៀមអបអរព្រះរាជពិធីបុណ្យអុំទូក អកអំបុកដែលនឹងចូលមកដល់នាពេលឆាប់ៗខាងមុខនេះ។ មាន សូនីតា បានបញ្ជាក់ដែរថា ទីបំផុត ក្តីស្រមៃរបស់នាងបានសម្រេចហើយ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

រូបភាពដែលត្រូវបានបង្ហោះចែករំលែកនៅលើបណ្ដាញសង្គមហ្វេសប៊ុកនេះ គឺបង្ហាញសម្រស់យ៉ាងស្រស់ផូរផង់របស់ស្រីស្អាត មាន សូនីតា ខណៈនាងគ្រងនូវឈុតសំលៀកបំពាក់ទម្រង់បុរាណដែលមានរំលេចរាងយ៉ាងស្រស់ស្អាត។ តាមរយៈរូបភាពជាច្រើនសន្លឹកនេះ ក៏ត្រូវបានអ្នកគាំទ្រសរសើរ និងចែករំលែកជាបន្តបន្ទាប់នៅលើបណ្ដាញសង្គមយក្សមួយនេះផងដែរ។

ស្ថិតក្នុងឈុតសម័យបុរាណកញ្ញា មាន សូនីតា បានបង្ហាញចំណាប់អារម្មណ៍របស់ខ្លួនថា«ឈុតនារីក្នុងក្តីស្រមៃក្នុងពិធីបុណ្យអុំទូក សូមរីករាយពិធីបុណ្យអុំទូក បណ្ដែតប្រទីប សំពះព្រះខែ”ឈុតនារីក្នុងក្តីស្រមៃក្នុងរឿងព្រេងនិទានខ្មែរនាសម័យនគរភ្នំ “»។

រូបភាពនេះដែរក៏មានអ្នកគាំទ្រខ្លះសរសើរថា ថ្វីត្បិតតែពេលនេះនាងមានវ័យជ្រេបន្តិចក៏ពិតមែនតែរូបសម្រស់របស់នាងនៅតែស្រស់ស្អាតដដែល ចំណែកខ្លះទៀតបាននិយាយដែរថាមាន សូនីតា ជានារីមានទំនុកចិត្តលើខ្លួនឯង។

ប្រាកដណាស់ បើតាមការកត់សម្គាល់ ទោះបីជាពេលនេះ មាន សូនីតា មានវ័យច្រើនបន្តិចមែនក្តី ប៉ុន្តែបើសង្កេតឃើញពីរូបសម្ផស្សរបស់តារាស្រីរូបនេះគឺនៅតែរក្សាបានភាពស្រស់ស្អាតមិនចាញ់តារាៗជំនាន់ក្រោយឡើយ។ ចាប់អារម្មណ៍នៅលើបណ្ដាញសង្គមហ្វេសប៊ុករបស់នាងជារឿយៗតែងតែបង្ហោះរូបភាពជាបន្តបន្ទាប់ ដោយមានភាពទាក់ទាញខុសប្លែកពីគ្នា តាមរយៈការតុបតែងខ្លួន និងសំលៀកបំពាក់ជាដើម៕

អត្ថបទ៖ ចាន់រ៉ា