ព្រះនាងតូច ជេនណា ស្ងើចសរសើរអ្នកផលិតមាតិកាលើកកម្ពស់ម្ហូបខ្មែរ

ព្រះនាងតូច ជេនណា នរោត្តម បានមានព្រះបន្ទូលកោតសរសើរ និងលើកទឹកចិត្តចំពោះអ្នកផលិតមាតិកាម្ហូបអាហារខ្មែរដែលគេស្គាល់ថា ឆម ស្រីផាច ជាកូនអ្នកខេត្តបន្ទាយមានជ័យ ខណ:រាល់ការផលិតវីដេអូតែងទទួលបានការគាំទ្រពីមហាជនជាច្រើន។

ប្រាកដណាស់ កញ្ញា ឆម ស្រីផាច គឺជាអ្នកផលិតវីដេអូចម្អិនអាហារបែបស្រុកស្រែចំការមួយរូបដែលកំពុងទទួលបានភាពល្បីល្បាញយ៉ាងខ្លាំងនៅលើបណ្ដាញសង្គមFacebook ជាពិសេសគឺមួយរយៈចុងក្រោយនេះដែរគ្រប់វីដេអូរបស់គាត់តែងមានអ្នកទស្សនារាប់លាននាក់ឯណ្ណោះ។ រឿងដែលគួរឲ្យសរសើរថែមទៀតនោះ ស្រីផាច តែងតែចែក រំលែក​ក្តីស្រលាញ់ដល់ក្មេងក្នុងភូមិតាមរយ:ការផ្តល់ម្ហូបអាហារឆ្ងាញ់ៗទៀតផង។

ងាកមកចាប់អារម្មណ៍ព្រះនាងតូច ជេនណា នរោត្តម ក្នុងអំឡុងពេលដែលព្រះនាងតូចយាងទៅជួបផ្ទាល់ជាមួយអ្នកផលិតមាតិកាដ៏ល្បីកញ្ញា ឆម ស្រីផាច គឺព្រះនាងតូច ជេនណា បានស្ងើចសរសើរជាខ្លាំងចំពោះអ្នកផលិតមាតិការូបនេះដែលបានចូលរួមចំណែកលើកកម្ពស់ម្ហូបខ្មែរ។

ព្រះនាងតូច ជេនណា នរោត្តម បានមានព្រះបន្ទូលថា“ខ្ញុំពិតជាគោរពស្រឡាញ់បងស្រីផាចមែនទែន បានឃើញថាការងារបង្កើតវីដេអូរបស់គាត់ម្តងៗពិតជាពិបាកណាស់ មិនងាយស្រួលដូចដែលយើងធ្លាប់បានឃើញទេពិតជាចំណាយទាំងកម្លាំង និងពេលវេលាច្រើន ខ្ញុំសូមកោតសរសើរគាត់ដោយស្មោះចំពោះទឹកចិត្តរបស់គាត់ដែលបានខិតខំជួយលើកកម្ពស់ម្ហូបខ្មែរយើង”។

ដោយឃើញបែនេះមហាជនបានគោរពកោតសរសើរព្រះទ័យរបស់ព្រះនាងតូច ជេនណា ដែរថា ពិតជាគួរអោយសរសេីរណាស់ព្រះនាងតូចធ្វើខ្លួនតូចទាបមិនចេះប្រកាន់ខ្លួនទាំងដែលជាខ្សែរាជវង្ស ពិតជាគោរពនិងស្រលាញ់ព្រះនាងខ្លាំងណាស់ដែលមិនប្រកានខ្លួន៕

អត្ថបទ៖ ចាន់រ៉ា