សួន ពិសិដ្ឋ រំភើបខ្លាំងដែលព្រះនាងតូច ជេនណា សរសើរស្នាដៃនិពន្ធបទ «មោទនភាពជាតិខ្មែរ»

អ្នកនិពន្ធលោក សួន ពិសិដ្ឋ បានសម្តែងក្តីរំភើបខ្លាំង បន្ទាប់ពីត្រូវបានព្រះនាងតូច ជេនណា នរោត្ដម(Jenna Norodom ) ទ្រង់ព្រះរាជប្រទាននូវកិត្តិយសយាងទស្សនាកិច្ចStudio និពន្ធបទភ្លេងទំនុកច្រៀង និងចម្រៀង។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ក្នុងឱកាសដ៏រំភើបនេះដែរ អ្នកនិពន្ធលោក សួន ពិសិដ្ឋ បានថ្លែងពីអារម្មណ៍របស់ខ្លួនថា ទូលព្រះបង្គំសូមថ្លែងអំណរអរព្រះគុណដល់ព្រះនាងតូចនរោត្ដមជេនណា (Jenna Norodom) ដែលទ្រង់ព្រះប្រទាននូវកិត្តិយសដល់ទូលបង្គំបានយាងមកទស្សនាកិច្ចStudio ផលិតតែងនិពន្ធនូវបទភ្លេងទំនុកច្រៀងចម្រៀងទូលបង្គំដល់ផ្ទះសំណេះសំណាល និងបានច្រៀងសាកសម្លេងក្នុងStudio ទូលបង្គំ ព្រមទាំងចេះលេង Piano ទូលបង្គំយ៉ាងពីរោះ។

លោក សួន ពិសិដ្ឋ បន្តថា អរព្រះគុណដែលព្រះនាងតូចបានសរសើរ និងស្រលាញ់ចូលចិត្តស្នាដៃតែងនិពន្ធបទ «មោទនភាពជាតិខ្មែរ» របស់ទូលព្រះបង្គំ។ សូមថ្វាយព្រះពរដល់ព្រះនាងមានសុខភាពល្អបរិបូណ៍ ស្នាមញញឹមកាន់តែស្រស់ស្អាត ប្រជារាស្រ្តខ្មែរទាំងអស់រឹតតែគោរពស្រលាញ់ចូលចិត្តព្រះនាងមានប្រជាប្រិយភាពក្នុងសកលលោក។

សូមបញ្ជក់ថា ប្រជាប្រិយភាពក្នុងប្រទេសទស្សនិកជនភាគច្រើនពិតជាបានស្គាល់លោក សួន ពិសិដ្ឋ រួចទៅហើយតាម រយៈសម្ដែងជាតួឯកក្នុងរឿង “ចៅពស់កេងកង” បទចម្រៀង ” សឹកហួសព្រោះស្នេហ៍” ដែលដឹកនាំសម្ដែងដោយលោក ហ្វៃ សំអាង និងម្ចាស់ពានជាអ្នកនិពន្ធឆ្នើមពីរឆ្នាំជាប់គ្នាពីកម្មវិធី អាណាចក្រតារា។ មកទល់ពេលនេះ លោក សួន ពិសិដ្ឋ ក៏កាន់តែទទួលបានការគាំទ្រថែមទៀតតាមរយ:ស្នាដៃនិពន្ធបទថ្មីៗមួយចំនួន៕

អត្ថបទ ៖ ចាន់រ៉ា