ជីវិតកម្សាន្ដ

តារាថៃ Wit បង្ហាញមុខមាត់ថ្មី ក្រោយកែសម្ផស្សលើកដំបូងក្នុងវ័យ ៥៤ ឆ្នាំ

បានផុស

២ years មុន

នៅ

ថ្ងៃពុធ ២៤ មេសា ២០២៤

ដោយ

នៅក្នុងពិភពសិល្បៈថៃកំពុងតែមានការភ្ញាក់ផ្អើលជាខ្លាំង បន្ទាប់ឃើញមុខមាត់ថ្មីស្រឡាងរបស់តារាសម្ដែង លោក Wit Phutharit Prombandal ដែលសម្រេចចិត្តធ្វើការវះកាត់កែសម្ផស្សលើកដំបូងក្នុងវ័យ ៥៤ឆ្នាំ មើលទៅកាន់តែសង្ហានិងមុខក្មេងជាងវ័យ។

តាមរយៈគណនី IG ផ្ទាល់ខ្លួនរបស់តារាប្រុសវ័យ ៥៤ឆ្នាំ រូបនេះ បានបង្ហោះនូវរូបភាពច្រើនសន្លឹកមុនពេលវះកាត់កែសម្ផស្ស និងក្រោយវះកាត់កែសម្ផស្សដោយបញ្ចាក់ខេបសិនថា “ខ្ញុំបានសម្រេចចិត្តវះកាត់ថង់ខ្លាញ់ក្រោមភ្នែក និងលើកចិញ្ចើម។ ជាលទ្ធផលគឺល្អប្រសើរណាស់ គ្រាន់តែត្រូវទ្រាំឈឺជាង១ខែហើយ ហើយស្នាមជ្រួញនិងថង់ក្រោមភ្នែកទាំងអស់បានបាត់រលីញគ្មានសល់។ សម្រស់ថ្មីនេះ បានបានធ្វើខ្ញុំសប្បាយចិត្តជាខ្លាំង សឹងមិនគួរឲ្យជឿឡើយ”។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ថ្វីបើយ៉ាងណាក៏ដោយ បន្ទាប់ពីរូបភាពរបស់តារាសម្ដែងនិយមដើរតួជាឪពុករូបនេះបង្ហោះព្រោងព្រាតលើបណ្ដាញអ់ីនធើណេត វាបានបង្កឲ្យមានការភ្ញាក់ផ្អើលមិនស្ទើនោះទេ ពីសំណាក់អ្នកគាំទ្រលោកផ្ទាល់តែម្ដង។ ប៉ុន្តែក្នុងនោះមានទាំងមតិរិះគន់និងស្របខុសៗគ្នាលើមុខមាត់ថ្មីថា ចាស់ជាងមុន ខណៈអ្នកផ្សេងទៀតបានគាំទ្រហើយថា លោកកាន់តែសង្ហាទ្វេរគុណ ត្បិដអីបច្ចុប្បន្ននេះ លោក Wit Phutharit មានវ័យ៥៤ឆ្នាំទៅហើយ។

ដោយឡែក ចំពោះតារាសម្ដែងជើងចាស់លោក Wit Phutharit បានបញ្ចេញមតិត្រលប់ទៅវិញថា មុខមាត់ថ្មីស្រឡាងក្រោយការវះកាត់កែសម្ផស្សនេះ វាអាស្រ័យលើគំនិតរបស់មនុស្សម្នាក់ៗ មនុស្សនឹងស៊ាំនឹងវាឆាប់ៗនេះ។ ជាពិសេសលោកមិនធ្ងន់ធ្ងរអំពីនិន្នាការនៃការរិះគន់របស់មហាជនទេ។ ការសម្រេចចិត្តវះកាត់កែសម្ផស្សនេះទៀតសោត ត្រូវបានធ្វើឡើងភ្លាមៗ ព្រោះមានបញ្ហាផ្ទាល់ខ្លួនដែលលោកពុំអាចបញ្ចាក់បានឡើយ៕