ជីវិតកម្សាន្ដ

សិល្បករ-សិល្បការិនី អបអរ លោកជំទាវ អ្នកឧកញ៉ា ម៉ៅ ចំណាន ជាប់ឈ្មោះជាប្រធានសមាគមសិល្បករខ្មែរ

បានផុស

២ years មុន

នៅ

ថ្ងៃព្រហស្បតិ៍ ២ ឧសភា ២០២៤

ដោយ

សិល្បករ-សិល្បការិនីជាច្រើន បានសម្តែងការចូលរួមអបអរសាទរ ខណៈ លោកជំទាវអ្នកឧកញ៉ា ម៉ៅ ចំណាន បានក្លាយជាប្រធានសមាគមសិល្បករខ្មែរ អាណត្តិទី ៦ បន្ទាប់ពីការរៀបចំការបោះឆ្នោតនៅព្រឹកថ្ងៃទី ០២ ខែឧសភា ឆ្នាំ ២០២៤ នេះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

តាមរយៈនេះគេឃើញមានសិល្បករខ្មែរមួយចំនួនធំ បានប្រកាសអបអរចំពោះលទ្ធផលជាប់ឈ្មោះជាប្រធានសមាគមសិល្បករខ្មែរអាណត្តិទី ៦ របស់ លោកជំទាវអ្នកឧកញ៉ា ម៉ៅ ចំណាន ដែលទទួលបានការគាំទ្រក្រោមសំឡេងសន្លឹកឆ្នោតចំនួន ៥២៧ លើសមាសភាពសិល្បករចំនួន ៦០០ នាក់។

ជាក់ស្ដែងនៅលើទំព័រហ្វេសប៊ុកវីជេ អាឡាស្កូ បានបញ្ជាក់ថា «អបអរសាទរលោក និងស្វាគមន៍លោកជំទាវអ្នកឧកញ៉ា ម៉ៅ ចំណាន ក្លាយជាប្រធានសមាគមសិល្បករខ្មែរអាណត្តិទី ៦ ក្រោមសំឡេងសន្លឹកឆ្នោតចំនួន ៥២៧ លើសមាសភាពសិល្បករចំនួន ៦០០ សំឡេង»។ ចំណែកលោក អ៊ឹម ជីវ៉ា បានលើកឡើងដែរថា «អបអរសាទរ លោកជំទាវអ្នកឧកញ៉ា ម៉ៅ ចំណាន ជាប់ឈ្មោះក្លាយជាប្រធានសមាគមសិល្បករខ្មែរ»។

មិនខុសគ្នាពីតារាប្រុស ២ រូប ខាងលើនេះទេ លោក សាវិន ហ្វីលីព ដែលជាសិល្បករជើងចាស់ ក៏បានចូលរួមអបអរដែរថា «សូមអបអរសាទរ លោកជំទាវអ្នកឧកញ៉ា ស្រីតូចចំណាន បានឈ្នះឆ្នោតជាប្រធានសមាគមសិល្បករខ្មែរអាណត្តិថ្មី ២០២៤-២០២៩ ជាមួយសំឡេងគាំទ្រ ៥២៧ សំឡេង ស្មើនឹង ៩៣ ភាគរយ ក្នុងចំណោមសិល្បករចូលរួមបោះឆ្នោត ៦០០ នាក់»៕

អត្ថបទ ៖ ចាន់រ៉ា