ជីវិតកម្សាន្ដ

សុគា គីមលាង ទម្លាយធ្លាប់ឆ្លងកាត់ភាពជូរចត់ដើម្បីពាក្យថា«អប្សរា»

បានផុស

៨ ខែ មុន

នៅ

ថ្ងៃសុក្រ ២៦ កក្កដា ២០២៤

ដោយ

សិល្បការិនីដ៏ឆ្នើម និងនាដការីរបាំបុរាណអប្សរាលើភ្នំទឹកកក កញ្ញា សុគា គីមលាង ហៅ កូនអាន់ បានទម្លាយថា កន្លងមកនាងធ្លាប់ឆ្លងកាត់នូវភាពជូរចត់ និងការលំបាកច្រើនសម្រាប់ពាក្យថា«អប្សរា» ដោយសារតែការផ្សព្វផ្សាយចង់ឲ្យគេស្គាល់ និងដឹងថា ខ្លួនមកពីកន្លែងណា ជនជាតិអ្វីសញ្ជាតិអ្វី។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ជាមួយគ្នានេះ កញ្ញា សុគា គីមលាង បានថ្លែងសារអរគុណចំពោះអាជ្ញាធរអប្សរាផងដែរ ក្រោយឮដំណឹងដ៏រីករាយថាបានសម្រេចបើកទូលាយជុំវិញការថតរូបភាព និងវីដេអូក្នុងសម្លៀកបំពាក់បែបប្រពៃណីអាពាហ៍ពិពាហ៍នៅតំបន់អង្គរ ប៉ុន្តែគឺចៀសវាងការថតរូបអាសអាភាស។

នាដការី សុគា គីមលាង ហៅ កូនអាន់ បានឲ្យដឹងថា «ភាពជូរចត់ ការលំបាករបស់ខ្ញុំ មានច្រើនណាស់ សម្រាប់ពាក្យថា «អប្សរា» ខ្ញុំធ្វើមុខក្រាស់ មុខស្ដើង និងស្នើសុំតាមច្បាប់ ដើម្បីតែការផ្សព្វផ្សាយចង់ឲ្យគេស្គាល់គេដឹងថាខ្ញុំមកពីកន្លែងណាជនជាតិអ្វីសញ្ជាតិអ្វី»។

កញ្ញា សុគា គីមលាង បញ្ជាក់ទៀតថា «នាងខ្ញុំសូមអរគុណទៅដល់អាជ្ញាធរអប្សរាដែលបានបន្ធូរបន្ថយ ប៉ុន្តែខ្ញុំសូមសំណូមពរត្រូវមានចំណាត់ការលើបុគ្គលណាដែលធ្វើដើម្បីប្រយោជន៍ខ្លួន ឬប្រយោជន៍រួម»។

ជាការពិត នាដការី កញ្ញា សុគា គីមលាង កន្លងមក ត្រូវបានទស្សនិកជនដឹងថា នាងតែងមានភាពលេចធ្លោលើសកម្មភាពផ្សព្វផ្សាយវប្បធម៌សិល្បៈខ្មែរ។ តួយ៉ាងកាលពីថ្មីៗ កន្លងទៅ សុគា គីមលាង បានចេញមុខប្ដេជ្ញាចូលរួមផ្សព្វផ្សាយវប្បធម៌អរិយធម៌កេរ្តិ៍មរតកដូនតាខ្មែរមិនអាចឲ្យស្លាប់ទេ។ ម្យ៉ាងទៀតនាងថា ខ្លួនពិតជាសំណាងណាស់ដែលបានកើតជាកូនខ្មែរចូលរួមកិច្ចការពារថែរក្សាសម្បត្តិបេតិកភណ្ឌជាតិ។

គួរបញ្ជាក់ដែរថា កញ្ញា សុគា គីមលាង ហៅ កូនអាន់ កាលពីកន្លងទៅ នាងក៏ធ្លាប់ត្រូវបានទស្សនិកជនដឹងថានាងធ្លាប់តំណែងជាកញ្ញាឯកសង្ក្រាន្តដ៏ស្រស់ស្អាតនាអំឡុងឆ្នាំ ២០១៨ ផងដែរ៕

អត្ថបទ ៖ ចាន់រ៉ា