កូនអាន ប្តេជ្ញាបន្តឆន្ទ:ប្រើសំឡេងក្នុងការផ្សព្វផ្សាយ អភិរក្ស និងអភិវឌ្ឍនសិល្បៈវប្បធម៌ខ្មែរ

នាដការីរបាំបុរាណកញ្ញា សុគា គីមលាង ដែលមហាជនស្គាល់ថា កូនអាន ជាថ្មីម្តងទៀតបានប្រកាសនូវឆន្ទ:របស់ខ្លួនដោយប្តេជ្ញានឹងបន្តប្រើសំឡេងក្នុងការចូលរួមផ្សព្វផ្សាយ អភិរក្ស និងអភិវឌ្ឍនសិល្បៈវប្បធម៌ខ្មែរឱ្យកាន់តែផុសផុលទៅកាន់ពិភពលោក។ ការតាំងចិត្តនេះ ធ្វើឡើងក្រោយការចូលរួមកិច្ចពិភាក្សាលេីវេទិកា “យុវជនក្នុងកិច្ចការពារវប្បធម៌” ក្រោមប្រធានបទ រួមគ្នាការពារនិងលើកស្ទួយសិល្បៈវប្បធម៌ជាតិ រៀបចំឡើងដោយក្រសួងវប្បធម៌ និងវិចិត្រសិល្បៈ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

កន្លងមក ទោះបីរវល់ការងារយ៉ាងណា តែបវរកញ្ញា និងជានាដការី គីមលាង នៅតែបង្ហាញឆន្ទ:ក្នុងការចូលរួមផ្សព្វផ្សាយតាមតំបន់វប្បធម៌ និងទេសចរណ៍មួយចំនួនទៅពិភពលោក។ តួយ៉ាងថ្មីៗនេះ នាដការីដ៏លេចធ្លោកផ្នែករបាំបុរាណ កញ្ញា សុគា គីមលាង ក៏ធ្វើឱ្យទស្សនិកជនចាប់អារម្មណ៍លើសកម្មភាពចូលរួមផ្សព្វផ្សាយ និងអភរិក្សវិស័យសិល្ប:វប្បធម៌ជាតិ ខណៈទង្វើនេះ ក៏ទទួលបានកាសរសើរ និងគាំទ្រពីសំណាក់មហាជនខ្មែរគ្រប់មជ្ឈដ្ឋានផងដែរ។

កញ្ញា សុគា គីមលាង បានរៀបឱ្យដែរថា “នាងខ្ញុំនឹងប្រឹងប្រែងឲ្យអស់ពីលទ្ធភាពដោយប្រើប្រាស់សំឡេង និងសកម្មភាពរបស់នាងខ្ញុំក្នុងការផ្សព្វផ្សាយ អភិរក្ស និងអភិវឌ្ឍនសិល្បៈវប្បធម៌ខ្មែរដ៏ផូរផង់មួយនេះកាន់ តមានភាពរីកចំច្រើនដើម្បីវប្បធម៍ជាតិយើង”។

សុគា គីមលាង បានបញ្ជាក់បន្ថែមថា នាងក៏សូមថ្លែងអំណរគុណដល់លោកជំទាវបណ្ឌិតសភាចារ្យ ភឿង សកុណា រដ្ឋមន្ត្រីក្រសួងវប្បធម៌ និងវិចិត្រសិល្បៈ និងលោក ទិត ថាវរិទ្ធិ ដែលបានផ្តល់កិត្តិយស និងឱកាសឱ្យខ្លួនបានចូលរួមកិច្ចពិភាក្សាលេីវេទិកា “យុវជនក្នុងកិច្ចការពារវប្បធម៌” ក្រោមប្រធានបទរួមគ្នាការពារ និងលើកស្ទួយសិល្បៈវប្បធម៌ជាតិ៕ដោយ: ចាន់រ៉ា