ព័ត៌មានអន្ដរជាតិ

ច្បាស់ការហើយ កិច្ចព្រមព្រៀងសន្តិភាពកម្ពុជា-ថៃ នឹងត្រូវចុះហត្ថលេខាភ្លាមៗ ពេលត្រាំទៅដល់ម៉ាឡេស៊ី

បានផុស

៧ ខែ មុន

នៅ

ថ្ងៃអាទិត្យ ២៦ តុលា ២០២៥

ដោយ

ប្រធានាធិបតីសហរដ្ឋអាមេរិក លោក ដូណាល់ ត្រាំ បានបង្ហោះសារលើបណ្តាញសង្គមផ្ទាល់ខ្លួនរបស់លោក ដោយអះអាងថា ការចុះហត្ថលេខាលើកិច្ចព្រមព្រៀងសន្តិភាពរវាងកម្ពុជានិងថៃ នឹងត្រូវធ្វើឡើងភ្លាមៗ ពេលលោកទៅដល់ចុះចតនៅប្រទេសម៉ាឡេស៊ីសម្រាប់កិច្ចប្រជុំកំពូលអាស៊ានលើកទី៤៧ និងកិច្ចប្រជុំពាក់ព័ន្ធ។

យន្តហោះដឹកប្រធានាធិបតី ដូណាល់ ត្រាំ បានមកដល់ព្រលានយន្តហោះ កូឡាឡាំពូប្រទេសម៉ាឡេស៊ី។ Reuters

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ការបង្ហោះសាររបស់ប្រធានាធិបតីសហរដ្ឋអាមេរិក បានធ្វើឡើងតែប៉ុន្មានម៉ោងប៉ុណ្ណោះមុនលោកចុះចតនៅអាកាសយានដ្ឋានទីក្រុងកូឡាឡាំពូនៅព្រឹកថ្ងៃអាទិត្យទី២៦ខែតុលានេះ។ លោក ដូណាល់ ត្រាំ បានសរសេររៀបរាប់ប្រកបដោយមោទនភាពចំពោះកិច្ចព្រមព្រៀងសន្តិភាពរវាងកម្ពុជានិងថៃ ដែលលោកនឹងចុះហត្ថលេខាផងដែរ។

លោក បានសរសេរថា៖«ខ្ញុំកំពុងធ្វើដំណើរទៅកាន់ប្រទេសម៉ាឡេស៊ី ជាទីដែលខ្ញុំនឹងចុះហត្ថលេខាលើកិច្ចព្រមព្រៀងសន្តិភាពដ៏អស្ចារ្យ ដែលខ្ញុំសម្រុះសម្រួលប្រកបដោយមោទនភាពរវាងកម្ពុជានិងថៃ»។

ដោយការរៀបរាប់អំពីហេតុការណ៍នៃការសោយទិវង្គតរបស់អតីតមហាក្សត្រយានីថៃ សិរីគិត ប្រធានាធិបតីសហរដ្ឋអាមេរិកលោកដូណាល់ ត្រាំ បានសម្តែងសមានទុក្ខចំពោះប្រជាជនថៃ និង បានហៅនាយករដ្ឋមន្ត្រីថៃ លោក អានុទីន ឆានវីរៈគុល ថា អស្ចារ្យ ដែលលោកនឹងជួបត្រូវជួប។

នៅចុងក្រោយនៃសាររបស់លោក ត្រាំ សរសេរថា៖«ដើម្បីសម្រួលដល់អ្នកទាំងអស់គ្នាសម្រាប់ព្រឹត្តិការណ៍ដ៏ធំនេះ យើងនឹងចុះហត្ថលេខាលើកិច្ចព្រមព្រៀងសន្តិភាពភ្លាមៗពេលទៅដល់។ ជួបគ្នាឆាប់ៗ»៕