ព័ត៌មានអន្ដរជាតិ
បំណែករ៉ុកកែតរបស់ចិនទម្ងន់ជាង២០តោន កំពុងសំដៅមកផែនដី អាចធ្លាក់ចំតំបន់មានប្រជាជនរស់នៅច្រើន
រ៉ុកកែតដ៏ធំសម្បើមមួយគ្រឿង ដែលប្រទេសចិនបានបាញ់បង្ហោះទៅកាន់ទីអវកាសនាពេលថ្មីៗនេះ គឺមិនអាចគ្រប់គ្រងបានទេនៅក្នុងគន្លងគោចរ ហើយវាត្រូវបានគេរំពឹងថានឹងចូលមកក្នុងបរិយាកាសវិញទាំងកំរោលនៅសប្តាហ៍នេះ ដែលជាហេតុបង្កឲ្យមានការព្រួយបារម្ភអំពីផលប៉ះពាល់ដែលអាចកើតមាននៅក្នុងតំបន់ មានប្រជាជនរស់នៅច្រើន។
លោក Andrew Jones នៃគេហទំព័រ SpaceNews បានរាយការណ៍ថា ពីដំបូង បំណែករ៉ុកកែត ដែលត្រូវបានគេប៉ាន់ស្មានថាមានទម្ងន់ជាង២០តោន ទំនងជានឹងត្រូវធ្លាក់ចូលទៅក្នុងដែនទឹកនៃមហាសមុទ្រដាច់ស្រយាល ប៉ុន្តែគន្លងបច្ចុប្បន្នរបស់វា នឹងត្រូវឆ្លងកាត់លើតំបន់ទីក្រុងនៅចុងភាគខាងជើងដូចជារដ្ឋញូវយ៉ក និងនៅភាគខាងត្បូងដូចជាប្រទេស នូវែលសេឡង់។
រ៉ុកកែតឈ្មោះ Long March 5B របស់ប្រទេសចិន បានបាញ់បង្ហោះកាលពីថ្ងៃពុធសប្តាហ៍មុន ហើយបានបញ្ជូនយាន “Tianhe” ដំបូងបង្អស់របស់ស្ថានីយ៍អវកាសថ្មីនៃប្រទេសនេះចូលទៅក្នុងគន្លងគោចរ។ តែមិនដូចការគិតឡើយ បណ្តូលដ៏ធំរបស់រ៉ុកកែតពិសេសដែលក៏ត្រូវបានគេស្គាល់ឈ្មោះថា CZ-5B នេះ ក៏បានបញ្ចប់នៅក្នុងគន្លងគោចរផងដែរ។
ផ្នែកខ្លះរបស់រ៉ុកកែតដែលចូលទៅក្នុងគន្លងគោចរ ជាញឹកញាប់ត្រូវបានបំពាក់ ដើម្បីនាំពួកគេចូលមកក្នុងបរិយាកាសវិញនៅលើតំបន់ដែលគ្មានមនុស្សរស់នៅ។
អ្នកតាមដានរ៉ាដាដែលមានមូលដ្ឋាននៅលើដីបានបង្ហើបថា ស្នូល CZ-5B កម្ពស់៣០ម៉ែត្រ កំពុងតែធ្លាក់ចូលក្នុងអវកាស។ ពួកគេបញ្ជាក់ថា ក្រុមមន្ត្រីអវកាសចិន មិនអាចគ្រប់គ្រងលើរឿងនេះបានទេ ដែលជាហេតុនាំឲ្យបំណែកធ្លាក់មកផែនដីទាំងមិនមានសុវត្ថិភាព។
ប្រទេសចិនបានបង្កឲ្យមានការរិះគន់ទូទាំងពិភពលោកម្តងរួចទៅហើយ នៅពេលដែលខ្លួនបាញ់បង្ហោះយាន CZ-5B នៅក្នុងខែឧសភាឆ្នាំ២០២០។ បំណែករបស់វា បានធ្លាក់រាយប៉ាយពាសពេញភូមិនានាក្នុងប្រទេសកូតឌីវ័រ។ ជាសំណាងល្អ មិនមានសេចក្តីរាយការណ៍អំពីអ្នករងរបួសឬស្លាប់ដែលបណ្តាលមកពីផលប៉ះពាល់នោះទេ៕
ប្រែសម្រួលដោយ៖ Vann Vann
ប្រភព៖ Vice
ចុចអាន៖ ចិន បាញ់បង្ហោះគ្រាប់រ៉ុកកែតទៅស្ថានីយអវកាសថ្មីរបស់ខ្លួន ដោយជោគជ័យ
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សន្តិសុខសង្គម៧ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៥ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៤ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៥ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ៦ ថ្ងៃ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង