គ្រប់គ្នាស្ទើរតែមិនជឿថា ម្ដាយចុងធ្វើដល់ថ្នាក់នេះ ក្រោយឃើញរូបមួយសន្លឹក

ប៉ុន្មានថ្ងៃថ្មីៗនេះ ការស្លាប់របស់ក្មេងស្រីឈ្មោះ VA អាយុ៨ឆ្នាំ រស់នៅក្នុងទីក្រុង ហូជីមិញ បានធ្វើឲ្យសាធារណជនមានការខឹងសម្បាយ៉ាងខ្លាំង។

ខណៈពេលដែលប៉ូលិសកំពុងបន្តស៊ើបអង្កេត និងស្តាប់ការបំភ្លឺពីអ្នកពាក់ព័ន្ធអំពីមូលហេតុនៃការស្លាប់ដ៏សោកសៅរបស់ក្មេងស្រី បញ្ហាជុំវិញជីវិតរបស់ម្តាយចុងឈ្មោះ Vo Nguyen Quynh Trang ក៏ធ្វើឲ្យមនុស្សជាច្រើនចាប់អារម្មណ៍ផងដែរ។

នៅឯទីភ្នាក់ងារស៊ើបអង្កេត Quynh Trang មិនត្រឹមតែសារភាពថាបានវាយ VA អំឡុងពេលបង្រៀនប៉ុណ្ណោះទេ ប៉ុន្តែថែមទាំងបានសារភាពផងដែរថា មានទំនាក់ទំនងលួចលាក់ជាមួយលោក T. ដែលឪពុករបស់កុមារី VA នៅពេលគាត់មានប្រពន្ធនិងកូន។ អ្នក​ទាំង​ពីរ​បាន​ស្គាល់​គ្នា​ពេល​ធ្វើ​ការ​នៅ​ក្រុមហ៊ុន​ជាមួយ​គ្នា​ក្នុង​ទីក្រុង​ហូជីមិញ។

បន្ទាប់ពីប្រពន្ធរបស់លោក T ដឹងរឿង ប្តីប្រពន្ធមួយគូនេះបានលែងលះគ្នាក្នុងខែសីហាឆ្នាំ ២០២០។ ប៉ុន្តែមិនដល់មួយខែផងបន្ទាប់ពីលែងលះប្រពន្ធ លោក T និងនាង Trang បានផ្លាស់ទៅរស់នៅជាមួយគ្នាជាប្តីប្រពន្ធនៅក្នុងផ្ទះល្វែង Saigon Pearl។

បន្ទាប់ពីការសារភាពរបស់ម្តាយចុងបានធ្វើឲ្យមនុស្សជាច្រើនមានការខឹងសម្បានោះ ថ្មីៗនេះ រូបភាពរបស់កុមារី VA ជាមួយឪពុក ដែលបានអបអរថ្ងៃខួបកំណើតរបស់ម្តាយចុង ត្រូវបានអ្នកលេងបណ្តាញសង្គម ចែកចាយព្រោងព្រាត។

ក្នុងរូបថតនោះ កុមារី VA បានកាន់បាច់ផ្កាកុលាបដ៏ធំ ថើបថ្ពាល់ម្តាយចុង ហើយ​ឪពុក​ ​អង្គុយ​ក្បែរ​នោះ​ក៏​បាន​ឱប និង​ថើប​មិត្ត​ស្រី​របស់​គាត់ផងដែរ​។ ក៏មាន​នំខេក​រាង​បេះដូង ​ដែល​មាន​ពាក្យ​ស្រលាញ់​ជា​ច្រើន​នៅ​លើ​តុទៀតផង។

គេ​មិន​ដឹង​ច្បាស់​ថា ​រូបថត​នោះ​ត្រូវ​បាន​គេ​ថត​នៅ​ពេល​ណា​ទេ ប៉ុន្តែ​បាន​ធ្វើ​ឲ្យ​មនុស្ស​ជា​ច្រើន​មាន​អារម្មណ៍​សោកសៅ។ នៅពីក្រោយរូបភាពនៃគ្រួសារដ៏រីករាយ និងសុខដុមរមនាមួយនេះ គឺជាការវាយដំ និងការធ្វើទារុណកម្មដែល ក្មេងស្រីត្រូវស៊ូទ្រាំអស់រយៈពេលជាយូរពី ម្តាយចុង ជាទីស្រឡាញ់របស់ខ្លួន៕

ប្រែសម្រួល៖ Vann Vann

ប្រភព៖ Kenh 14

ចុចអាន៖ ស្ត្រីវៀតណាម ធ្វើបាបកូនចុងដល់ស្លាប់ ប្រឈមការចោទប្រកាន់ បទល្មើសព្រហ្មទណ្ឌ