គ្រូបង្រៀនវៀតណាម បៀតបៀនកេរ្តិ៍ខ្មាសសិស្សបឋម ៤នាក់ក្នុងថ្នាក់រៀន 

កាលពីថ្ងៃអាទិត្យទី១៧ខែមករា ប៉ូលិសនៅក្នុងខេត្ត Thai Nguyen ភាគខាងជើងប្រទេសវៀតណាម បានចាប់ខ្លួននិងចាប់ផ្តើមដំណើរការផ្លូវច្បាប់ ប្រឆាំងនឹងគ្រូបង្រៀនអាយុ៣២ឆ្នាំម្នាក់ ដោយសារបៀតបៀនកេរ្តិ៍ខ្មាសសិស្សស្រី៤នាក់។

លោក Ha Hoang Tu គ្រូបង្រៀននៅសាលាបឋមសិក្សា Van Lang លេខ២ ក្នុងស្រុក Dong Hy ត្រូវបានស៊ើបអង្កេតលើការចោទប្រកាន់ពីបទ “ប្រព្រឹត្តអំពើអាសគ្រាម ជាមួយកុមារអាយុក្រោម១៦ឆ្នាំ”។

ក្នុង​នាម​ជា​គ្រូ​បង្រៀន​ថ្នាក់​ទី​បី លោក Tu ត្រូវ​បាន​គេ​រាយការណ៍​ថា ​បានយក​ដៃស្ទាប​ប្រដាប់​ភេទ​របស់​ក្មេង​ស្រី​អាយុ​ប្រាំបួន​ឆ្នាំ​នៅក្នុង​ថ្នាក់ កាលពី​ថ្ងៃ​ទី១២ខែ​មករា។

ពេល​ទទួល​បាន​ព័ត៌មានអំពី​ពី​ករណី​នេះ ប៉ូលិស​ស្រុក Dong Hy បាន​ចាប់ផ្តើមការ​ស៊ើបអង្កេត និង​ចាប់ខ្លួនលោក Tu។

នៅទីបំផុត គ្រូបង្រៀនម្នាក់នេះបានសារភាពចំពោះទង្វើរបស់គាត់៕

ប្រែសម្រួល៖ Vann Vann

ប្រភព៖ Tuoi Tre

ចុចអាន៖ វៀតណាម ព្រមានពីការប្រើប្រាស់ថ្នាំ Molnupiravir ប្រយ័ត្នគ្រោះថ្នាក់